བུད་མེད། - ཨ་རིའི་རླུང་འཕྲིན་ཁང་།

༄༅།། རྒྱ་གར་རྒྱལ་ཡོངས་གྲོས་ཚོགས་ཆེན་མོ་དང་མངའ་སྡེའི་གྲོས་ཚོཌ་ཀྱི་འཐུས་མི་མང་མོས་ཀྱི་ཡུལ་དེའི་གྲངས་ཉུང་གདོད་མའི་བུད་མེད་ཞིག་སྲིད་འཛིན་དུ་མང་མོས་འདེམས་བསྐོ་ཞུས་ཡོད་པར་༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་བཀྲིས་བདེ་ལེགས་ཀྱི་འཚམས་འདྲི་གནང་བའི་སྐོར་ཕུན་ཚོགས་ཚེ་རིང་གིས་སྙན་སྒྲོན་གནང་གི་རེད།

དེ་རིང་གི་ང་ཚོའི་བུད་མེད་ལེ་ཚན་ལ་ད་སྔ་ཨ་མི་རི་ཀར་སྲིད་འཛིན་བུད་མེད་ཅིག་འདེམས་ཐོན་བྱུང་མྱོང་མེད་པའི་རྒྱུ་མཚན་ཅི་ཡིན་དང་ད་ལོའི་འོས་བསྡུ་འདིས་གནས་སྟངས་དེར་འགྱུར་བ་ཐེབས་རྒྱུའི་རེ་བ་ཡོད་མེད་ཐད། དཔལ་མོ་མཁས་གྲུབ་ལགས་ཀྱིས་འདི་ག་བོད་སྐད་སྡེ་ཚན་གྱི་རྩོམ་སྒྲིག་འགན་འཛིན་འཕྲིན་ལས་སྙན་གྲགས་ལགས་དང་གླེང་མོལ་ཞུ་ཡི་རེད།།

བོད་ལ་ནང་ཆོས་དར་བ་ནས་བཟུང་སྟེ་བུད་མེད་ཀྱི་ལུས་རྟེན་ཐོག་ཏུ་བསྟན་པ་དང་འགྲོ་བར་ཕན་ཐོགས་པའི་ཆེད་སྲུང་མའི་སྐུར་བཞེངས་པ་དང་མཁའ་འགྲོ་མ། རྗེ་བཙུན་མ་ལ་སོགས་པ་ཇི་སྙེད་ཅིག་བྱུང་ཡོད་ཅིང་། དེ་དག་གི་གྲས་ནས་འབྲི་གུང་སྲུང་མ་ཨ་ཕྱི་ཆོས་ཀྱི་སྒྲོལ་མའི་སྐོར། ཨ་རིའི་མཱེ་རི་ལན་ཌི་མངའ་སྡེར་རྟེན་གཞི་བྱས་པའི་འབྲི་གུང་ཆོས་ཚོགས་ཀྱི་མཁན་པོ་ཚུལ་ཁྲིམས་ལགས་སུ་ཀུན་བཟང་སྒྲོལ་མས་བཅར་འདྲི་ཞུས་པ་ཞིག་གསན་རོགས་གནང་།

ནུ་མའི་སྐྲན་ནད་ནི་གློ་སྐྲན་གྱི་རྗེས་སུ་བུད་མེད་ལ་ཉེན་ཚབས་ཆེ་ཤོས་ཀྱི་ནད་གཞི་ཞིག་ཡིན་ཞིང་། བུད་མེད་ཚོས་རྟག་ཏུ་རང་གི་ནུ་མའི་བཟོ་དབྱིབས་དང་ཁ་མདོག་ལ་འགྱུར་བ་ཐེབས་ཀྱི་ཡོད་མེད་བརྟག་དཔྱད་ཀྱིས་ནུ་སྐྲན་འཕོག་གི་ཡོད་མེད་ལ་བརྟག་དཔྱད་བྱ་རྒྱུ་དང་། སྨན་པར་སྟོན་རྒྱུ་གལ་འགངས་ཆེན་པོ་ཡིན་པ་སོགས་ཀྱི་སྐོར། ཕུན་ཚོགས་ཚེ་རིང་ལགས་ཀྱིས་སྨན་པ་ཉི་མ་གཡུ་སྒྲོན་ལགས་སུ་བཅར་འདྲི་ཞུས་པའི་བུད་མེད་ཀྱི་ལེ་ཚན་དེ་གསན་རོགས་གནང་།

སྙན་གྲགས་ཆེ་བའི་ཊེམ་དུས་དེབ་ཀྱིས་༢༠༡༩་ལོའི་འཛམ་གླིང་ལ་ཤུགས་རྐྱེན་ཆེ་ཤོས་ཀྱི་མི་སྣ་དེ་སུད་ཌེན་གྱི་བུ་མོ་ལོ་ཆུང་གྷེ་རི་ཌ་ཌོམ་བྷེཀ་འདེམས་ཡོད་པས་འཛམ་གླིང་ལ་ཤུགས་རྐྱེན་ཅན་གྱི་བུ་མོ་ལོ་ཆུང་དེ་དོན་དངོས་སུ་སུ་ཡིན་མིན་དང་། ཁོ་མོས་ཁོར་ཡུག་སྲུང་སྐྱོབ་ཀྱི་ཆེད་དུ་ལས་འགུལ་སྤེལ་དགོས་པའི་རྒྱུ་མཚན་ཅི་ཡིན། དེ་བཞིན་འཛམ་གླིང་གི་སྣེ་མོ་གསུམ་པར་གྲགས་པའི་བོད་མཐོ་སྒང་གི་ཁོར་ཡུག་གནས་སྟངས་ལ་རྒྱལ་སྤྱིའི་ཐོག་ཏུ་དོ་སྣང་ཡོང་རྒྱུར་དམིགས་དཔེ་འོས་མིན་སོགས་ཀྱི་སྐོར།

བོད་ཀྱི་སྤྱི་ཚོགས་སུ་བོད་སྐད་བརྙན་འཕྲིན་གསར་འགྱུར་གྱི་འཕེལ་རིམ་ནི་ད་དུང་ཡང་གསར་པ་ཞིག་ཡིན་ཞིང་། བརྙན་འཕྲིན་ཐད་གཏོང་གི་ལེ་ཚན་གཙོ་སྐྱོང་བ་བུད་མེད་ཉུང་ཤས་ལས་མེད། པ་སངས་དབྱངས་སྐྱིད་ལགས་ནི་བཙན་བྱོལ་གྱི་བརྙན་འཕྲིན་ཐད་གཏོང་གི་བུད་མེད་གཙོ་སྐྱོང་བ་ཐོག་མའི་གྲས་ཡིན། ཐེངས་འདིའི་བུད་མེད་ལེ་ཚན་དུ་པ་སངས་དབྱངས་སྐྱིད་ལགས་དང་མཉམ་དུ་བོད་པའི་སྤྱི་ཚོགས་ཀྱི་བུད་མེད་བརྙན་འཕྲིན་ལས་རིམ་གཙོ་སྐྱོང་བ་ཁག་གི་གནས་བབ་དང་དམིགས་བསལ་གདོང་ལེན་བྱ་དགོས་པའི་དཀའ་ངལ་བཅས་ལ་བགྲོ་གླེང་།

འཛམ་གླིང་གི་ལོ་རྒྱུས་དེབ་ཐེར་ཕལ་མོ་ཆེར་སྐྱེས་པ་བྱས་རྗེས་མ་གཏོགས་བུད་མེད་ཀྱིས་བྱས་རྗེས་བཞག་རབས་འཁོད་དཀོན་ཅིང་། དེ་ནི་བུད་མེད་ལ་སྐྱེས་པ་ལྟར་རང་དབང་དང་གོ་སྐབས་འདྲ་མཉམ་མེད་པའི་རྐྱེན་གྱིས་བྱུང་བ་ཡིན་འདུག འོན་ཀྱང་བུད་མེད་ཚན་རིག་པ་དང་གསར་གཏོད་པ་ཁག་གི་བྱས་རྗེས་ཀྱིས་འཛམ་གླིང་གི་འགྲོ་བ་མིའི་རྒྱུན་ལྡན་གྱི་འཚོ་བར་འགྱུར་ལྡོག་ཆེན་པོ་ཞིག་བྱུང་ཡོད་པ་སྟེ།

སྤྱིར་འགྲོ་བ་མིའི་ལུས་ཁམས་བདེ་ཐང་ནི་ཕོ་མོ་ལ་དབྱེ་བ་མེད་པར་མི་ཚང་མར་འབྲེལ་བ་ཡོད་པའི་གནད་དོན་ཞིག་ཡིན་པ་ཀུན་གྱིས་ཤེས་གསལ་ལྟར་ཡིན་མོད། འོན་ཀྱང་སྐྱེ་ཕོ་མོ་གཉིས་ལུས་པོ་གྲུབ་སྟངས་གཅིག་མཚུངས་མིན་པའི་ཁྱད་པར་གྱིས་ལུས་ལ་གཅེས་སྤྲས་བྱེད་ཕྱོགས་ཀྱང་མི་གཅིག་པའི་ཁྱད་པར་འགའ་ཞིག་ཡོད་པ་རེད། དེ་རིང་ང་ཚོའི་བུད་མེད་ལེ་ཚན་ནང་དུ་བུད་མེད་ཀྱི་ལུས་ཁམས་བདེ་ཐང་ཡོང་བར་ཟས་སྤྱོད་དང་ལུས་རྩལ།

གཟའ་འཁོར་འདིའི་བུད་མེད་ལེ་ཚན་ནང་དུ་ཡེ་ཤུའི་གནམ་བདག་ཆོས་ལུགས་ཀྱི་སྐྱེས་ཆེན་དམ་པ་སྙན་གྲགས་ཅན། རྗེ་བཙུན་མ་ཊེ་རེ་སའི་སྐུ་ཚེའི་ལོ་རྒྱུས་དང་མཛད་པ། ཁོང་གིས་སྐུ་ཚེ་ཧྲིལ་པོར་རྒྱ་གར་གྱི་ཀལ་ལ་ཀ་ཏ་གྲོང་ཁྱེར་དུ་གནས་འཁོད་ནད་པ་དང་དབུལ་ཕོངས། ལྷག་པར་དུ་མཛེ་ནད་ཅན་ལ་ཐུགས་བརྩེ་བ་ཆེན་པོས་གཟིགས་སྐྱོང་གནང་བའི་མཛད་རྗེས་སོགས་ལ་ང་ཚོའི་རྩོམ་སྒྲིག་འགན་འཛིན་འཕྲིན་ལས་སྙན་གྲགས་སུ་ཀུན་བཟང་སྒྲོལ་མ་ལགས་ཀྱིས་བཅར་འདྲི་ཞུས་པ་ཞིག་གསན་རོགས་གནང་།།

ཐེངས་འདིའི་བུད་མེད་ལེ་ཚན་ནང་དུ་འཛམ་གླིང་གི་སའི་གོ་ལའི་གནམ་གཤིས་འགྱུར་ལྡོག་དང་ཁོར་ཡུག་སྲུང་སྐྱོབ་ཀྱི་འཐབ་རྩོད་ལ་བུད་མེད་ཀྱིས་རྣོ་ངར་ལྡན་པའི་སྒོ་ནས་འགན་ཁུར་དང་ལེན་བྱེད་ཀྱི་ཡོད་པའི་སྐོར། ཁོར་ཡུག་ལས་འགུལ་བ་ཚེ་རིང་གཡུ་སྒྲོན་ལགས་སུ་གླེང་མོལ་ཞུས་པ་ཞིག་གསན་རོགས་གནང་།

ང་ཚོའི་བུད་མེད་ལེ་ཚན་འདིར་བུད་མེད་ལ་སློབ་སྦྱོང་སྤྲོད་རྒྱུ་གལ་འགངས་ཆེན་ཡིན་པའི་སྐོར། ཕུན་ཚོགས་ཚེ་རིང་གིས་ཨ་མི་རི་ཀའི་ནུབ་ཕྱོགས་སུ་ཆགས་པའི་ཁེ་ལི་ཧྥོར་ཎི་ཡ་མངའ་སྡེའི་ཧྥོལ་ཊོན་གཙུག་ལག་སློབ་གྲྭའི་དགེ་རྒན་ཆེན་མོ་ངག་དབང་ཕུན་ཚོགས་ལ་བཅར་འདྲི་ཞུས་པ་དེ་གསན་རོགས་གནང་།།

བོད་པའི་སྤྱི་ཚོགས་ནང་མཚན་མཐུན་དགའ་རོགས་སྒྲིག་མཁན་སྤྱི་དང་ལྷག་པར་དུ་མཚན་མཐུན་དགའ་རོགས་སྒྲིག་མཁན་གྱི་བོད་པའི་བུད་མེད་ཚོར་ལྟ་སྟངས་ག་འདྲ་ཡོད་པ་དང། ཁོང་ཚོ་ལ་དཀའ་ངལ་གཙོ་ཆེ་བ་ག་རེ་འཕྲད་བཞིན་ཡོད་པའི་ཐད་གླེང་མོལ་ཞུས་ཡོད། གླེང་མོལ་ཞུ་ཡུལ་དེ་སྤྱི་ཚོགས་འཕྲོད་བསྟེན་ཉམས་ཞིབ་པ་དང་། མཚན་མཐུན་དགའ་རོགས་སྒྲིག་མཁན་གྱི་ཐོབ་ཐང་དོན་གཉེར་བ་བདེ་ཆེན་ཚེ་རིང་ལགས་ཡིན།།

བུད་མེད་ལྷན་ཚོགས་ཀྱི་བཙུན་མའི་ནུས་སྟོབས་གོང་འཕེལ་གྱི་ལས་འཆར་སྐོར་དང་། ལས་འཆར་དེས་བཙན་བྱོལ་སྤྱི་ཚོགས་སུ་བུད་མེད་སྤྱི་ཡོངས་དང་འདྲ་བར་བཙུན་མ་ཚོས་རང་ནུས་ཆ་ཚང་བཏོན་ཏེ་གདེང་སྤོབས་ལྡན་པའི་སྒོ་ནས་དགོན་པ་དང་སྤྱི་ཚོགས་ཀྱི་ཁྱབ་ཁོངས་ཁག་ཏུ་འགོ་ཁྲིད་ཀྱི་འགན་ཁུར་བཞེས་ཐུབ་རྒྱུའི་དོན་དུ་ལོ་ལྟར་ཟབ་སྦྱོང་ཞིག་སྤྲོད་ཀྱི་ཡོད་ཅིང་། ཟབ་སྦྱོང་ཐེངས་༡༡་པ་དེ་མཇུག་བསྒྲིལ་ཡོད་པ་སོགས་ལ་བུད་མེད་ལྷན་ཚོགས་ཀྱི་བཙུན་མའི་ནུས་སྟོབས་གོང་འཕེལ་ལས་འཆར་གྱི་འགན་འཛིན་བསྟན་འཛིན་མཁའ་འགྲོ་ལགས་

ཐེངས་འདིའི་བུད་མེད་ལེ་ཚན་ནང་དུ་བུད་མེད་ཀྱི་ལུས་ཁམས་གྲུབ་སྟངས་དང་རིགས་རྒྱུད་སྤེལ་ནུས་ཀྱི་ཁྱད་ཆོས་སོགས་ལ་བདུན་ཕྲག་འདིའི་བུད་མེད་ལེ་ཚན་གཙོ་སྐྱོང་བ་བསོད་ནམས་དབྱངས་འཛོམས་ཀྱིས་ནེའུ་ཡོག་དང་ནེའུ་འཇར་སིའི་བོད་པའི་སྨན་ཞབས་ཚོགས་པའི་ཚོགས་གཙོ་པདྨ་རྡོ་རྗེ་ལགས་སུ་གླེང་མོལ་ཞུས་པ་དེ་གསན་རོགས་གནང་།།

དེང་སྐབས་རྒྱལ་སྤྱིའི་ཁྱོན་ཡོངས་སུ་མི་མང་པོས་དགའ་མོས་ཆེན་པོ་བྱ་ཡུལ་ཞིག་ཏུ་གྱུར་པའི་རྐང་རྩེད་པོ་ལེའི་རྩེད་རིགས་འདི་ནི་ཐོག་མར་མི་ལོ་༢༠༠༠་ཙམ་གྱི་ཡར་སྔོན་དུ་རྒྱ་ནག་དང་གྷེ་རི་སི། རོམ་དང་དབུས་་ཨེ་ཤི་ཡ་བཅས་སུ་དར་ཁྱབ་བྱུང་ཞིང་། ཕྱི་ལོ་༡༨༦༣་ལོར་དབྱིན་ཡུལ་དུ་རྐང་རྩེད་པོ་ལེའི་རུ་ཁག་དང་པོ་དེ་རྩ་འཛུགས་བྱས་ནས་རྩེད་མོའི་སྒྲིག་གཞི་གཏན་ལ་ཕབ།

བོད་ལ་བུད་མེད་སྤྲུལ་སྐུ་རེ་ཟུང་ཞིག་བྱུང་བ་དེ་དག་ནི་དམིགས་བསལ་ཞིག་ཆགས་ཀྱི་ཡོག་རེད། དེ་རིང་གི་ང་ཚོའི་བུད་མེད་ལས་རིམ་འདིའི་ནང་དུ་བོད་དབུས་གཙང་ཁུལ་དུ་ལུས་རྟེན་བུད་མེད་ཀྱི་སྤྲུལ་སྐུ་བསམ་སྡིངས་རྗོ་རྗེ་ཕག་མོ་དང་། ཤུག་གསེབ་ལོ་ཆེན་རིན་པོ་ཆེ་གཉིས་ཐོག་མར་ངོས་འཛིན་ཞུ་སྟངས་དང་བར་དུ་འགྲོ་དོན་བསྐྱངས་སྟངས་བཅས་ཀྱི་སྐོར། དཔལ་མོ་མཁས་གྲུབ་ཀྱིས་མཁས་བཙུན་ལགས་སུ་གླེང་མོལ་ཞུས་པ་ཞིག་གསན་རོགས་གནང་།།

འཛམ་གླིང་གི་ཆོས་ལུགས་ཆེ་ཁག་གིས་བུད་མེད་ལ་འཛིན་པའི་ལྟ་སྟངས་དང་། དེ་བཞིན་ནང་པའི་སྤྱི་ཚོགས་སུ་བུད་མེད་ལ་འཛིན་པའི་ལྟ་སྟངས་ཅི་འདྲ་ཡོད་མེད་ཐད་དུ་འབྲི་གུང་བཀའ་བརྒྱུད་ཆོས་ཚོགས་ཀྱི་མཁན་པོ་ཚུལ་ཁྲིམས་ལགས་སུ་ཀུན་བཟང་སྒྲོལ་མ་ལགས་ཀྱིས་གླེང་མོལ་ཞུས་པ་ཞིག་གསན་རོགས་གནང་།།

བུད་མེད་ལེ་ཚན་ནང་དུ་ཚེ་རིང་དབྱངས་སྐྱིད་ལགས་སུ་དབུས་བོད་མིའི་སྒྲིག་འཛུགས་ཀྱི་སྲི་ཞུ་བའི་གྲས་སུ་བུད་མེད་ཀྱི་འགན་དབང་དང་འགྱུར་ལྡོག ཆབ་སྲིད་དང་དཔལ་འབྱོར། སྤྱི་ཚོགས་སོགས་ཀྱི་སྲིད་བྱུས་ཉམས་ཞིབ་ལས་རིགས་ཁག་ལ་བོད་པའི་བུད་མེད་ཀྱིས་མཉམ་ཞུགས་ཅི་ཙམ་བྱེད་ཀྱི་ཡོད་མེད་སོགས་བཅར་འདྲི་ཞུས་ཡོད།།

༄༅།། གཟའ་འཁོར་འདིའི་བུད་མེད་ལེ་ཚན་ནང་དུ་ཁྱིམ་ཚང་ཁག་དང་བཟའ་མི་སོགས་ལ་བརྙས་བཅོས་བྱས་ན་ཁྱིམ་ཚང་དེའི་བཟའ་མི་བུ་ཕྲུག་བཅས་ལ་དཀའ་ངལ་དང་ཤུགས་རྐྱེན་གང་འདྲ་ཞིག་ཐེབས་ཀྱི་ཡོད་མེད། སྤྱིར་བཟའ་ཟླར་བརྙས་བཅོས་བྱེད་སྟངས་ལ་རིགས་དང་དབྱེ་བ་མ་འདྲ་བ་ཅི་ཙམ་ཡོད་མེད་ཐད་དུ་འབྲེལ་ཡོད་མི་སྣ་གཉིས་ལ་གླེང་མོལ་ཞུས་ཡོད།།