បទ​សម្ភាសន៍ - វីអូអេ

ក្រុមសៀក «ហ្វា» មកពីទីក្រុងសៀមរាបប្រទេសកម្ពុជាបា នធ្វើការសម្តែងសៀកដែលមានចំណងថា «មាសស» នៅក្នុងមហោស្រពមួយក្នុងទីក្រុងញូវយ៉ក សហរដ្ឋអាមេរិក។ មានរយៈពេលមួយម៉ោង «មាសស» បានបង្ហាញពីសារសំខាន់របស់គ្រាប់អង្ករដែលជាអាហារដ៏ចាំចាច់ប្រចាំថ្ងៃរបស់ប្រជាជនកម្ពុជា។ ការសម្តែង «មាសស» នេះ ក៏បានទាក់ទាញចំនាប់អារម្មណ៍របស់់ទស្សនិកជន ទៅលើសាសនា ប្រពៃណីរបស់កម្ពុជា និងឧបករណ៍ភ្លេងខ្មែរដូចជារនាថឯក ពិណ ស្គរដៃ ទ្រ និងខ្លុយខ្មែរជាដើមដែលត្រូវបានប្រគុំផ្ទាល់នៅក្នុងការសម្តែងនោះ។ កញ្ញា ទុំ ម្លិះ នៃវីអូអេបានធ្វើការសម្ភាសន៍ជាមួយលោក នង ចន្ថា អ្នកនិពន្ធភ្លេង សម្រាប់ការសម្តែងសៀក«មាសស» នៅទីក្រុងញូវយ៉ក៕

សន្និសីទភាគីទៅកាន់អនុសញ្ញាក្របខណ្ឌអង្គការសហប្រជាជាតិស្តីពីការប្រែប្រួលអាកាសធាតុ (UNFCCC) លើកទី២៨ ឬហៅថា COP28 កំពុងប្រព្រឹត្តទៅចាប់ពីថ្ងៃទី៣០ ខែវិច្ឆិកា រហូតដល់ថ្ងៃទី១២ ខែធ្នូ ឆ្នាំ២០២៣ នៅទីក្រុងឌូបៃ ប្រទេសអេមីរ៉ាតអារ៉ាប់រួម ដើម្បីជជែក និងយល់ព្រមលើមធ្យោបាយដោះស្រាយវិបត្តិអាកាសធាតុ។ យុវជនកម្ពុជាដែលកំពុងចូលរួមក្នុងសន្និសីទនេះបានចែករំលែកបទពិសោធន៍ និងចង់ឃើញគ្រប់ភាគីពាក់ព័ន្ធទាំងអស់សហការជាមួយមេដឹកនាំពិភពលោករួមគ្នាទប់ស្កាត់ការប្រែប្រួលអាកាសធាតុ។ អ្នកនាង កាន់ វិច្ឆិកា នៃវីអូអេ បានសម្ភាសន៍កញ្ញា ហ៊ង សុជាតា ប្រតិភូយុវជនផ្នែកអាកាសធាតុពីកម្ពុជាដែលកំពុងចូលរួមសន្និសីទស្តីពីការប្រែប្រួលអាកាសធាតុលើកទី២៨ ឬហៅថា COP28 អំពីក្តីរំពឹងរបស់យុវជនពីភាគីពាក់ព័ន្ធនិងមេដឹកនាំពិភពលោកក្នុងការទប់ស្កាត់ការប្រែប្រួល៕ (បទសម្ភាសន៍នេះត្រូវបានផលិតឡើងជាផ្នែកមួយនៃភាពជាដៃគូប្រព័ន្ធផ្សព្វផ្សាយពាក់ព័ន្ធនឹងការប្រែប្រួលអាកាសធាតុឆ្នាំ២០២៣ ដែលជាអាហារូបករណ៍ផ្នែកសារព័ត៌មានរៀបចំដោយ Earth Journalism Network របស់អង្គការ Internews និងមជ្ឈមណ្ឌល Stanley សម្រាប់សន្តិភាព និងសន្តិសុខ។)

បម្រែបម្រួលអាកាសធាតុកំពុងជាបញ្ហាចោទរបស់ពិភពលោក និងកម្ពុជា។ របាយការណ៍របស់អង្គការយូនីសេហ្វ ចេញកាលពីឆ្នាំ២០២១ បង្ហាញថា មនុស្សវ័យក្មេងដែលរស់នៅក្នុងប្រទេសកម្ពុជា ស្ថិតក្នុងចំណោមក្រុមដែលប្រឈមនឹងហានិភ័យខ្ពស់ពីផលប៉ះពាល់នៃការប្រែប្រួលអាកាសធាតុ ដែលបង្កការគំរាមកំហែងដល់សុខភាព ការអប់រំ និងការទទួលបានការការពារ។ យុវជនមកពីកម្ពុជាចំនួនមួយចំនួនបាននិងកំពុងចូលរួមសន្និសីទស្តីពីការប្រែប្រួលអាកាសធាតុរបស់អង្គការសហប្រជាជាតិ ឬហៅថា COP28 ដែលធ្វើឡើងក្នុងទីក្រុងឌូបៃ ប្រទេសអេមីរ៉ាតអារ៉ាប់រួម ចាប់ពីថ្ងៃទី៣០ ខែវិច្ឆិកា ដល់ថ្ងៃទី១២ ខែធ្នូ ២០២៣។ អ្នកនាង កាន់ វិច្ឆិកា នៃវីអូអេ បានសម្ភាសន៍កញ្ញា អ៊ុត ច័ន្ទតារាពេជ្រ អ្នករៀបចំកម្មវិធី«សន្និសីទយុវជនក្នុងស្រុក» ប្រទេសកម្ពុជា ឆ្នាំ២០២៣ អំពីព័ត៌មានលម្អិតពាក់ព័ន្ធនឹងការចូលរួមសន្និសីទស្តីពីការប្រែប្រួលអាកាសធាតុ និងការប្តេជ្ញាចិត្តរបស់យុវជនក្នុងបន្តសកម្មភាពទប់ស្កាត់ការប្រែប្រួលអាកាសធាតុដើម្បីចីរភាព៕ (បទសម្ភាសន៍នេះត្រូវបានផលិតឡើងជាផ្នែកមួយនៃភាពជាដៃគូប្រព័ន្ធផ្សព្វផ្សាយពាក់ព័ន្ធនឹងការប្រែប្រួលអាកាសធាតុឆ្នាំ២០២៣ ដែលជាអាហារូបករណ៍ផ្នែកសារព័ត៌មានរៀបចំដោយ Earth Journalism Network របស់អង្គការ Internews និងមជ្ឈមណ្ឌល Stanley សម្រាប់សន្តិភាព និងសន្តិសុខ។)

ក្រោយ​លទ្ធផល​ក្រៅ​ផ្លូវការ​បឋមៗ​បង្ហាញ​ថា ​គណបក្ស​ប្រជាជន​កម្ពុជា​របស់​លោក​ នាយក​រដ្ឋមន្ត្រី ​ហ៊ុន សែន ​ឈ្នះ​ការ​បោះឆ្នោតជាតិ​កាល​ពី​ថ្ងៃទី​២៣ ខែកក្កដា ឆ្នាំ​២០២៣​ ដោយគ្មាន​វត្តមាន​គណបក្ស​ប្រឆាំង​ដ៏​ចម្បង​នោះ​ ឮ​ ថ្នាក់ដឹកនាំ​កំពូលៗរបស់​ចិន​បានផ្ញើ​សារអបអរ និង​បង្ហាញ​ការគាំទ្រ​ចំពោះ​ជ័យជម្នះ​គណបក្ស​គ្រប់គ្រង​ប្រទេស។ លោក សុខ ​ខេមរា នៃ​វីអូអេ ​ពី​រដ្ឋធានី​វ៉ាស៊ីនតោន និង​ អ្នកនាង​កាន់ វិច្ឆិកា ​ពី​រាជធានី​ភ្នំពេញ ​ជូន​កិច្ច​សន្ទនា​អំពីការ​លើកឡើង​របស់​ថ្នាក់ដឹកនាំ​កំពូលៗ​របស់​ចិន​និងដំណើរការ​វិវត្ត​ផ្សេងៗ​ទាក់ទង​នឹង​ការ​បោះឆ្នោត។ សូម​ស្តាប់​កិច្ច​សន្ទនា​រវាង ​លោក សុខ ខេមរា​ នៃ​ វីអូអេ  ជាមួយ​អ្នកនាង ​កាន់ វិច្ឆិកា​ ពី​រាជធានី​ភ្នំពេញ​ដូចតទៅ៕

ក្រោយ​ការ​បោះឆ្នោត​ថ្នាក់​ជាតិ​ដែលបាន​បញ្ចប់​ទៅ​កាលពី​ថ្ងៃទី​២៣ ខែ​កក្កដា​ ឆ្នាំ​២០២៣​ ដោយមិន​មាន​វត្តមាន​របស់​គណបក្ស​ប្រឆាំង​ដ៏​ចម្បង​ ក្រុម​សមាជិក​សភាអាស៊ាន​សម្រាប់​សិទ្ធិ​មនុស្ស និង​មជ្ឈដ្ឋានអន្តរជាតិ​ និងក្នុង​តំបន់បាន​រិះ​គន់​ការ​បោះឆ្នោត​នៅ​កម្ពុជា ថា​ ជាការ​បោះឆ្នោត​ដែលមិន​មាន​ភាព​សេរី និង​យុត្តិធម៌។ លោក ​សុខ ខេមរា នៃ​វីអូអេ ពី​រដ្ឋធានី​ វ៉ាស៊ីនតោន ​និង ​អ្នកនាង ​កាន់ វិច្ឆិកា​ នៃ​វីអូអេ​ពី​រាជធានី​ភ្នំពេញ ​ជូន​កិច្ច​សន្ទនា​អំពី​រឿង​នេះ៕

ការបោះឆ្នោត​នៅ​ក្នុង​ប្រទេស​កម្ពុជា​ បាន​បញ្ចប់​ដោយ​មាន​ការ​ប្រកាស​ឲ្យ​ដឹង​ពី​លទ្ធផល​បឋម​ក្រៅ​ផ្លូវការ​ដំបូងៗ​ថា ​គណបក្ស​ប្រជាជន​កម្ពុជា​របស់​លោក​នាយករដ្ឋមន្ត្រី ​ហ៊ុន​ សែន បាន​ឈ្នះ​ដោយ​សំឡេង​គាំទ្រ​ច្រើន​លើសលុប។ លោក ​សុខ ខេមរា​ នៃ ​វីអូអេ​ ពី​រដ្ឋធានី​វ៉ាស៊ីនតោន​ និង​ លោក ស៊ុន ណារិន​ ពី​រាជធានី​ភ្នំពេញ​ ជូន​កិច្ច​សន្ទនា​អំពី​រឿងនេះ​ដូច​តទៅ៖

នៅ​ថ្ងៃ​ទី២៣​ ខែកក្កដា​ ឆ្នាំ​២០២៣​នេះ កម្ពុជា​បាន​រៀបចំ​ការបោះឆ្នោត​ជ្រើស​តាំង​តំណាងរាស្រ្ត​អាណត្តិ​ទី៧​ ដោយ​មិន​មាន​គណបក្ស​ប្រឆាំង​ដ៏​សំខាន់​ចូលរួម។ អ្នកនាង​ កាន់ វិច្ឆិកា ​នៃ​វីអូអេ​បាន​ទៅ​យក​ព័ត៌មាន​នៅ​ការិយាល័យ​បោះឆ្នោត​ដែល​លោក ​ហ៊ុន ម៉ាណែត ​បេក្ខភាព​អនាគត​នាយករដ្ឋមន្រ្តី​បាន​ទៅ​បោះ​នៅ​ព្រឹក​ថ្ងៃអាទិត្យ​នេះ ​ក្នុង​សង្កាត់​បឹងកក់១ ​ខណ្ឌ​ទួលគោក។ សូម​ស្តាប់​កិច្ច​សន្ទនា​រវាង ​លោក សុខ ខេមរា​ នៃ​ វីអូអេ  ជាមួយ​អ្នកនាង ​កាន់ វិច្ឆិកា​ ពី​រាជធានី​ភ្នំពេញ​ដូចតទៅ៕

លទ្ធផល​នៃ​ការ​បោះឆ្នោត​ក្រៅ​ផ្លូវការ​បឋមៗ​ត្រូវ​គណបក្ស​កាន់​អំណាច​ប្រកាស​ឲ្យ​ដឹង​ថា​ឈ្នះ​នាំមុខ​ដាច់​គណបក្ស​ចំនួន​១៧ទៀត​ ក្នុង​ការ​បោះឆ្នោត​កាលពី​ថ្ងៃទី​២៣​ ខែក្កដា​ ឆ្នាំ​២០២៣ ដែល​គ្មាន​គណបក្ស​ជំទាស់​ចម្បង​ចូលរួម។ លោក​ ស៊ុន ណារិន ​អ្នកយកព័ត៌មាន​វីអូអេ បាន​ចុះ​យក​ព័ត៌មាន​នៅ​ការិយាល័យ​បោះឆ្នោត​មួយ​ចំនួន​ក្នុង​រាជធានី​ភ្នំពេញ ​ជូន​កិច្ច​សន្ទនា ​ជាមួយ​លោក ​សុខ ខេមរា ​នៃ​វីអូអេ ​ក្នុង​រដ្ឋធានី​វ៉ាស៊ីនតោន៕

ភ្លាមៗ​ក្រោយ​ការ​បោះឆ្នោត​ដែល​បង្ហាញ​លទ្ធផល​បឋមៗ​ក្រៅផ្លូវការ​ថា​ គណបក្ស​គ្រប់គ្រង​ប្រទេស​របស់​លោក​នាយក​រដ្ឋមន្ត្រី​ ហ៊ុន សែន​ ឈ្នះ​សំឡេង​លើស​លុប​ មេដឹកនាំ​ក្រុម​ជំទាស់​ដែល​កំពុង​និរទេស​ខ្លួន​នៅ​ក្រៅ​ប្រទេស​គឺ​លោក​ សម រង្ស៉ី ​បាន​អះអាង​ថា លទ្ធផល​នៃ​ការ​បោះឆ្នោត​ ដែល​គ្មាន​គណបក្ស​ជំទាស់​ដ៏​សំខាន់​ចូលរួម​នោះ​ នឹង​គ្មាន​ការ​ទទួល​ស្គាល់​ពី​សហគមន៍​អន្តរជាតិ​ទេ ហើយ​លោក​បន្ត​ថា​ ផែនការ​ផ្ទេរ​អំណាច​របស់​លោក ​ហ៊ុន សែន ដល់​លោក ហ៊ុន ម៉ាណែត​ ជា​កូន​ច្បង​ក៏​មិន​អាច​ទៅ​រួចដែរ។ លោក​ សម រង្ស៉ី បាន​ផ្តល់​កិច្ចសម្ភាសន៍​ផ្តាច់មុខ​ តាម​ទូរស័ព្ទ​ជាមួយ​លោក ​សុខ ខេមរា ​នៃ ​វីអូអេ​ ក្នុង​រដ្ឋធានី​វ៉ាស៊ីនតោន​កាល​ពី​ថ្ងៃអាទិត្យ។ សូម​ស្តាប់​កិច្ចសម្ភាសន៍​នេះ​ដូច​តទៅ៖

នៅខែ​កក្កដា​ ឆ្នាំ​២០២៣​ អ្នកយក​ព័ត៌មាន​ឱ្យ​សំឡេង​សហរដ្ឋអាមេរិក​ (វីអូអេ) បាន​ជួប ធ្វើ​បទសម្ភាសន៍​ជាមួយ​អ្នកនាំពាក្យ​គណបក្ស​ភ្លើង​ទៀន ​លោក​ គីមសួរ ភិរិទ្ធ​ អំពី​អវត្តមាន​គណបក្ស​ជំទាស់​នៅ​ក្នុង​ការ​បោះឆ្នោត​ជាតិ​ថ្ងៃទី​២៣ ខែកក្កដា​ ឆ្នាំ​២០២៣។ ក្នុង​បទសម្ភាសន៍​ ធ្វើ​ឡើង​នៅ​ទីស្នាក់​ការ​កណ្តាល​នៃ​គណបក្ស​ភ្លើងទៀន ក្នុង​ទីក្រុង​ភ្នំពេញ​ លោក​ គីម សួរភិរិទ្ធ​ អះអាង​ថា​ ការបោះឆ្នោត​លើក​នេះ​បង្ហាញ​ឱ្យ​ឃើញ​ទិដ្ឋភាព​អវិជ្ជមាន​នៃ​ការ​ប្រកួតប្រជែង​ខាងនយោបាយ​នៅ​កម្ពុជា ដោយ​សារ​គ្មាន​ការ​ចូលរួម​ពី​សំឡេង​អ្នក​នយោបាយ​ប្រឆាំង។ សូម​លោក​អ្នក​ស្តាប់​បទ​សម្ភាសន៍​នេះទាំងស្រុង​រវាង ​លោក ហ៊ុល រស្មី​ អ្នក​យក​ព័ត៌មាន​ឱ្យ​វីអូអេ​ពី​រាជធានី​ភ្នំពេញ និង​អ្នកនាំពាក្យ​គណបក្ស​ជំទាស់ ​លោក ​គីម សួរភិរិទ្ធ ដូច​តទៅ៖

យុវជន​អត់​ការ​ងារ​ធ្វើ ការជំពាក់​បំណុល​របស់​ប្រជា​ពល​រដ្ឋ ​សេដ្ឋ​កិច្ច​ក្នុង​គ្រួសារ​ ​យុត្តិ​ធម៌​នៅ​ក្នុង​សង្គម​ គឺ​ជា​ការ​ប្តេជ្ញា​ចិត្ត​របស់​គណ​បក្ស​ហ៊្វុន​ស៊ិន​ប៉ិច​នៅ​ក្នុង​គោល​នយោបាយ​សម្រាប់​ការ​បោះ​ឆ្នោត​ជ្រើស​តាំង​តំណាង​រាស្រ្ត​អាណត្តិ​ទី​៧​ នេះ​។ អ្នក​ស្រី ​ធីតា​ វីន ​បាន​ជួប​សម្ភាសន៍​ផ្ទាល់​ជា​មួយ​ លោក ​ញឿន ​ រ៉ា​ដែន ​អ្នក​នាំ​ពាក្ស​គណ​បក្សហ៊្វុន​ស៊ិន​ប៉ិច​ ជុំ​វិញ​ដំណើរ​ការ​បោះ​ឆ្នោត​ជ្រើស​តាំង​តំណាង​រាស្រ្ត​អាណត្តិ​ទី៧​ នៅ​ក្នុង​អំឡុង​ពេល​យុទ្ធ​នា​ការ​ឃោសនា​បោះ​ឆ្នោត​។ លោក​ ញឿន ​រ៉ា​ដែន ​បាន​និយាយ​ថា​ ភាព​ចាស់​ទុំ​ផ្នែក​នយោ​បាយ​របស់​គណ​បក្ស​ដែលចូល​រួម​ការ​បោះ​ឆ្នោត​លើក​នេះ ​បាន​ធ្វើ​ឱ្យ​យុទ្ធនា​ការ​ឃោសនា​បោះ​ឆ្នោត​ប្រព្រឹត្ត​ទៅ​ដោយ​រលូន៕

ទោះ​បី​ជា​សមាជិក​សំខាន់​ៗ​មួយ​ចំនួន​នៃ​គណ​បក្ស​ប្រជាធិបតេយ្យ​មូល​ដ្ឋាន​បាន​ទៅ​ចូល​រួម​ជាមួយ​គណ​បក្ស​កាន់​អំណាច​ក៏​ដោយ ​ក៏​ប្រធាន​គណបក្ស​មួយ​នេះ​នៅ​តែ​មាន​ជំនឿ​ថា​ នឹង​អាច​ទទួល​បាន​អាសនៈ​ខ្លះ​នៅ​ក្នុង​រដ្ឋ​សភា​ នា​ការ​បោះ​ឆ្នោត​ជ្រើស​តាំង​តំណាង​រាស្រ្ត​អាណត្តិ​នេះ។ អ្នក​ស្រី ធីតា​ វីន ​បាន​ជួបសម្ភាសន៍​ផ្ទាល់​ជាមួយ​លោក ​លោក​ យ៉េង​ វីរៈ ​ប្រធាន​គណ​បក្ស​ប្រជាធិប​តេយ្យ​មូល​ដ្ឋាន ​ស្តី​អំពី​ជុំ​វិញ​ដំណើរ​ការ​បោះ​ឆ្នោត​ជ្រើស​តាំង​តំណាង​រាស្រ្ត​អាណត្តិ​ទី​ ៧​ នៅ​ក្នុង​អំឡុង​យុទ្ធនា​ការ​ឃោសនា​បោះ​ឆ្នោត។ លោក ​យ៉េង វីរៈ ​បាន​មាន​ប្រសាសន៍​ថា៖ «​សូម​ប្រជា​ពលរដ្ឋ​ប្រើ​សន្លឹក​ឆ្នោត​របស់​ខ្លួន​ឱ្យ​មាន​តម្លៃ​ ដើម្បី​កុំ​ឱ្យ​រដ្ឋាភិបាល​អាណត្តិ​នេះ​ដឹក​នាំ​ដោយ​ឯកបក្ស»៕

នៅ​ក្នុង​ការ​បោះ​ឆ្នោត​ជ្រើស​តាំង​តំណាង​រាស្រ្ត​អាណត្តិ​ទី​៧​នេះ​ គណ​បក្ស​កម្ពុជា​ និយម​បាន​ចូល​រួម​ជីវ​ភាព​នយោបាយ​ជា​មួយ​គណ​បក្ស​ខ្មែរ​រួប​រួម​ជាតិ​ ដើម្បី​ពង្រឹង​សន្ទុះ​កម្លាំង​អ្នក​គាំ​ទ្រ​។ អ្នក​ស្រី ​ធីតា​ វីន ​បាន​ជួប​សម្ភាសន៍​ផ្ទាល់​ជា​មួយ​លោក ​ញឹក ​ប៊ុន​ឆៃ​ ប្រធាន​គណ​បក្ស​ខ្មែរ​រួប​រួម​ជាតិ ​និង​លោក​ យ៉ែម​ បុញ្ញ​ឬទ្ធិ ​អនុ​ប្រធាន​គណ​បក្ស​ខ្មែរ​រួប​រួម​ជាតិ ​ស្តី​អំពី​ជុំ​វិញ​ដំណើរ​ការ​បោះ​ឆ្នោត​ជ្រើស​តាំង​តំណាង​រាស្រ្ត​អាណត្តិ​ទី​៧ ​នៅ​ក្នុង​អំឡុង​យុទ្ធនា​ការ​ឃោសនា​បោះ​ឆ្នោត​។ លោក ​ញឹក ​ប៊ុន​ឆៃ ​និង​លោក​ យ៉ែម​ បុញ្ញ​ឬទ្ធិ ​បាន​បង្ហាញ​ក្តី​សង្ឃឹម​ថា​ គណ​បក្ស​ខ្មែរ​រួប​រួម​ជាតិ​ នឹង​ទទួល​បាន​អាសន:​ក្នុង​សភា ​នៅ​ក្នុង​ការ​បោះ​ឆ្នោត​លើក​នេះ ​ដោយ​សារ​សន្ទុះ​អ្នក​គាំ​ទ្រ​មាន​ការ​កើន​ឡើង​ បន្ទាប់​ពី​មាន​ការ​រួប​រួម​គ្នា​ជា​មួយ​គណ​បក្ស​កម្ពុជា​និយម​ ។ សូម​អញ្ជើញ​អស់​លោក​អ្នក​ស្តាប់​កិច្ច​សន្ទនា​នេះ ​ដូច​ត​ទៅ​៖

នៅ​ក្នុង​បទសម្ភាសន៍​មួយ​ជាមួយ​សំឡេង​សហរដ្ឋ​អាមេរិក​ (វីអូអេ)ដែលធ្វើឡើង​កាល​ពី​ថ្ងៃ​ទី​៦​ ខែកក្កដា​ ឆ្នាំ​២០២៣​ នៅ​ទីស្នាក់ការ​កណ្តាល​គណបក្ស​ប្រជាជន​កម្ពុជា​នាទី​ក្រុងភ្នំពេញ​ អ្នកនាំពាក្យ​គណបក្ស​កាន់​អំណាច​លោក​ សុខ ឥសាន បាន​ថ្លែង​អំពី​ភាព​ត្រឹមត្រូវ​ ពាក់​ព័ន្ធ​នឹង​ដំណើរការ​រៀបចំ​ការបោះឆ្នោត​នៅ​កម្ពុជា​ និង​បញ្ហា​មួយចំនួន​ទៀត​ ទាក់​ទិន​នឹង​អវត្តមាន​គណបក្ស​ភ្លើងទៀន​ នៅ​ក្នុង​ការ​បោះឆ្នោត​ជាតិ​ ដែល​កំពុង​តែ​ខិតជិត​ចូល​មក​ដល់។ ​សូម​លោក​អ្នក​ស្តាប់​បទ​សម្ភាសន៍​នេះទាំងស្រុង​រវាង​លោក ហ៊ុល រស្មី​ អ្នក​យក​ព័ត៌មាន​ឱ្យ​វីអូអេ​ពី​រាជធានី​ភ្នំពេញ និង​អ្នកនាំពាក្យ​គណបក្ស​ប្រជាជន​កម្ពុជា​លោក ​សុខ ឥសាន​ ដូច​តទៅ​៖

មហោស្រព​ភាព​យន្ត​អន្តរជាតិ​កម្ពុជា​លើកទី​ ១២​ នឹង​ប្រារព្ធ​ធ្វើ​ឡើង​នៅ​រាជធានី​ភ្នំពេញ ចាប់​ពី​ថ្ងៃ​ទី ៣០ ខែឧសភា ដល់​ថ្ងៃទី៤ ខែ​មិថុនា ឆ្នាំ​២០២៣។ មហោស្រពនេះនឹងដាក់បញ្ចាំង​ខ្សែភាព​យន្ត​ជាតិ និង​អន្តរជាតិមក​ពី​ជុំវិញ​ពិភព​លោក​ចំនួន ១៨៨ ជូន​សាធារណជន​ទស្សនា​ដោយ​ឥតគិតថ្លៃ។ ភាពយន្ត​ខ្នាតខ្លី ខ្នាតវែង ភាពយន្តឯកសារ និង​គំនូរជីវចល​ទាំងនោះ នឹង​ត្រូវ​ដាក់​បញ្ចាំង​នៅ​ទីតាំង​ធំៗ​ក្នុង​រាជធានីភ្នំពេញ។ អ្នក​នាង កាន់ វិច្ឆិកា​ នៃវីអូអេ បាន​សម្ភាសន៍​លោក ជា សុភាព នាយក​មជ្ឈមណ្ឌល​បុប្ផាណា និង​ជាអ្នក​សហការ​រៀបចំ​មហោ​ស្រពភាពយន្តអន្តរជាតិ​កម្ពុជាលើកទី១២ ​អំពី​ព័ត៌មាន​លម្អិត​នៃ​ការរៀបចំមហោស្រពនេះ​ឡើង៕

ព្រឹត្តិ​ការណ៍​ស៊ី​ហ្គេម​លើក​ទី​ ៣២ ​ដែល​ប្រទេស​កម្ពុជា​ធ្វើ​ជា​ម្ចាស់​ផ្ទះ​ជា​លើក​ដំបូង​ក្នុង​រយៈពេល ៦៤ ឆ្នាំ បាន​បញ្ចប់​ទៅ​កាល​ពី​ពាក់កណ្តាល​ខែ​ឧសភា។ កម្ពុជា​បាន​ធ្វើ​ឱ្យ​បណ្តា​ប្រទេស​ផ្សេងៗ​នៅ​លើ​ពិភព​លោក​កាន់​តែ​ចាប់​អារម្មណ៍​មក​លើ​ប្រទេស​កម្ពុជា​ថែម​មួយ​កម្រិត​ទៀត​ ដោយ​កម្ពុជា​បាន​ឈរ​ក្នុង​លំដាប់​ទី​ ៤ ដែល​បាន​ដណ្តើម​បាន​មេដាយ​មាស​ចំនួន​ ៨១​ និង​លំដាប់​ទី​ ៣​ ដែល​បាន​ដណ្តើម​មេដាយ​ច្រើន​គឺ​ចំនួន ២៨២។ លើស​ពី​នេះ កីឡា​ការិនី​ បូ ​សំណាង​ ដែល​បាន​ចូល​រួម​ប្រកួត​កីឡា​រត់​ប្រណាំង​ចម្ងាយ​ ៥០០០ ​ម៉ែត្រ​ក្នុង​ព្រឹត្តិ​ការណ៍​នោះ​ ​ត្រូវបានពិភព​លោក​ស្ញប់​ស្ញែង​ចំពោះ​ភាព​តស៊ូ​អត់​ធ្មត់​ មិន​ព្រម​បោះ​បង់​ការ​ប្រកួត​របស់​កីឡា​ការនី​រូប​នេះ​ ទោះ​មិន​បាន​ទទួល​ជោគ​ជ័យ ខណៈ​ពេល​នាង​ជា​កីឡាការិនី​ចុង​ក្រោយ​គេ ដែល​បាន​ចំណាយ​ពេល​យូរ​ជាង​គេ​ដើម្បី​រត់​គ្រប់​ជុំ ក្រោម​ភ្លៀង​ធ្លាក់​ដ៏​ជោគជាំ។ នៅ​ក្នុង​បទសម្ភាសន៍​ជាមួយ​អ្នក​ស្រី ​ធីតា​ វីន ​នៃ​វីអូអេ កីឡាការិនី​វ័យ​ ២០ ឆ្នាំ​រូប​នេះ​ បូ ​សំណាង ​បាន​ចាត់​ទុក​ការ​មិន​ទទួល​បាន​ជោគជ័យ​ពេល​នេះ ជា​មេរៀន​ជំរុញ​ឱ្យ​មាន​ការ​ប្តេជ្ញា​ចិត្ត​ហ្វឹក​ហាត់​ឱ្យ​កាន់​តែ​ខ្លាំង​ឡើង​ សម្រាប់​ដណ្តើម​បាន​ជោគ​ជ័យ​នៅ​ក្នុង​ការ​ប្រកួត​នា​ពេល​អនាគត៕

កាល​ពី​សប្តាហ៍​មុន លោក ថេង សាវឿន ប្រធាន​សមាគមសម្ព័ន្ធសហគមន៍​កសិករកម្ពុជា​(CCFC) និង​សហការី​របស់​លោក​២នាក់ គឺលោក ថាន់ ហាច មន្ត្រីសម្រប​សម្រួល​សហគមន៍ និង​លោក ញិល ភាព មន្ត្រីជាន់ខ្ពស់នៃសមាគម ត្រូវ​បាន​សមត្ថកិច្ចខេត្ត​ក្រចេះឃាត់ខ្លួន។ ពួកគេ​ត្រូវបាន​ចោទ​ប្រកាន់​ពី​បទ​«រួម​គំនិត​ក្បត់» និង​ញុះញង់។ ក្នុង​បទ​សម្ភាសន៍​មួយ​ជាមួយ​លោក​ហាន ណូយ​ នៃវីអូអេ អ្នកស្រី ម៉ែន រ៉ន អាយុ​៤៨ឆ្នាំ ភរិយា​របស់​លោក ញិល ភាព បានការពារភាពត្រឹមត្រូវរបស់ស្វាមី ដោយ​លើក​ឡើង​ពី​ភាពអយុត្តិ​ធម៌​ចំពោះ​រឿងក្តីមួយនេះ​។

កាលពី​សប្តាហ៍​មុន លោក ថេង សាវឿន ប្រធាន​សមាគម​សម្ព័ន្ធ​សហគមន៍​កសិករ​កម្ពុជា (CCFC) និង​សហការី​របស់​លោក​២នាក់ គឺ​លោក ថាន់ ហាច មន្ត្រី​សម្រប​សម្រួល​សហគមន៍ និង​លោក ញិល ភាព មន្ត្រី​ជាន់ខ្ពស់​នៃ​សមាគម ត្រូវបាន​សមត្ថកិច្ច​ខេត្ត​ក្រចេះ​ឃាត់ខ្លួន។ ពួកគេ​ត្រូវបាន​ចោទ​ប្រកាន់​ពី​បទ​«រួម​គំនិត​ក្បត់» និង​ញុះញង់។ ក្នុង​បទសម្ភាសន៍​មួយ​ជាមួយ​លោក ហាន ណូយ នៅ​ខេត្ត​រតនគិរី អ្នកស្រី ញូង សុខហៀង អាយុ​៣៣​ឆ្នាំ ភរិយា​របស់​លោក ថេង សាវឿន បាន​ទទូច​ឱ្យ​ដោះលែង​ស្វាមី​របស់​អ្នកស្រី​ដែល​ធ្វើការ​ដើម្បី​ប្រយោជន៍​សង្គម​និង​កសិករ៕

កាលពី​សប្តាហ៍​មុន លោក ថេង សាវឿន ប្រធាន​សមាគម​សម្ព័ន្ធ​សហគមន៍​កសិករ​កម្ពុជា (CCFC) និង​សហការី​របស់​លោក​២នាក់ គឺ​លោក ថាន់ ហាច មន្ត្រី​សម្រប​សម្រួល​សហគមន៍ និង​លោក ញិល ភាព មន្ត្រី​ជាន់ខ្ពស់​នៃ​សមាគម​ត្រូវ​បាន​សមត្ថកិច្ច​ខេត្ត​ក្រចេះ​ឃាត់ខ្លួន។ ពួកគេ​ត្រូវបាន​ចោទ​ប្រកាន់​ពី​បទ​«រួម​គំនិត​ក្បត់» និង​ញុះញង់។ ក្នុង​បទសម្ភាសន៍​មួយ​ជាមួយ​លោក ហាន ណូយ នៅខេត្តរតនគិរី​ អ្នកស្រី មី លុន អាយុ​៥២​ឆ្នាំ ដែល​ត្រូវ​ជា​ម្តាយ​របស់​លោក ថាន់ ហាច បាន​ទទូច​យ៉ាង​ក្តុកក្តួល​ឱ្យ​ដោះលែង​កូន​ប្រុស​របស់​អ្នកស្រី​ដែល​កំពុង​មាន​ជំងឺ​ប្រចាំកាយ៕

តំណាង​ព្រះសង្ឃ​ខ្មែរ​លើក​ដំបូង​ដែល​ដឹកនាំ​ដោយ​ព្រះតេជព្រះគុណ​ ឥទ្ធិមុនី ​ម៉ឹង សាង ​ព្រះ​គ្រូចៅ​អធិការ​វត្ត​មុនីសុតារាម​ និងជា​ព្រះប្រធាន​ពុទ្ធិកសមាគម​ព្រះសង្ឃ​ខ្មែរ​សហរដ្ឋ​អាមេរិក ត្រូវបាន​និមន្ត​ឲ្យ​ចូលរួម​ក្នុង​ពិធីបុណ្យ​ព្រះពុទ្ធ​សាសនា​ដ៏សំខាន់មួយ​ គឺពិធី​បុណ្យ​វិសាខបូជា​ នៅសេតវិមាន​ ក្នុង​រដ្ឋធានី​វ៉ាស៊ីនតោន ជាមួយនឹង​ព្រះសង្ឃ​មកពី​ប្រទេស​នានា​ដែរ។ លោក សុខ ខេមរា​ នៃ វីអូអេ​ បានសម្ភាសន៍​ជាមួយ​នឹង​ព្រះតេជព្រះគុណ​ ម៉ឹង សាង និង​ព្រះតេជព្រះគុណ​ សែម ចន្ទធីរ៍ ​អគ្គលេខាធិការ​ពុទ្ធិក​សមាគម​ព្រះសង្ឃខ្មែរ ​សហរដ្ឋ​អាមេរិក អំពី​កម្មវិធី​បុណ្យ​ក្នុង​សេតវិមាន៕