Dagáll læknanemans: Hjálmar Ragnar Agnarsson og bráð hjartabilun
Dagáll læknanemans er nýtt hlaðvarp fyrir læknanema og aðra áhugasama um hvaðeina sem viðkemur klíník. Hlaðvarpið fær til sín sérfróða gesti og tekur fyrir ýmis læknisfræðileg vandamál. Stjórnendur Dagáls læknanemans eru Sólveig Bjarnadóttir læknanemi á 6. ári og Teitur Ari Theodórsson læknanemi á 5. ári.
Hvað eru preload og afterload? Í þessum þætti leiðir Hjálmar Ragnar Agnarsson, sérnámslæknir á Landspítala, hlustendur gegnum bráða hjartabilun frá A til Ö. Hjálmar fer yfir hvaða spurninga á að spyrja, hverju á að leita að við skoðun og hvaða rannsóknir hjálpa til við að negla þessa annars klínísku greiningu. Rætt er mikilvægi þvagræsingar í bráðri meðferð, hvað á að gefa mikið og hvar á að draga mörkin? Einnig er farið yfir aðra þætti meðferðar eins og nítro-dreypi og BiPAP/CPAP. Hvenær á fólk að hafa áhyggjur, og síðast en ekki síst: Er Hjálmar frá Vestmannaeyjum?
Dagáll læknanemans er sjálfstætt verkefni læknanemanna Sólveigar og Teits, en unnið undir handleiðslu samskiptadeildar Landspítala.
(Tónlist: "Garden Party" með Mezzoforte. Notað með leyfi frá hljómsveitinni.)