འབྲི་གུང་༧སྐྱབས་མགོན་མཆོག་གིས་བོད་བཙན་པོའི་རྒྱལ་རབས་སྐོར་བཀའ་སློབ་གསུང་བཤད་གནང་བ། - སྤྱི་ཟླ་གསུམ་པ། ༠༦, ༢༠༢༤

༄༅། །ཨ་རིའི་གྲོས་ཚོགས་ཁང་གི་མང་གཙོ་ཚོགས་པ་དང་སྤྱི་མཐུན་ཚོགས་པའི་ཁྲིམས་བཟོ་བ་གཉིས་ཀྱིས་བོད་མིའི་རང་ཐག་རང་གཅོད་ཀྱི་ཐོབ་ཐང་ལ་རྒྱབ་སྐྱོར་བྱེད་པའི་གྲོས་ཆོད་གཅིག་གྲོས་ཚོགས་ནང་ངོ་སྤྲོད་གནང་ཡོད་པའི་སྐོར་གྱི་གནས་ཚུལ་ཞིག་རྒྱལ་མཚན་ཚེ་རིང་ལགས་ཀྱིས་སྙན་སྒྲོན་ཞུ་ཡི་རེད།

སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་རྟ་དབང་དགོན་པའི་མཁན་པོ་མཆོག་གཙོས་པས་འབྲེལ་ཡོད་ཁག་ཅིག་གིས་ཇི་ལྟར་གསོལ་འདེབས་ཞུས་པ་ལྟར་རྟ་དབང་ལ་ཆིབས་སྒྱུར་གནང་རྒྱུའི་ཞལ་བཞེས་ཐོབ་པའི་སྐོར་འདི་གའི་གསར་འགོད་པ་བསྟན་འཛིན་དབང་འདུས་ལགས་ཀྱིས་བཏང་བའི་གནས་ཚུལ་དེ་གསན་རོགས་གནང་།

ཨ་རིའི་ཕྱི་སྲིད་ལས་ཁུངས་ནང་བོད་དོན་འབྲེལ་མཐུད་པ་ལྕམ་ཨཛ་ར་ཛི་ཡས་ཁེ་ན་ཌའི་ཕྱི་འབྲེལ་མི་སྣ་དང་མཇལ་ནས་བོད་དོན་ཐོག་མཐུན་ཕྱོགས་རྒྱལ་ཁབ་ཚོས་མཉམ་ལས་བྱེད་ཕྱོགས་ལ་བཀའ་བསྡུར་གནང་འདུག་པའི་སྐོར་རྣམ་རྒྱལ་ཤཱསྟྲིས་ཕྱོགས་སྙན་སྒྲོན་ཞུ་ཡི་རེད།

ཨ་རིའི་གྲོས་ཚོགས་ཐོག་ཁང་གི་ཚོགས་ཁང་ཞིག་ཏུ་བོད་དོན་མི་ཉམས་གསོན་པོར་གནས་ནས་མི་ལོ་༦༥ འཁོར་བའི་དུས་དྲན་འདུ་འཛོམས་ཞེས་པའི་ཐོག་ནས་མི་ལོ་༦༥ ཡི་རིང་གི་བོད་དོན་འཐབ་རྩོད་ཀྱི་ལོ་རྒྱུས་ངོ་སྤྲོད་ཀྱི་ཚོགས་འདུ་ཞིག་ཚུགས་ཡོད་པའི་སྐོར་ཕུན་ཚོགས་ལྷུན་གྲུབ་ལགས་ཀྱིས་ཕྱོགས་བསྒྲིགས་དང་སྙན་སྒྲོན་ཞུས་ཡོད།

མཚོ་སྔོན་མཚོ་ལྷོ་གསེར་ཆེན་རྫོང་མི་རིགས་སློབ་འབྲིང་གི་ནང་རྒྱ་ནག་གཞུང་གི་མི་སྣ་སླེབས་ནས་བཙན་དབང་ངང་སློབ་གྲྭའི་ནང་ལོ་མང་སྔོན་ནས་བཞེངས་སྐྲུན་བྱས་ཡོད་པའི་སློབ་དཔོན་ཐོན་མིའི་སྐུ་བརྙན་དེ་གཏོར་བཤིག་དང་སློབ་གྲྭས་གཏན་འབེབས་བྱས་པའི་སློབ་དེབ་ལས་གཞན་དཔེ་དེབ་གཅིག་ཀྱང་ལྟ་ཀློག་བྱས་མི་ཆོག་པར་བཀག་སྡོམ་བྱས་ཡོད་པ་

༧གོང་ས་༧སྐྱབས་མགོན་ཆེན་པོ་མཆོག་གིས་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཐེངས་༦༥པའི་མཛད་སྒོའི་སྔ་རོལ་དུ་སྐུ་མགྲོན་གཙོ་བོ་ཨོ་སི་ཏྲོ་ལི་ཡ་དང་འཇར་མན་ནི་གྲོས་ཚོགས་འཐུས་མི་རྣམས་ལ་མཇལ་ཁ་དང་བཀའ་སློབ་སྩལ་བའི་སྐོར་བསྟན་འཛིན་འོད་ལྡན་གྱིས་སྙན་སྒྲོན་ཞུ་ཡི་རེད།

༢༠༢༤ ཟླ་༣ཚེས་༩བོད་མིའི་རང་དབང་སྒེར་ལངས་གསུམ་བཅུའི་དུས་དྲན་གྱི་སྔ་ནུབ་ཉིན་ཨ་རིའི་མངའ་སྡེ་ནིའུ་འཇར་སིའི་ནང་ཡོད་པའི་ཨི་སེ་ཊེ་ར་རྡར་ཧྥོ་ཌི་ས་གནས་སུ་གཞུང་འབྲེལ་ཐོག་ནས་གྲོང་སྡེ་ལས་ཁུངས་ཀྱི་མདུན་ཐང་དུ་བོད་ཀྱི་རྒྱལ་དར་སྒྲེང་འཛུགས་གནང་བའི་སྐོར་བསྟན་འཛིན་ལམ་བཟང་ལགས་ཀྱིས་སྙན་སྒྲོན་གནང་གི་རེད།

མི་ལོ་ ༦༥ ཕྱིན་པའི་བོད་མིའི་རང་དབང་སྒེར་ལངས་ཉིན་མོ་གཞུང་འབྲེལ་གྱིས་སྲུང་བརྩི་དང་སྦྲཊ། བཀའ་སྤྱི་གཉིས་ཀས་རྒྱ་ནག་གི་བཙན་འོག་ཏུ་འདས་གྲོངས་སུ་ཕྱིན་པའི་བོད་ཀྱི་དཔའ་བོ་དཔའ་མོ་རྣམས་ལ་རྗེས་དྲན་བསྔོ་སྨོན་དང་། ད་ལྟའང་དེ་ལྟའི་དཀའ་སྡུག་མྱངས་དང་མྱོང་བཞིན་པ་རྣམས་ལ་གདུང་སེམས་མཉམ་བསྐྱེད་ཀྱིས་དུས་དྲན་སྲུང་བརྩི་ཞུས་པ།

དེ་རིང་བོད་མིའི་འདུས་སྡོད་ས་གནས་གང་སར་བོད་མིའི་རང་དབང་སྒེར་ཐེངས་༦༥ པ་སྲུང་བརྩི་ཞུ་བཞིན་པ་དེའི་ཁྲོད། རྒྱ་གར་གྱི་རྒྱལ་ས་ལྡི་ལིར་གནས་འཁོད་བོད་མི་རྣམས་ཇན་ཏར་མན་ཏར་ས་ཚིགས་སུ་འདུ་འཛོམས་ཀྱིས་དུས་དྲན་སྲུང་བརྩི་ཞུས་ཡོད་པའི་སྐོར་བསྟན་འཛིན་ནོར་བཟང་ལགས་ཀྱིས་སྙན་སྒྲོན་ཞུས་ཡོད།

མོན་གྷོ་ས་གནས་བུད་མེད་ལྷན་ཚོགས་ཀྱིས་ཀར་ན་ཀྲ་ཀ་མངའ་སྡེའི་སྦེང་ལོར་གྲོང་ཁྱེར་ནས་མེ་སོར་བར་ཉིན་གྲངས་བདུན་རིང་བོད་དོན་ཞི་བའི་གོམ་བགྲོད་ལས་འགུལ་སྤེལ་ཡོད་པའི་སྐོར་རྒྱ་གར་ལྷོ་ཕྱོགས་ནས་ཨ་རིའི་རླུང་འཕྲིན་ཁང་གི་གསར་འགོད་པ་རྒྱལ་མཚན་ཆོས་གྲགས་ལགས་ཀྱིས་སྙན་སྒྲོན་ཞུས་ཡོད།