བགྲོ་གླེང་མདུན་ལྕོག - ཨ་རིའི་རླུང་འཕྲིན་ཁང་།

༄༅། །ཐེངས་འདིའི་བགྲོ་གླེང་མདུན་ཅོག་གི་ལས་རིམ་ནང་གསར་འགོད་པ་བསྟན་འཛིན་ནོར་བཟང་ལགས་ནས་འདི་གའི་རྩོམ་སྒྲིག་པ་རྒན་པ་རྣམ་རྒྱལ་ཤཱསྟྲི་ལགས་དང་ལྷན་དུ་༧གོང་ས་མཆོག་གིས་གསུམ་བཅིུ་དུས་དྲན་གྱི་གསུང་འཕྲིན་དང་བཀའ་སློབ་ཀྱི་རིན་ཐང་ལ་རྗེས་དྲན་དང་དེའི་གནད་འགག་སོགས་ཀྱི་སྐོར་ལ་གླེང་མོལ་ཞུས་པ།

༄༅། །བོད་ཀྱི་མཁས་པ་བློ་བཟང་ཤེས་རབ་ལགས་ཀྱིས་ལོ་ངོ་མང་རིང་སྤྱི་ཚོགས་དྲ་ལམ་ཐོག་ནས་བོད་ཀྱི་རྒྱལ་རབས་ལོ་རྒྱུས་མང་ཚོགས་ལ་ངོ་སྤྲོད་གནང་ཡོད་པ་དང། དེང་སང་ཁོང་གིས་ས་ཁྲའི་ནང་གི་བོད་ཞེས་པའི་ལས་རིམ་ཐོག ་རྩ་ཆེན་ནང་པའི་གནས་ཁག་ས་ཁྲའི་ཐོག་ནས་ངོ་སྤྲོད་དང་སློབ་ཁྲིད་བྱེད་བཞིན་འདུག

ཐེངས་འདིའི་བགྲོ་གླེང་མདུན་ཅོག་གི་ལས་རིམ་ནང་གསར་འགོད་པ་བསྟན་འཛིན་ནོར་བཟང་ལགས་ནས་རྒྱལ་སྤྱི་བོད་དོན་ལས་འགུལ་ཁང་གི་བར་བརྒལ་འགན་འཛིན་གཞོན་པ་བསྟན་ཆོས་རྒྱ་མཚོ་ལགས་དང་ལྷན་དུ་ཨ་རིའི་ཕྱི་སྲིད་དྲུང་ཆེ་སྐུ་ཞབས་སྦི་ལིང་ཀིན་མཆོག་གིས་ལོ་གསར་འཚམས་འདྲིའི་གལ་གནད་སོགས་ཀྱི་སྐོར་ལ་གླེང་མོལ་ཞུས་ཡོད།།

༄༅། རྒྱ་ནག་གཞུང་གིས་བོད་ནང་གི་བོད་མིའི་ཁྲོད་ནས་རིགས་རྫས་བཙན་བཤེད་ཀྱི་བསྡུ་རུབ་བྱེད་བཞིན་པ། གཟའ་འཁོར་འདིའི་ལས་རིམ་ནང་རིགས་རྫས་ཞེས་པ་དེའི་གོ་དོན་དང། དེའི་བྱེད་ལས། །གལ་གནད་བཅས་དང། རྒྱ་གཞུང་གིས་ཁྲིམས་འགལ་ཐོག་ནས་བོད་མིའི་རིགས་རྫས་བསྡུ་རུབ་བྱེད་བཞིན་པ་སོགས་ཀྱི་ཐད་ལ་གླེང་མོལ་ཞུ་ཡི་རེད།

དགེ་བཤེས་བེ་རི་རྒྱལ་སྲས་ལགས་ཀྱིས་དྲྭ་རྒྱའི་བརྒྱུད་བོད་ཀྱི་སྐད་ཡིག་སློབ་ཁྲིད་གནང་ཡོད་ཅིང་། ད་རིང་གི་བགྲོ་གླེང་མདུན་ཅོག་ལས་རིམ་གྱིས་ཁོང་གིས་་དྲྭ་ཐོག་སྐད་ཡིག་སློབ་ཁྲིད་གནང་སྟངས་དང་། ལྷག་པར་དུ་དྲྭ་རྒྱའི་བརྒྱུད་ལམ་གྱི་ནུས་པ་དང་དུས་ཚོད་དང་མཐུན་པའི་ཐབས་ཇུས་བརྟེན་དགོས་པའི་གནད་འགག་སྐོར་ལ་གླེང་མོལ་ཞུས་ཡོད།

འདས་པའི་ལོ་ངོ་མང་པོའི་རིང་བལ་ཡུལ་རྒྱལ་ས་ཀཐ་མ་ཊུ་དང། པོཀ་ར་ ས་གནས་སུ་ཡོད་པའི་བོད་ཁྱིམ་སློབ་ཟུར་ཚོགས་པས་བོད་ཁྱིམ་སློབ་གྲྭའི་ནང་དགུན་ཁའི་དགུང་སེང་འགྲོ་ཡུལ་མེད་པ་ཚོ་བལ་ཡུལ་ལ་དགུང་སེང་ལེན་རྒྱུའི་ལས་འཆར་གཉེར་གྱི་ཡོད་བཞིན་འདི་ལོ་ཡང་བོད་ཁྱིམ་སློབ་གྲྭའི་སློབ་ཕྲུག་མང་པོ་ཞིག་ལས་འཆར་འདིའི་ནང་མཉམ་བཞུགས་ཐུབ་འདུག

༄༅། །ད་རིང་གི་ལས་རིམ་འདིའི་ནང་རྒྱ་ནག་གཞུང་གིས་བོད་རང་སྐྱོངས་ཀྱི་ཆེད་དུ་འགོ་ཁྲིད་བསྐོ་བཞག་བྱེད་ཕྱོགས་དང། འདི་ཚོའི་རྒྱབ་ལྗོངས་ཀྱི་དམིགས་ཡུལ། འགོ་ཁྲིད་དབང་ཚད་མཐོ་ཤོས་དེར་བོད་མི་ཞིག་ད་བར་བསྐོ་མི་ཐུབ་པ་སོགས་ཀྱི་ཐད་ལ་ཀུན་དགའ་བཀྲིས་ལགས་དང་སངས་རྒྱས་སྐྱབས་ལགས་གཉིས་དང་གླེང་མོལ་ཞུས་པ་ཞིག་གསན་རོགས་གནང་།

༄༅།། ཐེངས་འདིའི་བགྲོ་གླེང་མདུན་ལྕོག་གི་ལས་རིམ་ནང་ངོར་ཨེ་ཝཾ་ཆོས་ལྡན་དགོན་གྱི་དབུ་འཛིན་མཁན་པོ་མཁྱེན་བརྩེ་ལགས་ཀྱི་ལྷན་དུ་ངོར་པའི་ཆོས་བརྒྱུད་འཛིན་པའི་ཐོུང་མིན་ཕྱག་སྲོལ་དང་། ལོ་ངོ་བརྒྱ་ཕྲག་གི་ཆོས་འབྱུང་ལོ་རྒྱུས་་སྐོར་ཐོག་གླེང་མོལ་ཞུས་པ་ཞིག་གསན་གྱི་རེད།།

༄༅། ནུབ་ཕྱོགས་སྤྱི་ཚོགས་ནང་ཚར་ལོང་བྱེད་བཞིན་པའི་བོད་ཕྲུག་ཚོར་བོད་ཡིག་སློབ་ཁྲིད་བྱེད་སྟངས་ཀྱི་ཐབས་ལམ་ལེགས་ཤོས་ག་རེ་ཡོད་པའི་ཐད་རིག་འཛིན་ལགས་ཀྱིས་ཨ་རིའི་ནང་བོད་ཡིག་སློབ་ཁྲིད་ཐོག་ཉམས་མྱོང་ཆེན་པོ་ཡོད་པ་སྣང་གསལ་བསྟན་འཛིན་ནོར་བུ་ལགས་དང་གླེང་མོལ་ཞུས་པ་དེ་སྙན་སྒྲོན་གནང་གི་རེད།

ཐེངས་འདིའི་བགྲོ་གླེང་མདུན་ཅོག་གི་ལས་རིམ་དུ་འདི་གའི་གསར་འགོད་པ་བསྟན་འཛིན་ནོར་བཟང་ལགས་ནས་ཕྱི་ལོ་༢༠༢༢ ལོ་དེའི་ནང་བོད་དོན་དང་འབྲེལ་བའི་གལ་ཆེའི་གནས་ཚུལ་ཁག་ཅིག་ལ་བསྐྱར་ཞིབ་ཞུས་པ་ཞིག་གསན་རོགས།

བོད་བརྒྱུད་ནང་བསྟན་ནང་སྐྱེས་བུ་དམ་པ་དགོངས་པ་རྫོགས་རྗེས་སྐུ་གདུང་ཞུགས་འབུལ་མ་ཞུས་པར་སྐུ་དམར་གདུང་བཞེངས་སྲོལ་ཡོད་པ།

༄༅། འདི་ལོའི་བལ་ཡུལ་གྱི་རྒྱལ་ཡོངས་འོས་བསྡུའི་གྲུབ་འབྲས་ལ་གཞིགས་ན་། ད་ལྟའི་ཀོང་རེསི་ཀྱི་གནའ་མཐུན་ཚོགས་པར་མུ་མཐུད་གཞུང་འཛིན་སྐྱོང་རྒྱུའི་གོ་སྐབས་ཡོང་གི་ཡོད་པ་རེད། གཟའ་འཁོར་འདིའི་ལས་རིམ་ནང་བལ་ཡུལ་གྱི་འོས་བསྡུའི་གྲུབ་འབྲས་དང། བལ་ཡུལ་དང་ཁྱིམ་མཚེས་རྒྱ་གར་དང་རྒྱ་ནག་བར་གྱི་འབྲེལ་བའི་གནད་དོན་བཅས་ཀྱི་སྐོར།

ཐེངས་འདིའི་བགྲོ་གླེང་མདུན་ལྕོག་གི་ལས་རིམ་ནང་རྒྱ་གར་ནང་བོད་མིའི་དགུན་ཚོང་གི་གནས་བབས་དང་མ་འོངས་འཚོ་རྟེན་གྱི་མདུན་ལམ་བཅས་གནད་དོན་རིམ་པ་ཞིག་ཐོག་གླེང་མོལ་ཞུས་པ་གསན་རོགས།

གཟའ་འཁོར་འདིའི་ལས་རིམ་འདི། རྒྱ་རིགས་མི་མང་ཚོས་ཡུལ་དེའི་ས་གནས་མ་འདྲ་བ་མང་པོའི་ནང་ལ་ངོ་རྒོལ་ལས་འགུལ་སྤེལ་བ་འདིའི་དོན་སྙིང་དང་གལ་གན། ལས་འགུལ་འདི་རིགས་ལ་རྒྱ་ནག་གཞུང་གིས་གདོང་ལེན་བྱེད་ཕྱོགས་སོགས་ཀྱི་ཐད་ལ་གླེང་མོལ་ཞུ་ཡི་ཡིན།

ཐེངས་འདིའི་བགྲོ་གླེང་མདུན་ལྕོག་གི་ལས་རིམ་ནང་ཨོ་སི་ཀྲོ་ལི་ཡའི་རྒྱལ་ཡོངས་བོད་རིགས་སྤྱི་མཐུན་ཚོགས་པའི་ཚོགས་གཙོ་སྐལ་བཟང་ཚེ་རིང་ལགས་སུ ཁུལ་དེའི་འདི་ལོའི་བོད་དོན་ཞུ་གཏུགས་ཀྱི་ལས་འགུལ་ཐད་འདི་གའི་གསར་འགོད་པ་བསྟན་འཛིན་ནོར་བཟང་ལགས་ཀྱིས་གླེང་མོལ་ཞུས་པ་དེ་སྙན་སྒྲོན་གནང་གི་རེད།

༄༅། ཨ་ཧྥེ་རི་ཀའི་རྒྱལ་ཁབ་ལྷོ་སུ་ཌན་ནང་བཙན་འོག་ལ་ཡོད་པའི་མི་རིགས་དང་རྒྱལ་ཁབ་ཁག་གི་སྐུ་ཚབ་མང་པོ་ཞིག་འདུ་འཛོམས་བྱས་ཏེ་ཚོགས་ཆེན་ཞིག་སྐོང་ཚོགས་བྱས་ཡོད་པ་དང་། ཚོགས་ཆེན་ཐོག་བཙན་འོག་ལ་ཡོད་པའི་རྒྱལ་ཁབ་མང་པོའི་སྐུ་ཚབ་མཉམ་དུ་བོད་དོན་ལས་འགུལ་བ་བསྟན་འཛིན་བརྩོན་གྲུས་ལགས་ཀྱང་ཆེད་ཕེབས་གནང་ཐུབ་འདུག

ང་ཚོའི་་གསར་འགོད་པ་བསྟན་འཛིན་ནོར་བཟང་ལགས་ནས་རྒྱལ་སྤྱི་བོད་དོན་འབྲེལ་མཐུད་ལས་ཁང་གི་ཁོར་ཡུག་ཉམས་ཞིབ་པ་འབུམ་རམས་པ་བློ་བཟང་དབྱངས་མཚོ་ལགས་དང་ལྷན་དུ་འཛམ་གླིང་མཉམ་འབབྲེལ་རྒྱལ་ཚོགས་ཀྱི་ཁོར་ཡུག་ཚོགས་ཆེན་ཉེར་བདུན་པའི་ཐོག་བོད་ཀྱི་ཁོར་ཡུག་གི་ཛ་དྲག་གནས་སྟངས་ཞུ་གཏུགས་གནང་བཞིན་པའི་སྐོར་ལ་གླེང་མོལ་ཞུས་ཡོད།

༄༅། བཞུགས་སྒར་རྡ་རམ་ས་ལར་བརྟེན་གཞི་བྱས་པའི་རྡ་སྟེང་བོད་ཕྲུག་ཁྱིམ་སྡེ་སློབ་གྲྭ་དབུ་བརྙེས་ཏེ་ལོ་ངོ་༦༢ འཁོར་བའི་དུས་ཆེན་དང་སྟབས་བསྟུན་ནས་བོད་ཁྱིམ་སློབ་གྲྭའི་སློབ་ཟུར་ཚོགས་པ་གསུམ་གྱིས་འདི་ལོ་སློབ་གྲྭའི་ལས་གཞི་མང་པོ་ཞིག་ལ་ཞལ་འདེབས་ཧ་ཅང་འབོར་ཆེན་པོ་གནང་ཡོད་རེད།

རྒྱ་ནག་གི་འགོ་ཁྲིད་གསར་པས་རྒྱལ་སྤྱིའི་སྤྱི་ཚོགས་ལ་ཤུགས་རྐྱེན་དང་ཁྱད་པར་ཇི་འགྲོ་སྐོར་ལ་ཉམས་ཞིབ་པ་དང་གནད་དོན་དབྱེ་ཞིབ་པ་དང་གླེང་མོལ།

གཟའ་འཁོར་འདིའི་ལས་རིམ་ནང་ཞི་ཅིན་ཕིང་གི་སྲིད་དབང་སྐྱོང་འོག་བོད་དང་གྲངས་ཉུང་མི་རིགས་ཀྱི་ས་ཁུལ་ཁག་ལ་འཛིན་པའི་སྲིད་བྱུས་དང་འདིའི་ཁོག་བཅངས་ཀྱི་དམིགས་ཡུལ་དང་གནོད་འཚེ་སོགས་ཀྱི་སྐོར་ཡོ་རོབ་ཀྱི་སེ་པན་རྒྱལ་ཁབ་ནང་བཅའ་བཞུགས་བོད་དང་རྒྱ་ནག་གི་གནད་དོན་ཉམས་ཞིབ་པ་སངས་རྒྱས་སྐྱབ་ལགས་དང་གླེང་མོ་ཞུས་པ་དེ་གསན་རོགས་གནང།