純享

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第31話﹕世界級辭職信 Please let me go lah 特別嗚謝：FB@扮工室Online ⬇️ 原文 ⬇️ Dear Sir, You know why I want to resign? Since I worked for you, my money is not enough to use. When my money not enough to use, I become unhappy. When I become unhappy, I will eat a lot. I will get fat. When I get fat. It will affect your company’s image. When your company’s image affected, your business is not good. When your business not good, you become unhappy, when you become unhappy, you will eat a lot. I’m afraid you will become fat, like me… Sir, you see it is a vicious cycle I did everything for your own good, because I care for you sir. So the conclusion is I want to resign, please let me go lah… Thank you. APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第30話﹕剷車潮文 凡事向內求不向外求 特別嗚謝：高登會員我有剷車牌 ⬇️ 原文 ⬇️ 趁仲有時間、最後同你班高登仔講幾句野 做人做事、要向內求、唔好向外求 唔好諗住個世界有最低工資來保障你搵幾千蚊個月、應該設法令自己離開最低工資的保障範圍 唔好祈求港女有一天會迴光反照愛上一個無錢無面的深情小毒男、應該設法令自己變成有條件有能力令港女感到無你唔得的境界. 出黎做野人人都要受氣、讀書多讀書少坐office做咕喱做老細做員工都一樣、除非老豆本身有錢、否則所有白手興家的人都受過氣、捱過苦. 讀書唔會直接令人發達、但可以培養、訓練你的集中力、專注力、記憶力、更加重要的是訓練推理、邏輯思考的能力、出到來搵食無咩法則規條可以照住來用保你平步青雲、大部份要靠自己的經驗 + 所見所聞去預測、分析環境、自己所處位置、從而決定面對的應有態度、和處理方法. 即使你讀死書而沒有真正智商智慧、一紙學歷都可以幫到你、所以讀書無壞的、趁年青沒有太多問題需要你去處理、承擔時讀、讀左將來可以唔用、但調轉第時你想讀、就唔係話咁易、這是一個近乎不能逆轉的問題. 唔好成日hi d無良老細、老細款只是擺出來的、實際上佢未必比你好受、你唔駛帶錢番去打工、但佢每日訓醒覺都要有錢先過到一日、佢要諗辦法賺錢來出糧比你、你可以唔鍾意拍下個欏柚唔做、但佢按左層樓或借人錢來做生意唔做可能訓街同破產、佢都好想可以話比行家知佢間公司請人比出面市場人工高. 如果你有本事、幫到手、任何一個老細都荒死你唔撈、所以如果你覺得公司對你唔好、老細對你唔好、你要檢討自己的能力. 唔好比自己習慣懶天懶地、怨天尤人、有問題、有唔妥先望下自己..如果你讀書唔成就懶香港教育抹殺人才、怨老師怨學校. 如果你無本事搬出去住就懶香港沒多餘空間俾後生仔獨立、如果你因為見上一代人搵食容易就懶社會對這個年代年青人很不公平、如果你因為見人炒炒賣賣搵錢易而覺得腳踏實地好戇居、咁我可以話比你聽你往後果半世人都只能夠繼續咁樣為自己創作理由、而永遠無出色. 舉一個好例子、地雷 post 本來只是高登平日眾多類別的其中一類常見帖子、既娛樂大眾亦無傷大雅、更可增進電腦知識. 因此雖然我不幸中伏、但都唔會埋怨有人開呢類 post 害人、或呼天搶地心存咀咒等. 我第一時間只會怪責和檢討自己為何如此大意. 正如祈福黨來呃你、都要你肯比人呃先得、一個騙局如果只有騙子係唔成事的、一定要有人飾演受害人、才成一個騙局、所以、除非我們永不踏足一個自己不熟悉的新境地、否則無論在任何範疇上、都應該盡快設法不讓自己飾演弱者、受害人. 這是人生在世應有的態度、凡事向內求、不向外求. 結論 : 讀書的努力讀書、工作的努力工作、有時間搵d野學下讀下無蝕底、打下J無乜所謂、但打機就唔好太沉迷. APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第29話﹕西伯利亞 最近天氣開始轉涼了 來源：網絡文章 ⬇️ 原文 ⬇️ 十五度，西班牙人穿大衣、戴手套；西伯利亞人作日光浴。 十度，法國人開暖氣；西伯利亞人在花園裡種花。 五度，義大利人發不動車子，西伯利亞人開敞篷車遊街。 零下五度，加州人凍斃了；西伯利亞人在戶外烤肉。 零下十度，英國人開暖氣；西伯利亞人開始穿長袖。 零下五十度，北極熊撤離北極；西伯利亞軍隊延後冬季野外求生訓練，等待真正的冬天到來。 零下一百八十三度，食物中的微生物死亡；西伯利亞牛隻抱怨酪農的手太冰。 零下兩百七十三度，原子停止活動；西伯利亞人終於說：『老天，外面好冷！』 高登仔：『最近天氣開始轉涼了！』 APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第28話﹕六合彩 一張重獲新生的投胎卷 來源：網絡文章 ⬇️ 原文 ⬇️ 六合彩對我來說，不是賭博， 而是，一張能令我重獲新生的投胎卷。 如果你問我向上社會流動的機會在哪裡， 我會答你：一直都在馬會阿。 八千萬，不是一個小數字， 但到底能幹什麼？ 具體點來說的話， 八千萬，能養二十個孩子， 八千萬，能買八十萬打蛋撻， 八千萬，能買一億六千萬個膠袋， 八千萬，還能召妓八十萬次， 當然，質素不會太高。 22，27，28，29，42，46，49。 這七個投股密碼，深深印在我的腦海。 立即查看我的投胎卷，看看有沒有這七個數字， 那種興奮，那種刺激，那種期待， 如同父母看著剛出生的新生命的心情。 我看看，看到22，覺得新生命大概要出來了； 再看看，看到27，打算明天上班毒打衰老闆； 再看看，看到28，開始打去半島訂檯食飽魚； 再看看，看到29，考慮買保時捷還是法拉利； 再看看，看到42，問人八千萬能包什麼明星； 再看看，看到46，哇！我中左！！！！！！！ 我竟然中晒六個號碼， 而可惜既係，天意弄人， 呢六個號碼竟然分別印係六張唔同既彩票。 呢個情況就好似…… 搭親巴士都係得阿叔隔離有空位，學生妹無你份。 學校調親位都係同豬扒牛扒為伴，沈佳宜無你份。 連搭下地鐵都會撞到食緊餅既人，然後鬧你係狗。 資源總是錯配，投胎總是失敗， 幸運從不理我，緣份亦不曾見。 算， 得之，我幸， 失之，我命。 我拿著百佳袋，在黃埔的街頭上， 拿著和記出的iPhone打給阿強， "阿強，聽日一定會好天既。" "你點知聽日會好天既？" "因為聽日仲要返工嘛。" APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第27話﹕我蘭桂芳USB決定今日金盤洗J 特別嗚謝：高登會員下下呼 ⬇️ 原文 ⬇️ 識我既人都知我係蘭桂坊USB，啲人多數叫我Ｂ哥。 而同我熟既人會叫我鮑魚刷、通渠佬。 你問我有咩咁把炮？ 知唔知咩係巴黎鐵塔倒吊金鐘？ 唔識？ 咁知唔知咩係七重天？ 又唔知？ 你一定係食女界既Ｐ牌仔。 不過我可以話你聽，Edison都係我襟兄弟。 老老實實，Ｂ哥我食女既時候，希仔、樂仔都係跟我搵食。 通渠十數載， 由唔食煙，變成今日要隊幾包萬寶露； 由唔飲酒，變成今日既千杯不醉，Cocktail ? 我要廿打！ 想隊冧我？！黎呀！黎呀！你地隊到爆肝我都可以面不改容。 你問我食過咩女？ 金絲貓、平胸、大波、清純樣淫底、戰鬥格、明星仔…… 我已經唔記得食過幾多。 無錯，老蘭食女就係咁易， 因為佢地出得黎，都係想玩、想尋慰藉、妹妹痕、淫底。 所以話，老婆出於老蘭，條Ｊ肯定會散，不無道理。 ｏ靚仔，你肯定覺得我好風光， 但係我話你聽，我真係好後悔:~( 是咁的， 琴晚我落老蘭溝左件鬼妹， 飲到咁上下就梗係爆房啦！ 呢件鬼妹初初怕怕醜醜。 但係上到床真係追住我黎灼，成個黑山老妖吸精咁。 點知灼左成半個鐘，我巨龍點都硬唔到， 我驚到係咁標冷汗，心諗「唔係咁快打柴呀？我３０歲渣！點都唔會係我掛？！」 條鬼妹望住我條Ｊ問我：「Are you Okay？」 呢條問題就好似問緊郭富城幾高咁。 我當堂係心入面Hi到條女巴黎鐵塔反轉再反轉， 「ＯＫＡＹ？ I will BANG you like a GORILLA!!, give me a sec.」 之後即刻沖入廁所係咁ＣＨＯＫ自己巨龍 但係我搞左半個鐘，條龍都係頭DUP DUP，眼濕濕， 條鬼妹等得唔耐煩，係度大叫： 「Come on dicky dicky！Bang me little monkey！」 我聽到之後真係好嬲，諗住Hi唔到，都兜腳踢門彈出去嚇Seven條鬼妹光復下中華都好。 「我砌！！！！！！！！！」 點知條女突然開門，無視我重重既一腳仲要抱住我。 佢驚左一驚之後放我上張床。 用啲唔咸唔淡既廣東話同我講：「走啦，第日再玩過，棉花糖～」 呢下我真係Seven到想捐番入老母個肚當無出過世算。 然後我好傷心，係咁中自己巨龍 「你同我醒呀！醒下呀！Hi Hi！你即刻同我醒呀！！」 但係無論我點做都好，佢都係軟過軟皮蛇。 男人最痛，莫過於此 :~( 最後，我番到屋企，望住露台外既夜境， 諗住扯番飛煙定下驚，我見到個封面， 「吸菸導致陽萎。」 我個心好痛，我掉左包煙落街。 係銀包拎左我初戀情人－阿娟張相出黎。 浪子回頭金不換，睇黎我要金盤洗Ｊ了。 APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第26話﹕不要在Google搜索楊怡 來源：Tvb.com討論區 ⬇️ 原文 ⬇️ 有很多人在網上不同的論壇上打"不要在google搜索楊怡" 你們可知道楊怡的意思是什麼嗎? 也一樣有一個有關楊怡的信息 內容大概如下： 於一九四五年，一位中國藉中女楊怡，乘坐一艘灰色小船由中國內地漂遊到香港，一位神秘男人殺死了她，而且在背脊割了"楊怡"幾個字。一星期後，這消息傳到 tvb.com。現在，你已看完這篇訊息，她會在一星期後飄到家中奪取你最重要的家人性命。現在你已看完這篇訊息，她會在一星期後飄到你家中奪取你最重要的家人性命。解咒方法只有完成以下指示：將此訊息貼在其他三個留言版的回應內。 這是一個咒語嗎? 很多人為了解咒也服從信息 貼這文章到其他三個留言板上的回應內 據說將此訊息貼在其他一百個留言版的回應內，還可以幫你實現願望！ 自幼便啞的文初再轉貼一百遍後，第二天竟能開口說話，醫生都說是奇蹟。 經歷了100次求婚都失敗的星野先生再轉貼一百遍後 ，第二天終於求婚成功了。 一名香港女大學生看完這篇訊息後，以為只是一般的連鎖信，沒有理會，第二天便被倒塌的百歲樹王壓死了。 這絕對不是無聊的信息，這是千真萬確的事。 friend說試過了，很靈，佢中左今期六合彩頭獎 APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第25話﹕有咩慘得過有個痴線佬做ROOMMATE? 特別嗚謝：高登會員自修室痴線佬 ⬇️ 原文 ⬇️ ;-) :我　:o) :我roommate 事情是這樣的 我個roommate睇落去個樣是是正正咁，但係原來係痴線佬黎 條友成日半晚3,4點係到唱歌跳舞,一係就唱香港料理+跳秋官隻濕勁舞,一係就唱住冷雨夜跳光速Hi西舞 我成日訓訓下教都聽到佢係到牛肉加蔥花,之後沖去我面前笑笑口咁問我要鳥冬嗎,嚇到我屎都標埋 佢又成日係到問我人生到底有咩意義,時間同空間形態之類既濕勁野 有時又無啦啦彈句好有哲理既句子出黎,例如:欲望和貪婪是人類進步的原動力 有次佢上左床,我好開心以為佢訓著左,之後細細聲問佢訓左未,佢聽到之後就大叫左一聲肌肉大爆炸,之後跳落床單手做掌上壓 而家我已經成個月無教好訓,巴打們有冇方法救我出苦海?:~( :~( 利申:用緊佢個AC APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第24話﹕小紅潮文 背後的原因卻很暖心 來源：網絡文章 ⬇️ 原文 ⬇️ 1980年，小紅出生於中國廣西市的一個清貧家庭。「怎麼生了一個便宜貨。」小紅的爸爸說完這句後就把小紅兩母女拋棄了。 1992年，自小由於家庭清貧的小紅發奮讀書，那年考到市內一所最好的中學。上到中學後小紅發現身邊很多走後門入讀的同學都身光頸靚，小紅暗自發誓，我未來一定要成為和他們一樣的人。自此小紅不斷巴結那些走後門入讀的同學，於中二那年小紅成為了其中一個有錢同學的第三者，那位男同學食了小紅的豬後便為她買了一雙李寧的球鞋。這是小紅第一次穿上一雙有牌子的鞋子。 1995年，小紅由於與官二代女同學搶男朋友引起對方的不滿，小紅因此受到欺凌被逼輟學。15歲的小紅被逼投身社會在去了一間製衣廠工作，還沒學會如何使用車衣機小紅便與工廠廠長搭上，成為了廠長的情婦。上完床後，廠長送了小紅一個LV錢包。這是小紅第一次擁有的名牌。 好景不常，情婦還沒當夠兩年，小紅便被廠長的老婆發了，廠長選舉與小紅分手。沒多久小紅與廠長分手的消息全工廠的員工都知道了。一些平時喜歡小紅的男員工開始私底下約小紅。可是平時習慣了被廠長包養的小紅又怎會看得上眼那些貧窮的工人呢？於是小紅便想到了一個絕妙的方法，一個養不起我我就多找幾個。小紅開始不斷勾搭不同的工人，每次發生完關係後便會向對方索取100元。在那個1000元月薪已經算高的年代，小紅花了不到兩個月後便成為了萬元戶。 1998年，小紅腳踏多船的消息就傳遍了整條村，小紅發現自己也找不到冤大頭了。待不下的小紅便決定去全中國工廠最多的地方東莞打工。可是已經成為萬元戶的小紅又怎會願意由低做起呢？找了一個星期工作後，小紅便決定在東莞的骨場工作。這一年小紅18歲，正式從事了皮肉生意。 2007年，中國為了準備明年舉行的奧運會開始掃黃，小紅工作的地方亦受到了影響，失去了工作的小紅意識到自己已經27歲，繼續從事皮肉生意不是一個長久的辦法，小紅決定要結婚了，可是習慣了月入過萬的小紅又不願嫁給低入收的人，收入好的又嫌棄小紅年紀有點大。於是小紅決定嫁去中國人均收入最高的城市——香港。皇天不負有心人，小紅一年後結識了一個四十歲的香港男人，對方的月入可是有足足18000元。小紅立馬用了自己苦練了十年的床技把男人迷得神魂顛倒，一年後小紅便懷上了男人的孩子和男人結婚，嫁到香港去了。 嫁到香港後，小紅發現月入18000元在香港而言根本過不了什麼好生活，連住屋都要和男人的父母逼在400尺不到的公屋入面。兩年後小紅終於忍受不了這樣的生活帶著女兒和老公離婚了。聰明的小紅一離婚後便帶著女兒以及以沒帶收入及工作能力為由極快申請了綜緩及輪到了一間屯門的公屋。可是區區一萬元不到的綜援又如何滿足得了小紅呢？小紅決定重操故業在深水埗一帶租了個劏房單位進行一樓一的工作。勤力的小紅每個月工作25天一個月收入可是有五萬元，再加上綜援的收入以及政府對綜緩家庭的補助，小紅的收入可是離婚前家庭收入的足足三倍還有多！小紅就此過上了中產般的生活，小紅的女兒甚至還讀了國際學校。 2019年小紅已經39歲了，小紅發現自己一樓一的工作已經嚴重走下坡，無法維持過往的生活質素。於是聰明的小紅發現了自己比起樓下公園的大媽還是有優勢的，算一算每天收20封100元的利是還是可以維持到月入5萬！於是小紅便成為了我屋企樓下日L日嘈L住晒的大媽之一。 APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第23話﹕多謝外公 我係自己嘅外公 來源：高登討論區 ⬇️ 原文 ⬇️ 咁多位早晨，我今日嚟，係想同你哋講個故事嘅： 喺幾年前 我同一個寡婦結咗婚 佢有一個已成年嘅女 後來嫁咗比我老豆 咁我繼女就做咗我後媽 而我老豆就做咗我女婿 兩年後我老婆同我生咗一個仔 佢喺我後媽嘅同母異父嘅細佬 我個仔叫我「老豆」 我就叫我個仔「舅父」 我繼女又為我老豆生咗一個仔 佢喺我細佬 但佢又要叫我外公 我喺我老婆個老公 但喺我老婆喺我後媽個阿媽喎 所以我喺自己嘅外公 到咗新年 嚟料喇 我就同我後媽同我老豆 即係同我繼女同女婿交換利是 我封廿蚊比我個仔 佢話：「多謝老豆！」 我又答返佢：「唔洗，舅父！喺呢，咁我嗰封呢？」 「你都痴線，我結咗婚喇咩？」唉，我自己都亂咗… 食團年飯嗰陣 我喺抬面上面放咗一封一千蚊利是 再拎返封利是上手 叫咗聲：「多謝外公！」 好彩唔喺街姐 唔係真係比人捉去青山瞓一排 而家諗返自己真喺痴痴地線 自己比錢自己洗 咪即係去自己鋪頭買野… APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第22話﹕想嚇死人咩 亞視台慶拋壽包 特別嗚謝：高登會員尋回膠 ⬇️ 原文 ⬇️ 亞洲電視55周年台慶悶走北京觀眾，卻惹出鬧鬼疑雲，與子同住有弱聽的江婆婆，因家中電視接收亞視較無線清晰，所以長期都是觀賞亞視節目，適逢昨晚55周年台慶，江婆婆獨自在家觀賞節目，怎料到節目尾聲，一眾亞視藝員將壽包拋上空空如也的觀眾席，江婆婆大感疑惑，以為是自己睡著發夢，清醒過後再細心一望，一眾亞視藝員滿面笑容，還向空空的觀眾席打招呼，當堂嚇得江婆婆驚慌失措，懷疑自己"鬼遮眼"，整晚都睡不著，到天亮醒後立即告知兒子王先生，經查證解釋後才知道是一場誤會，江婆婆得知後大呼 : 亞視想嚇死人咩?! 王先生稱，我今日都有上網再看拋壽包一幕，的確覺得亞視此環節是有點“得人驚”及過左火，稍後我打算換一部新電視，看英文台也好，什麼台也好，都不想再看這見鬼電台，亞視連我媽媽這類僅存小數的觀眾都趕走，應該要好好反思。 APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第21話﹕最有影響力的人 阿叻是我的偶像 特別鳴謝﹕林振強「傻強扶弱」專欄文章 ⬇️ 原文 ⬇️ 阿 叻 是 我 的 偶 像 。 有 些 人 ， 例 如 愛 因 斯 坦 ， 可 以 憑 一 己 之 力 ， 改 變 世 界 ， 非 常 厲 害 。 阿 叻 改 變 不 了 世 界 ， 但 他 可 以 獨 力 改 變 一 個 電 視 節 目 的 質 素 。 任 何 電 視 節 目 ， 只 要 見 阿 叻 有 份 出 現 ， 你 就 知 道 ， 這 個 節 目 必 會 變 為 業 餘 、 不 認 真 ， 和 像 馬 戲 團 。 以 一 人 之 力 ， 左 右 一 個 騷 ， 或 一 件 盛 事 ， 這 正 是 我 渴 望 擁 有 的 影 響 力 。 最 近 ， 電 視 台 的 選 港 姐 節 目 ， 又 見 阿 叻 。 阿 叻 下 體 穿 條 透 明 的 東 西 ， 面 是 條 小 得 像 口 罩 的 三 角 泳 褲 ， 激 凸 無 比 ， 登 時 令 到 選 美 大 會 的 氣 溫 激 升 ， 節 目 的 質 素 急 降 。 據 聞 ， 事 後 還 惹 來 不 少 觀 眾 投 訴 。 但 那 又 有 甚 麼 所 謂 ？ 當 年 ， 伽 利 略 （ Galelio ） 獨 力 改 變 世 人 對 天 文 的 概 念 ， 不 也 是 被 人 投 訴 ， 甚 至 拉 了 去 坐 牢 嗎 ？ 茄 喱 啡 才 沒 有 人 投 訴 。 我 決 定 模 仿 偶 像 阿 叻 的 打 扮 。 我 問 煮 飯 婆 ， 我 有 沒 有 三 角 小 泳 褲 ， 她 說 ： 「 啋 ！ 你 平 日 游 水 都 係 覺 條 孖 煙 通 啦 ！ 」 於 是 我 脫 下 長 褲 ， 穿 上 覺 條 孖 煙 通 。 然 後 ， 借 了 煮 飯 婆 的 透 明 圍 裙 ， 圍 在 孖 煙 通 外 面 。 忽 然 省 起 ， 偶 像 阿 叻 ， 出 鏡 時 ， 有 時 喜 歡 大 熱 天 時 穿 皮 草 ， 於 是 又 問 煮 飯 婆 ， 你 有 沒 有 皮 草 ？ 她 答 ， 帶 點 怨 氣 ： 「 你 幾 時 買 過 皮 草 畀 我 ？ 」 我 惟 有 把 自 己 的 棉 襖 穿 上 ， 很 好 ， 效 果 一 樣 戇 居 。 然 後 用 彩 筆 ， 在 光 頭 上 畫 滿 七 色 頭 髮 ， 像 阿 叻 。 煮 飯 婆 問 ： 「 你 去 邊 ？ 」 我 答 去 行 山 。 穿 棉 衲 、 透 明 圍 裙 和 孖 煙 通 ， 「 披 」 一 頭 彩 髮 ， 我 上 到 平 日 晨 運 之 地 。 山 上 晨 運 客 紛 紛 驚 叫 「 怪 物 ！ 」 ， 爭 相 走 避 。 我 以 一 人 之 力 ， 影 響 了 一 座 山 ！ 然 後 ， 我 中 暑 暈 倒 。 APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第20話﹕一乾三濕 點解食雲吞撈會送碗湯 特別嗚謝：高登會員三聯幫牟中三 ⬇️ 原文 ⬇️ 話說當年有高登仔問點解食雲吞撈會送碗湯， 當時無無聊聊嘅我忍唔住留咗個言： 「呢個係舊時廣東人嘅傳統 以前啲麵店講嘅係「一乾三濕」 即係麵、湯、茶、汁 四樣 無論你食雲吞麵 雲吞撈麵 都一定要上齊呢四樣 如果你食撈麵 最正宗最傳統嘅食法應該係先飲茶漱口 之後加醬油落兜湯度 食幾啖麵 含一啖湯 一嘢噴落個小二身上 「Hi! 咁難食點食呀! 」 咁個店家就知你係行家 會打番個7折比你」 少不更事嘅我無估到高登威力咁大，直到後來我認真想搵個起源， Hi Auntie搵嚟搵去都係搵返呢篇勁嘢，連OPEN RICE都有人用「一乾三濕」呢個Term， 我真係好後悔，兜出公海竟然中返自己伏， 所以我決定認真去搵返呢個起源出嚟。 我嚴選咗兩間香港都幾出名嘅雲吞麵店，膽粗粗食完麵問吓鋪頭啲人， 第一間喺深水埗，當我問完呢個問題後，阿姐不耐煩地望咗我一眼， 「咁你係咪唔飲呀？」佢一手已經拎住我碗湯， 「唔係，我想問點解會有呢碗湯啫。」 「撈麵咪有囉！」阿姐大大聲答我， 「咁點解撈麵會有碗湯嘅？有冇咩歷史典故咁架？」 阿姐靜默幾秒，好似望住個精神病人咁呆望住我， 「咁你係咪唔飲呀？」佢又拎住我碗湯， 就係咁，我無謂同阿姐無限Loop落去，俾錢就走佬。 第二間喺元朗，聽講仲好老字號，果然裡面裝修都好似回到七十年代， 麵店入面啲師傅真係一睇就知係新界原居民， 通常阿叔特別多嘢講，仲懶係連張枱都吹到啲典故， 於是我走埋去，深吸一口氣， 「唔好意思，我想問呢，點解食撈麵一定會送碗湯嘅？」 個阿叔抬起頭望我，頸上條金鏈仲粗過我條皮帶， 「撈麵乾，咪俾湯你濕濕個嘴囉！」 「咁呢個整法有冇話咩典故，或者幾時開始有呢個傳統？」 「我八歲開始跟我阿叔整麵，咁多年都係咁架啦！」阿叔開始有啲唔耐煩， 「係咪潮州麵先會有呢個傳統？」我死纏佢唔放， 阿叔望住我，個樣有少少燥底， 「你去食茶記、食西餐夠有杯茶俾你啦，你唔問吓佢有咩典故？！」 我一呆，心諗阿叔又有啲道理， 之後我就俾個阿叔趕走咗。 連問兩個麵店都係咁嘅結果，我開始懷疑，呢個根本就係一個傻的嗎問題， Hi，人地口乾咪問人攞碗湯囉！邊嚟咁多故仔呀！ 一諗到自己又Seven咗，我就有啲唔開心， 行行吓我又行入咗間雲吞麵店，我雙目無神地點咗個雲吞撈粗， MK造型嘅店小二扔咗碟麵俾我，我茫然地望住兜麵， 我睇唔透，究竟呢兜純粹係一兜普通麵，定係一兜有情有義有血有肉嘅絕世好麵， 「究竟……….撈麵呢碗湯係點嚟嘅……」我自言自語， MK仔聞言望向我，然後露出一個笑容， 「你係今日第三個問我呢個問題。」MK仔突然有種莫測高深嘅感覺， 「願聞其詳！」我興奮地說， 「嗱，呢個係舊時廣東人嘅傳統，以前d面店講嘅係「一乾三濕」…………」 APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第19話﹕浴室裏沒有人 水是我開的 特別嗚謝：里八神 ⬇️ 原文 ⬇️ 有一年情人節，室友和女朋友約會去了。我一個人在房間裏。我把浴室的燈打開，把熱水燈開，浴室裏就霧氣騰騰透出光亮，像一個神跡顯現。我在隔著一個客廳的房間裏上網，寫日誌，發微博，假裝自己正在等一個女人洗完澡，出來陪我做愛，但其實水是我開的，浴室裏沒人。 我的室友回來了，帶著一個女孩，他很吃驚的看著浴室， “你帶了人回來嗎？” 我本應該誠實，但真相太可悲了，我回覆的是：“嗯，我帶了人回來。” 他拍拍我，說好小子，真看不出來呀，那就不打擾你了，便神色隱秘的一笑，和他的女友鑽進他的房間了。 但其實浴室裏沒有人，水是我開的，過了一會，我覺得這樣很浪費，就把水關了回到自己的房間睡著了。 後來我的室友就跟人說，我有一個女友。別人就一問我，你有一個女友嗎。我怎麼說呢。我只能說是，嗯，我有女朋友。 因為我不能告訴他們水是我開的，臥室裏沒有人。 所以我度過了一段麻煩的日子。我不能和機油們出去了，因為他們聽說，我有個女友。 “去陪你的小情人吧”，他們一群人哄著趕走了我。 工頭福利發電影票，他們給了我兩張，我裝作很感謝的樣子，可是我從哪兒找另一個人陪我去看電影呢。所以我一個人，旁邊的位置上放著我的爆米花。 “你和你的女朋友吵架嗎？”他們問我，我該怎麼回答呢。我說，不經常吵，這是真的，嗯，我們沒吵過架。 有些時候他們見不到我的女朋友，就很奇怪，為什麼見不到你的女朋友呢。而且有些心直口快的女孩說，你從不給你的女朋友買東西，還說，不吵架，就是冷戰了，分手了。所以我被她們拉著買了一些女人的小玩意，有些東西真的不錯，我想，在我送給她的時候，她會很高興吧。 後來他們還是沒有見過我的女朋友，一直都沒有。我怎麼辦？告訴他們浴室裏沒有人，水是我開的？不行，我說不出口。沒有辦法，我買了一些衛生巾，不常見的型號，還有唇膏，一些粉底。 有人走進我的房間，說這些東西是誰的。 “那些是我女朋友的，因為她有時候在我這裏過夜，所以我為她準備了一些常用品，比如衛生巾，這個是她特別用的那種。” 女人聽完淚眼婆娑，揪她男友的袖子，你看看人家的男噴油！他身邊的男人露出了不好意思的神色。 誰會不信我呢？誰會不信我有個女友呢。只是她性格怪異，不愛見人而已。 我隔三差下給衛生巾滴上可樂，扔進廁所的垃圾桶裏，我上班前在粉底上揩一下，抹在臉上。要是有一部相機留下每天我臥室內的照片，那些東西部在一天天減少，看起來就好像有個隱形女友一樣。反正人人都相信我有個女朋友，沒人會發覺浴室裏其實沒有人，水是我開的。 又過了很長時間，工頭找我去辦公室，面帶關切，莫名其妙給了我一天假，隔壁桌的兩個女孩面帶同情的看著我，鼓勵我，像我這麼好的男人，肯定能找到更好的。我才知道有人看到我一個人去看電影了，還看到我一個人坐了兩個人的位子，在電影中間哭。 哦，原來我是失戀了，雖然那部片子很感人啊！ 我簡直想痛駡自己一頓，這是早就可以通往解脫的一條路，我早就該這麼說啊！衛生巾和粉底太貴了，化妝品我都買了Chanel的。我不知不覺這麼過了好長時間，都沒有錢付房租了！ 我揪著自己的頭髮，很痛苦的樣子，我看見她們又捂著嘴，用手護住鼻樑兩邊，向眼睛裏扇風，背過頭。終於，還是有一個人忍不住還哭了。 我沒哭，我跟我女友沒什麼感清。 我又單身了，吃過兩頓安慰飯之後，一切又回歸了生活的平靜，有女孩要給我介紹女朋友。 “他為他女友買專用的衛生巾呢！”她們不厭其煩的說，講了很多我部不知道的癡情故事。是嗎？那個介紹來的女孩偏過頭來看一眼我 我怎麼辦，我只能說，是啊，難道要我告訴她，浴室裏沒有人，水是我開的。 我跟那個女孩出去了兩次，後來她委婉的把這事分了 “你的心裏空落落的，我感覺你還愛著她，我沒信心取代這個位置。“她眼紅紅的。臨走，還給我一擁抱。 這姑娘真有意思。我沒有女朋友，浴室的水是我開的。但我不能告訴他。 後來就沒人給我介紹女朋友了 經她這麼一點撥，我開始想念起我的前女友來，然後我想起來，我沒有一個前女友啊，浴室裏沒有人，水是我開的。 又到了一年情人節，還是那個室友，和一個不同的姑娘出去了，我一個人在屋裏上網 我那時候想，不知道那一年情人節，我究竟是因為什麼把浴室裏的熱水燈打開呢？我一個人點著一根煙，在昏暗的燈光裏，感覺很靜，想了很久，突然想起來，原來我是在想像有一個女孩是屬於我的。 沒有抗拒這誘惑力，我打開燈，扭開熱水，浴室裏就霧氣騰騰透出光亮，像一個神跡顯現。這時候，我的室友摟著那個女孩回來了，他看著浴室，先是好奇，接著露出了驚訝和欣喜的神色 “是她回來了?” 他旁邊的女孩看起來高興極了，對我室友說：“是你跟我說的那個嗎，是他以前那個女朋友嗎？” 兩個人調子都變了，在客廳裏高興的又蹦又跳，好像約瑟和馬利亞。 不，我說。 浴室裏沒有人，水是我開的。 APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第18話﹕令狐沖 金庸小說主角最好打之選 來源：網絡文章 ⬇️ 原文 ⬇️ 講真金庸14本天書之中，令狐沖一定最屈。而家美國國防部都係參考令狐沖招破箭式製造愛國者導彈防禦系統。講降龍十八掌佢又話有破掌式、講玄鐵劍佢又話有破劍式、講內力佢又話有破氣式、講鷹眼佢又話有破箭式、講Iron Man佢又話有吸星吸哂佢D能源。 講X博士佢又話令狐沖冇招冇式X博士都讀唔到佢心。 如果你以為磁力王應該贏嘅話，SORRY，你應該重睇一次笑傲江湖，根本冇得贏。你搵金屬掉令狐沖佢有破箭式、你開槍射佢佢都有破箭式、核彈佢都有破箭式、近戰佢有吸星，一掂到你就玩完，仲有你冇以為生化武器可以搞掂佢，佢有易筋經backup，一轉身咩毒都排哂出嚟。 咁你話趁令狐沖沖緊涼冇劍個時偷襲佢就OK，錯!!!!令狐沖嘅外掛易筋經練到登峰造極，應該有模仿掃地僧嘅身法同氣場等等。古時都係靠佢嘅氣場保護大家免受台風襲擊，李氏力場都係佢嘅弱化版。 令狐沖係唯一一個可以喺20世紀生存嘅劍客，神盾局都發明緊時光機，返去古代搵令狐沖加入avengers，超級撒亞人、孫悟空都要行埋一邊。 以後講邊個最好打post，除咗行運超人、叮噹、孫悟空，仲可以加埋令狐沖。 APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第17話﹕17歲自己縫針 他知道 哭是沒有用的 來源：網絡文章 ⬇️ 原文 ⬇️ 「他知道，哭是沒有用的。」 謝霆鋒為父還債，所以17歲出道，開始了自己的演藝生涯。霆鋒拍第一部片子《古惑仔》系列電影時，他和300多人打打殺殺，因為太過入戲，他不小心踢到了廢鋼鐵，腳立即受傷，血如泉湧。 導演立刻喊停，要送他去醫院。他知道，這一去醫院，勢必要換人，那他的「星途」也許從此就斷了。於是，17歲的他對導演說：「找來300多人不容易，耽誤一天就是好多錢，我能堅持。」於是，他將酒精直接倒在傷口上，再將膠袋包著腳，穿上鞋子繼續拍攝。換了四個膠袋，倒出四袋血，戲拍完時，他幾乎暈倒。 送到醫院，醫生說，再遲來一點，人就玩完了，而且，極有可能得到破傷風。在給他縫針之前，醫生讓他簽生死狀。在醫生給他縫針時，謝霆鋒就那麼看著，不喊、不叫、不哭，沒有打麻醉針，就那樣一針一針地縫著。一個17歲的少年，知道自己面對的是怎樣的人生。他知道，哭是沒有用的。 最後一針，霆鋒對醫生說：「我來縫！」醫生看著他，他居然笑了︰「沒有嘗試過的人生，我都想嘗試一下。」 這句話多麼豪邁，在場的人震驚了。因為醫生說，如果熬不過去，他也只有四天的生命了，所以，他願意嘗試生命中不曾嘗試的痛，他要給自己縫一針。 從給自己縫針那一天開始，他知道，所有的明天全要靠自己。後來，他一直努力，不停地得獎，終於成為第三十屆香港金像獎的影帝。 APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第16話﹕亞姐潮文 重播亞姐畀人笑到面黃 特別嗚謝：高登會員PZG ⬇️ 原文 ⬇️ hi你auntie亞視，今晚唔hi你個廢台真係對唔住自己！枉我由《我和彊屍有個約會》一直撐你撐到而家，累我喺酒樓畀人笑到面黃！ 話說今晚公司收早，去咗樓下間酒樓食晚飯，命水好派到張靚枱，坐正喺電視側邊，見到播緊亞姐選舉。數下手指，自己因為返工賺錢糊口，已經兩三年冇睇亞姐選舉，今晚機緣巧合，仲要播緊泳裝環節，條條女有前有後，咁就梗係坐定定一路食一路睇啦。 如是者睇咗泳裝加淘汰環節，我見坐喺旁邊幾位叔伯父都睇到笑笑口，好亢奮咁，就同佢哋講：「呀~~今屆亞姐啲質素幾得喎！正過港姐好多！」點知班叔伯借咗聾耳陳對耳咁，完全冇理我。Fine~ 搭訕冇人理，有幾失威，我年中遇唔少，家常便飯啦，繼續睇囉！ 如是者睇到去公佈冠亞軍結果，真係好緊張！事關由我坐低食飯嗰刻，一路撐嗰個叫咩「維他之寶」嘅俄妹竟然殺到入冠亞！我忍唔住坐喺個位度望住個電視起勢咁大叫「維他之寶！維他之寶！」但旁邊班叔伯仍然笑笑口咁，冇咩反應。我心諗：咁拘緊做咩啫，一齊叫先High㗎嘛。 最後公佈賽果，維他之寶拎得個亞軍，冠軍畀個中國妹拎咗，我坐返喺個位大叫：「hi！有咩理佢贏㗎！」呢個時候身邊一陣笑聲，其中一個咬住牙籤嘅阿叔笑住同我講：哥仔，你上年冇睇咩？個選舉上年㗎喎！我心諗：咁搞笑？！即刻睇返亞視場景個Board，hi auntie，真係寫住「2010」，當堂面都黃晒，即叫部長埋單。埋單嗰陣個部長仲要忍住笑咁安慰我同我講：唔緊要啦，亞視係咁㗎啦！ hi你auntie！亞視你有冇譜㗎？上年亞姐選舉都夠膽拎返出嚟播，仲要揀返暑假播畀塊蕉皮我踩！你執咗佢啦hi！全部呀！一花一草一塊石仔一粒塵埃！總之係亞視嘅嘢全部同我執晒佢呀亞皆老街！ APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第15話﹕好彩不是必然 小心火燭 來源：網絡文章 ⬇️ 原文 ⬇️ 2022年4月5日，有人在北座10樓後樓梯燃燒香燭冥鏹，於16:20 北座日間管理員劉耀強先生巡樓至此，發覺那裏已火光熊熊，同時，一個竹籮已被燒著，他憑著膽色、冷靜、機警地撲滅火種，避免一場災害。 燃燒香燭冥鏹，危害大廈安全，請三思！ Lucky is not inevitable On April 5, 2022, someone burned incense and candles on the stairs behind the 10th floor of the North Block. At 16:20, Mr. Lau Yiu Keung, the daytime administrator of the North Block, visited the building and found that the fire was red. At the same time, a bamboo basket had been burned. However, with courage, calm and alertness, he threw the fire to avoid a disaster. Burning incense and candles will endanger the safety of the building, please think twice! APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第14話﹕打丁如飲酒 射翁之意不在丁 特別嗚謝：高登會員下下呼 ⬇️ 原文 ⬇️ 講起就想打丁啦！是咁的， 細數打丁嘅壞處何其多！不勝杖舉。甩頭髮、腎虧、衰老、智力降低，集中力下降…… 是但一樣都能夠令一個年青有為嘅青年深陷苦海，永不超生。 但係，點解我哋仲要打丁？難道我哋唔知打丁嘅壞處咩？ 唔係，我哋係好清楚，亦有巴打係感同身受…… 我哋都只係，想喺呢個空虛嘅世界，找尋一點慰籍…… 置身於幻想世界，逃避自己是「命犯天煞孤星　無伴終老　孤獨一生」的現實。 下下呼…下下呼…下下呼 即使腎虧，也不比孤獨更痛苦。 縱然衰老，也不比空虛更折磨 我們也放任地讓頭髮隨風。 所以打丁好比飲酒，我地明白飲酒係傷身 但我哋都係想逃避現實世界，試圖一醉不醒 更ＦＦ自己唔係孤獨嘅 「中間一條丁，獨打無相親；入杯邀明步，與妹成三人。」 好詩…好詩…… 可惜夢總會醒，丁總會射。 醒了，我們又再孤身上路。 如果你問我哋「咁點解你唔溝返條女先？學啲５Ｐ咁做狗公都有得呃蝦條呀！」 我哋會一笑置之:) 根本唔想理你， 因為我哋堅守唔做狗嘅原則，亦有一份浪子心…… 只盼「永結無情遊，相期邈雲漢。」 今晚……末將再戰扯旗山 APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第13話﹕毒男的一生 有錢你慌無女 來源：網絡文章 ⬇️ 原文 ⬇️ 升中四了，還未試過拍拖，但毒男說：「不緊要，而家努力讀書考好會考，第時有錢你慌無女？」 結果，毒男克服了一個又一個的考試，升上大學；影畢業相時，發覺好多人都一雙一對，原來大學係撮合情侶嘅好地方。毒男依然一個，但他說：「不緊要，即將喺我踏入社會大展拳腳嘅時候，亦係我幸福生活嘅開始！」 毒男努力工作，三年，五年，七年過去了，依然單身。但他終於達成了心願，成為高收入人士 － 月薪達二萬零五百蚊。 毒男年過三十，開始疑惑：「點解我已經係成功人士，但仲係無女？」更令他驚訝的是，公司不少女同事都同MK型男拍拖結婚，但那些男人可不是事業型喎，例如，Dorothy嘅男朋友只係中五畢業嘅Sales，月薪只有一萬八千蚊，比自己足足少了二千多元！點解？唔係努力讀書成為有錢人就有女嘅咩？ 不知不覺毒男到了中年，身邊已無什麼朋友，自己渡過一個又一個嘅聖誕節及情人節。 毒男年老了，孤零零一個坐在公園，回想一生：「自己曾得過什麼？女人的身體是怎麼樣的？和女朋友喺海邊共渡平安夜嘅滋味係點架？高登人不是經常留帖話：『後生時唔好浪費時間，第時有錢你慌無女咩！』我照做了，究竟什麼地方出錯？」 APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。 生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗ 第12話﹕十九年了終於鍊成腎者之石 特別嗚謝：高登會員下下呼 ⬇️ 原文 ⬇️ 「人沒有犧牲就什麼都得不到，為了得到什麼東西， 就需要付出同等的代價。這就是等價交換。」 人稱「極速快Ｊ手」、「零秒出精」嘅我， 十九年了！！！！！！ 我終於參透到鍊成腎者之石嘅元素係咩！ 十九年嘅瘋狂打Ｊ、番工長期忍尿嘅習慣、少飲水、多飲茶／咖啡， 一一都係鍊成腎者之石嘅重要元素。 喺呢個等價交換嘅過程中，我非常之咁爽快！！ 我得到快感，亦換取到一時嘅方便， 但係代價，係非常之高…… 我啲頭髮甩到好似撒哈拉沙漠咁，寸草不生； 有時我好急尿，但係埋到廁所會屙極都唔屙出； 當然，最重要的就是腎者之石！！！ 粒腎石卡向左走向右走到我成日腰痛，條腰一郁，嗰隻痛楚就好似比狼牙棒桶菊花咁， 搞到我要長期啪止痛藥，真係苦過ＤＥＥ　ＤＥＥ。 所謂好腰好腎好男人，我兩樣都冇，係名副其實嘅雙失中年。 囡囡見到都恥笑我　:-( 就喺尋日放假，我經歷咗男人最痛。 我由朝早霸住個廁所，對住個屎坑，儲咗一粒鐘嘅氣，終於屙到 我２日以嚟嘅第一篤尿（ 醫生話我過多１日仲係屙唔出就要插喉） 期間我覺得屙呢篤尿仲辛苦過取西經，雖然只須經歷一難…… 但係　真　係　好　向左走向右走　痛！！！！！！！！！！！！ 屙尿頭十分鐘我ＦＥＥＬ到粒石仔卡向左走向 右走住我嘅尿道，啲尿咇極都咇唔出。 情況就好似生仔咁，花盡奶力，個仔只係郁咗半分。 之後我明白，屙腎石，係痛向左走向右走過生仔， 因為粒石比我強推之下尿道推到去ＪＪ嘅尿道入便， Hi Hi啦！大家都知我早洩，ＪＪ好敏感，有好多神經線， Hi Hi，神經線同我ＪＪ入便三尖八角嘅腎石互相交鋒 ＪＪ自然係輸嘅一方，條Ｊ比粒腎石頂到凸咗舊嘢出嚟， 就咁睇，粒腎石應該有 0.5CM，我試吓摸吓嚿嘢， 「啊！！！！！！！！！！！！！！！！！！！ ！！！～～～」 我Hi！！！！痛向左走向右走到我腳都軟埋，直接跪咗喺屎坑面前， 啲眼水係咁標，標到成面都係，好似喊緊咁。 我原本諗住放棄，打９９９入急症算， 但係我諗返起之前醫生都講過，ＪＪ卡石呢個情況好難搞， 醫生會插支嘢鉗入ＪＪ，直接扯粒石仔出黎， 情況惡劣嘅話會開刀。 一諗起開刀，我連勁都縮埋， 我真係唔想囡都未搞過就要切， 所以我鼓起勇氣，屙佢個我的家產！！！ 我慢慢企起身，紮定個馬， 將全身嘅力氣都谷係條Ｊ， 「蕉蕉蕉蕉蕉蕉……」 無形中好似聽到孫悟空變超三嘅儲氣聲。 心中希望地球上嘅所有生命都可以借啲元氣比我。 「哈咩………哈咩………哈！！！！！！！！！！！！！！」 我一次過釋放儲咗咁耐嘅氣喺條Ｊ度， 我ＦＥＥＬ到好強大嘅力量喺我條Ｊ爆發出嚟， Ｊ毛都好似變成金色咁，仲要豎起晒， 強大嘅衝擊波搞到我腰都彎埋， 我ＦＥＥＬ，到粒石開始喐了！有希望了！！ 但係真係好向左走向右走痛！！！！！！ 如果痛楚有１０級，呢個肯定係１２級， 我開始反白眼，流黃膽水，但係我知道我唔可以放棄！ 只要有機會，就算我係早洩毒向左走向右走，只要我條Ｊ尚在，我仲有機會Hi囡！ 留得青山在，哪怕冇柴燒？！ 唔可以放棄！！！！！！！！！ 「啊！！！！！！！！！！！！！！！！！！！！！！！！！！！！！！！」 「呯！！！！！！！」 馬桶炸裂嘅聲音，我知道我成功了。 馬桶啲鹽水不斷湧出嚟， 我冇理到，因為我真係好攰同好痛，我就咁坐咗喺廁石嘅地板， 口水一滴滴咁流落嚟…… 然後我望住鹽水嘅波紋，我彷彿見到前塵， 等價交換，昔日嘅因，種下今日嘅果。 我撳住春袋，執起粒腎者之石。 大概，我知道要點做了。 APPLE ● SPOTIFY ● YOUTUBE 等各大平台登場。 ---------- 【SOCIAL MEDIA。讚好謝遜】 ✅ https://linktr.ee/jessontalker