བགྲོ་གླེང་མདུན་ལྕོག - ཨ་རིའི་རླུང་འཕྲིན་ཁང་།

བཞུགས་སྒར་དབུས་བདེ་ལེགས་སྨན་ཁང་ནས་འདས་པའི་ལོ་ལྔ་བཅུའི་རིང་སྤྱི་ཚོགས་འཕྲོད་བསྟེན་ཞབས་ཞུའི་སྐོར་ལ་༧སྐུའི་བླ་སྨན་པ་དང་བདེ་ལེགས་སྨན་ཁང་གི་སྤྱི་ཁྱབ་སྨན་པའི་འགན་འཛིན་སྨན་པ་ཚེ་བརྟན་རྡོ་རྗེ་ལགས་དང་། བོད་མིའི་སྒྲིག་འཛུགས་ལྷོ་ཨ་ཕི་རི་ཀའི་སྐུ་ཚབ་དོན་གཅོད་ཟུར་པ་ཚེ་དབང་ཕུན་ཚོགས་ལགས་དང་ལྷན་དུ་གླེང་མོལ་ཞུས་ཡོད།

རྒྱ་ནག་གཞུང་གིས་༧གོང་ས་མཆོག་གི་མ་འོངས་སྐུ་སྐྱེའི་ཡང་སྲིད་ཐག་གཅོད་སོགས་ཀྱི་སྐོར་འཁྱོག་བཤད་ཀྱིས་ལས་འགུལ་འདྲ་མིན་སྤེལ་བཞིན་ཡོད་པས་འདིའི་རྒྱབ་ལྗོངས་ཀྱི་ཆབ་སྲིད་ཀྱི་དམིགས་ཡུལ་དང་བོད་མིའི་སྒྲིག་འཛུགས་བཀའ་ཤག་གི་ལངས་ཕྱོགས་སོགས་ཀྱི་སྐོར་གླེང་མོལ་ཞུས་པ་གསན་རོགས།

ཐེངས་འདིའི་བགྲོ་གླེང་མདུན་ལྕོག་གི་ལས་རིམ་ནང་ཕྱིར་སྡོད་བོད་མི་ཚོས་བོད་ནང་གི་བོད་མི་ཚོར་འཕྲད་བཞིན་པའི་ཏོག་དབྱིབས་ནད་ཡམས་ཀྱི་དམ་དྲག་གི་བཀའ་རྒྱའི་དཀའ་ངལ་ལ་གདུང་སེམས་མཉམ་བསྐྱེད་ཤུགས་ཆེ་བྱེད་བཞིན་པའི་གནད་དོན་ཐད་གླེང་མོལ་ཞུས་གསན་རོགས།

༄༅། །དེང་སྐབས་བོད་བོད་ཀྱི་ས་ཁུལ་གང་སར་ཏོག་དབྱིབས་ནད་ཡམས་ཤུགས་ཆེ་ཁྱབ་བརྡལ་འགྲོ་བཞིན་པའི་སྐབས་འདིར་བོད་མི་ཚོས་བསམ་བློ་གཏོང་ཕྱོགས་དང་། ལུས་སེམས་གཉིས་བདེ་ཐང་བྱེད་ཕྱོགས་ཐད་ལ་སྐུའི་གསུང་བསྒྱུར་ངག་དབང་བསོད་ནམས་ལགས་དང་གསར་འཁོད་པ་དཀོན་མཆོག་དོན་གྲུབ་ལགས་དང་གླེང་མོལ་ཞུ་ཡི་ཡིན།

ཐེངས་འདིའི་བགྲོ་གླེང་མདུན་ལྕོག་གི་ལས་རིམ་ནང་། བོད་མིའི་སྒྲིག་འཛུགས་ཀྱི་གངས་ལྗོངས་དཔལ་འབྱོར་ཞབས་ཞུ་ཁང་གི་ད་ལྟའི་གནས་བབ་སྐོར་ལ། བསྟན་འཛིན་ནོར་བཟང་གིས་བོོད་མི་དམངས་སྤྱི་འཐུས་ཀརྨ་དགེ་ལེགས་དང་ལྷན་དུ་གླེང་མོལ་ཞུས་ཡོད།

༄༅། ཕྱི་ཚེས་༨ཉིན་དབྱིན་ཇིའི་རྒྱལ་མོ་ཨེ་ལི་ཛེ་སྦེད་མཆོག་སྐུ་ཚེའི་འཕེན་པ་རྗོགས་ཡོད་པ་དང་རྒྱས་སྲས་ཅལ་སི་གསུམ་པ་དབྱིན་ཇིའི་རྒྱལ་པོའི་ཁྲི་ཐོག་ཏུ་འཁོད་པ་ཁོང་དང་བོད་མིའི་འབྲེལ་བའི་སྐོར་དབྱིན་ཡུལ་བོད་རིགས་བསྟན་འཛིན་ཀུན་དགའ་ལགས་དང་དོན་གཅོད་ཟུར་པ་མི་འགྱུར་རྡོ་རྗེ་ལགས་དང་གླེང་མོལ་ཞུས་པ་དེ་སྙན་སྒྲོན་གནང་གི་རེད།

རེས་གཟའ་པ་སངས་ཉིན་བཙན་བྱོལ་བོད་མི་ཚོས་མང་གཙོའི་དུས་དྲན་ཐེངས་ ༦༢ པ་སྲུང་རྩིས་བྱས་ཡོད་ཅིང་། ཐེངས་འདིའི་བགྲོ་གླེང་མདུན་ཅོག་གི་ལས་རིམ་ནང་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་དགོངས་བཞེད་བཞིན་བཙན་བྱོལ་བོད་མི་ཚོས་མང་གཙོ་སྲུང་སྐྱོབ་བྱེད་ཐུབ་ཡོད་དམ། དེའི་འགན་སུ་ལ་ཡོད་བཅས་ཀྱི་སྐོར་ལ་གླེང་མོལ་ཞུ་ཡོད།

ཁེ་ན་ཌའི་གྲོང་ཁྱེར་ཊོ་རོན་ཊོ་ལ་གནས་བཞུགས་བོད་དོན་ལས་འགུལ་བ་སངས་རྒྱས་སྐྱབས་དང་གྲོང་ཁྱེར་ཀལ་ཀེ་རིར་གནས་འཁོད་བསྟན་འཛིན་སྟོབས་ལྡན་ལགས་གཉིས་ཀྱིས་བོད་དོན་དྲིལ་བསྒྲགས་ཆེད་དུ་རྐང་འཁོར་སྐོར་སྐྱོད་ཀྱི་ལས་འགུལ་སྤེལ་བཞིན་ཡོད་པ་རེད། ད་བར་གྱི་ཉམས་མྱོང་དང། དཀའ་ངལ་ཇི་འཕྲད་སོགས་ཀྱི་ཐད་གླེང་མོལ་ཞུས་ཡོད།

ཐེངས་འདིའི་བགྲོ་གླེང་མདུན་ཅོག་ལས་རིམ་གྱིས་ལ་དྭགས་བསོད་ནམས་གླིང་བོད་མིའི་གཞིས་ཆགས་ནང་གི་ཕོ་གསར་དྭང་བླང་སྤྱི་ཚོགས་ཞབས་ཞུ་ཞེས་ན་གཞོན་གྱི་སྒྲིག་འཛུགས་ཤིག་ཡོད་པ་དེས་ཏོག་དབྱིགས་ནད་ཡམས་སྐབས་དྭང་བླང་ཞབས་ཞུའི་ལས་དོན་གཉེར་ཡོད་པ་མ་ཟད། ད་ལྟའང་མུ་མཐུད་སྤྱི་ཚོགས་ཞབས་ཞུ་གཉེར་བཞིན་པའི་སྐོར་ལ་གླེང་མོལ་ཞུ་རྒྱུ་ཡིན།

ཐེངས་འདིའི་བགྲོ་གླེང་མདུན་ཅོག་ལས་རིམ་གྱིས་ཉེ་ལམ་རྒྱ་ནག་གི་རྒྱལ་ས་པི་ཅིང་ནང་འཐབ་ཕྱོགས་གཅིག་གྱུར་ལས་ཁང་གི་ཚོགས་འདུ་ཞིག་ཐོག་ཞི་ཅིང་པིན་གྱིས་གཏམ་བཤད་བྱས་ཡོད་པ་དང་། འཐབ་ཕྱོགས་གཅིག་གྱུར་ལས་ཁང་གི་ལས་དོན་གང་ཡིན་པ་བཅས་ཀྱི་སྐོར་་ལ་གླེང་མོལ་བྱས་ཡོད།