2023台語訪談EP2：佇這咧世界Holy Gazai會當愛你去死 - Feat. 同根生樂團
#2023台語訪談年度計畫EP2
第2集-佇這咧世界Holy Gazai會當愛你去死 - Feat. 同根生樂團
這集邀請著燒燙燙，金曲樂團──同根生。邀請著團長智博、柳琴手小綠來到現場。
講起來嘛是緣份奇妙，阿祥的第一場樂團音響主控就是2018年的同根生樂團，彼陣感覺拄著有夠厲害的轉踅JAZZ佮傳統音樂的老師，舊年同根生發行《邊緣轉生術》阿祥和妙妙一聽著想講家己聽毋著樂團，完！全！無！仝！
這是人生走精去嗎！？
結果節目一講落，發現其實同根生的創作核心無變，攏是自土地出發，走揣聲音，第一張專輯《同根生》Rooty Mental，用樂器的演奏表現台灣無仝的地理、族群文化，無一句歌詞，用演奏表達；來到《邊緣轉生術》這張，雖然聽起來是歌舞歡樂，閣若有笑詼歌的表現，但是採集台灣民間故事為題，轉化本來嚴肅恐怖的鬼仔古，閣佇創作的過程中，發現選擇的故事攏是查某人的故事，佇過去較邊緣的人、鬼之間，生出無仝款的詮釋視角。
音樂風格雖然轉變真大，講到底其實攏咧做同一件代誌。
但是為著按呢的轉變，同根生做了啥物呢？請來同齊聽這集。
｜華語版｜
這集邀請到燒燙燙，金曲樂團──同根生。邀請團長智博、柳琴手小綠來到現場。
說起來也是緣份奇妙，阿祥的第一場樂團音響主控就是2018年的同根生樂團，那時候感覺遇到超厲害跨越JAZZ和傳統音樂的老師們，去年同根生發行《邊緣轉生術》阿祥和妙妙一聽到就想說，自己是不是聽錯樂團的專輯？完！全！不！同！
這是人生碰到什麼困難壞掉了嗎！？
結果節目一聊下去，發現其實同根生的創作核心沒變，都是自土地出發，找尋台灣的聲音，第一張專輯《同根生》Rooty Mental，用樂器的演奏表現台灣不同的地理、族群文化，沒有一句歌詞，全用演奏表達；來到《邊緣轉生術》這張，雖然聽起來是歌舞歡樂，像是有快樂歪歌的表現，但是採集台灣民間故事為題，轉化本來嚴肅恐怖的鬼故事，還在創作的過程中，發現選擇的故事都是女性的故事，在過去較邊緣的人、鬼之間，生出不同的詮釋視角。
音樂風格雖然轉變很大，講到底其實都在做同一件事。
但是為了這樣的轉變，同根生做了哪些事情呢？請一起來聽這集，也來聽其中的鬼故事，嘛來聽內底的鬼仔古。
｜重點整理
同根生轉生咒
‧對國樂爵士到愛你去死，兩張專輯的風格轉變：柬埔寨的交流營隊工作坊，台灣有唱歌佮跳舞做伙的？這張專輯想欲做歌舞的整合（10:44）
‧蛇蛇舞佮老大柯智豪：你袂做彼音樂老師的扮啦，來做一寡擲掉偶包的，每一个人想像家己變做海膽（12:41）
‧按怎抽脫台頂高壓的狀況：佇台頂逐家耍來耍去，你共我用一咧，我共你創一咧，彼就是台頂表演好看的所在，好耍就是上重要的。（15:05）
‧柯智豪叫阮徛起來：較早就是坐咧演出，想欲像熱音band仝款徛起來演出，做背帶、進行樂器改良，柳琴開始line in，買拾音器，買效果器。笙的現場真歹收音，買兩支活動的收音mài-kù-dpa4099（16:50）
女鬼女妖的轉型正義
‧遮爾濟妖怪文本，按怎選擇：想欲做佮全台灣有共感，較漢族的，找一寡逐家較熟，但是閣較冷門的鬼怪（34:25）
‧哪會攏是女鬼：整理了後才發現，女鬼是一个切入點，愛的執念嘛是一个切入點，所以才會有這馬的文字，這就是創作的趣味。（38:43）
‧李昂的《看得見的鬼》：這本冊和這張專輯互文，女鬼確實做到查某人做袂到的代誌（39:48）
‧正常佮痟狂的界線：為啥物超過這寡規則就會變成鬼？遐的規則又閣是啥物？「痟查某」是探過平常規則的查某，轉生邊緣術專輯反動而且轉踅了這个詞（41:47）
‧走揣台灣的聲音：永遠無可能用一張專輯的時間揣著台灣的聲音，這是代表一部分台灣的聲音，每一个人認為台灣的聲音攏無仝款，這會是相連紲創作的起頭，去走揣台灣的聲音（54:31）
‧專輯中無仝語言的使用：對阮來講，多語言毋是一件新奇的代誌（59:07）
同根生樂團的鬼故事時間
‧早過身無人拜的阿伯：吃袂飽，欲姪仔做契囝共拜（68:54）
‧小綠阿母有尪姨血統：媽媽夢著阿媽（72:37）
｜音樂連結
2022年《邊緣轉生術》同根生－〈林投姐姐〉：
https://www.youtube.com/watch?v=H9fiZn59WPI
2022年《邊緣轉生術》同根生．林奕碩－〈傘還未開〉：
https://www.youtube.com/watch?v=nTvAtchCubY
｜文本相關
李昂《看得見的鬼》
https://www.books.com.tw/products/0010246936
｜工作人員
主持人：阿祥、妙妙
來賓：楊智博、小綠
錄音室：錄播客 PT Recording
節目剪輯：小朱
行政助理：詩羽
IG平面：妍均
特別感謝：文化部
