2021-08-13 spraak! - Schölers leest Platt

Korpus, Status un Verwarf sünd Rebeten, op de Spraakpolitik sik afspeelt. Hööchste Tiet, dat wi uns de mal bekiekt, meent Heimatbundreferent Jan Graf: Wat sünd dat för Kategorien, un wat bringt se för den plattdüütschen Diskurs?

Worüm maakt wi, wat wi maakt? Wat is dat Maal vun den plattdüütschen Lobbyismus in Sleswig-Holsteen? - Dat fraagt sik Heimatbund-Referent Jan Graf un much dor geern en lütten Vörslag to maken.

Siet Johrhunnerten singt de Plattdüütschen mehrsttieds hoochdüütsche Volksleder. Musik vun Hand klingt in Sleswig-Holsteen geern mal na Irland oder Skandinavien. Worüm süht dat so kümmerlich ut mit de volksmuskaalschen Traditschonen vun Nedderdüütschland? Jan Graf söcht na Grünnen un dinkt na över Perspektiven.

Mit Geld vun de Sporkassen un Ünnerstütten dörch den Bökereevereen in Sleswig-Holsteen stellt de Sleswig-Holsteensche Heimatbund all twee Johr den Wettstriet „Schölers leest Platt“ op de Been. Masse Institutschonen sünd bedeligt: Ehrenamt, Scholen, plattdüütsche Bühnen un Zentren, IQSH usw. Lohnt all dat Aggewars överhööft?

Geboren ut Naturalismus un Heimatkunst, wiederbedreven as slichten Amüseerbedrief un siet 2014 immateriell Kulturarv. Heimatbund-Referent Jan Graf stellt Fragen an en Hööftoort vun plattdüütsche Kultur: Dat Nedderdüütsche Theater.

De plattdüütsche Medienkampagne „Funklock stoppen!“ hett en niege Nettsiet. Ünner www.funklockstoppen.de kann een vun nu af an nalesen, wat dat mit dat Ropen na en egen öffentlich-rechtlichen plattdüütschen Senner op sik hett un wokeen de Röög ünnerstütten deit. De Organisatoren hebbt de Siet künnig maakt op en Onlinedrepen vun plattdüütsche Repräsentanten ut acht Bunnslänner an´n verleden Dingsdag, 15. Junimaand. De Konferenz hett bi Heimatbundreferent Jan Graf niege Gedanken to dat Thema Platt un Medien anstött. Hier sünd se!

Geiht dat dorüm, dat Plattdüütsche ok hüüt noch as Kulturspraak to woh-ren, besinnt wi uns geern op sien Geschich as Hansespraak un Sassen-spraak. Jüst de öllste Afsnitt hett Jan Graf dat dütmal andaan: spraak! – De Heimatbund-Podcast to plattdüütsche Kultuur in Sleswig-Holsteen söcht na de sassische Dimensioon.

Do You speak Platt? Anners as lütte Spraken in anner europääsche Länner sünd de Plattdüütschen noch ümmer nich mit en öffentlich-rechtlichen Radiokanaal versorgt. In sien niegen grenzenlosen Podcast „spraak!“ snackt Plattreferent Jan Graf över dat Thema mit Plattdüütsche ok in Neddersassen un Nedderland.

Wenn wi för en Schoolfack Plattdüütsch argumenteert, denn mutt dat vörweg üm de Kinner gahn un eerst an twete Steed üm all dat, wat wi mit de "Heimatspraak" verbinnt, meent Jan Graf in sien Podcast vun´n 26. Oktober 2020.

Kinner Wötteln geven un fit maken för de veelsprakige Welt: Plattdüütsch deit Familien goot!