galego

David Lombao, nado en Lugo a mediados dos oitenta, estudou xornalismo na USC, traballou en Xornal de Galicia e actualmente é director de Praza Pública e colaborou con outros medios como Nós TV, a Revista Luzes ou a CRTVG. Playlist 1. Angel Stanish – Señor tosco 2. Novedades Carmiña – A santiago voy 3. Xoel López – A serea e o Mariñeiro 4. Fuxan os ventos – O carro 5. Caxade – E isto é o amor 6. Franco Battiato – L’Era del Cinghiale Bianco

O universo conspira para que Burán regrese unha temporada máis. O transbordador consegue unha nova conexión co planeta terra para falar de teorías máis ou menos conspiranoicas, contubernios xudeo-masónicos, illuminatis desbocados, simboloxías crípticas na música pop e outras herbas estrañas. Cunha banda sonora que vai choutando por Offspring, Katy Perry, Bad Religion, Madonna e o combo mortal de Arrhythmia con Rebeliom do Inframundo.

Hoxe sométese ao Sexto Grao Fernando Fernández Rego, actualmente o maior cronista de música feita en Galicia. Publicou numerosos libros, colaborou con Rock Deluxe e outras publicacións expecializadas pero é coñecido sobre todo polos artigos musicais para La Fonoteca, e agora como autor de "Unha historia de música en Galicia 1952-2018", un libro imprescindible para comprender a música popular contemporánea feita en Galicia. Nado en Ferrol. Playlist 1. Andrés do Barro – Namoreime no Ferrol 2. Los Tamara – A Santiago voy 3. Los Cafres – Soy una alimaña 4. Espejos y diamantes – Dias de lluvia, tecnolopo y morrisey 5. Baiuca - Morriña 6. Malandrómeda – Festa malandrómica

Hoxe sométese ao sexto Grao, Sergio Salgado. Consultor de comunicación e asesor político para varias organizacións. Implicado en varios proxectos de activismo e membro de Xnet, plataforma que traballa en campos relacionados cos dereitos dixitais, a democracia en rede, a loita contra a corrupción e a defensa da internet e o seu uso para a autoorganización e a transformación social. É coautor xunto, con Simona Levi, da obra de teatro «Faiche Banqueiro» e do Libro «Votar e cobrar» baseadas na experiencia co proxecto 15 MpaRato 1ª Acusación cidadá que impulsou o Caso Bankia na Audiencia Nacional e destapou o caso das Tarxetas Black. 1. The Fence - Tim Minchin 2. Freedom - Django Unchained 3. In Ale Gasn - Revolutionary Yiddish Anthem 4. Avalon - The Jazz Age - The Bryan Ferry Orchestra 5. Blondie - Dreaming 6. Khalid - Young Dumb & Broke

Compartindo piso. A historia da humanidade é a historia dos compañeiros de piso, unha saga que comeza cando Trog e Urg decidiron que sería boa idea partillar aquela caverna tan mona xuntos e das atrocidades que pasaron despois. Neste episodio contamos con Miguel Baamonde, un autoestopista galáctico famoso por compartir vivenda por todo o planeta e escoitamos grandes grupos que trataron o tema da partilla como Los Hermanos, Beach Boys e outros que coñecedes pola tele. Podes escoitar este e outros programas na web www.radiocampusculturae.org

"Maldita memoria" cóntannos que berran os políticos na Terra antes de cada cita electoral. Neste Burán afondamos no funcionamento deses mecanismos do recordo: a amnesia, hipermnesia e outros síntomas, e tamén repasamos algúns dos filmes que centraron nela a súa trama. Escoitando Baiuca, Yo La Tengo, Fino Coletivo e Gran Purismo entre outras músicas inesquecíbeis.

Neste Burán falamos de micronacións, reais ou inventadas, lugares minúsculos e imposibles neste planeta ou en órbita. Con música de Fermín Muguruza, Ataque Escampe e Muse, ademáis dalgún himno máis grande que o país ao que pertence.

Un novo espazo de Burán Podes escoitar este e outros programas en www.radiocampusculturae.org

O amor é un cego guiado por un tolo. O transbordador Burán, porén, está guiado moitas veces por Jonathan Barral, que desde terra nos axuda a orientarnos e polo espacio e polas ondas. Neste programa acompáñanos falando da cegueira e das persoas cegas, na vida e na literatura ou o cinema. Escoitaremos cantares de cego, Hercules & Love Affair ou a Tiago Nacarato.

Pepe Cunha leva máis de vinte anos abríndolle as orellas a Galicia, a emoción que xera a música e o descubrimento de novos grupos fíxolle crear unha web, con crítica de concertos e discos, un programa de radio e participar na emisora de ferrolterra Radio Filispim. Hoxe falaremos e sobre todo abriremos as orellas. Playlist 1. Sokram "Mutant Roll" 2. Chrissie Hynde "I Shall Be Released" 3. Narf "Bos amores" 4. Sumrrá "Rosalía de Castro" 5. Guadi Galego "Fronteiras" 6. Carmen París "Jotera lo serás tú"

vixésimo séptimo programa dos cosmonautas do transbordador Buran

Hoxe continuamos coa segunda parte do "Sexto Grao", coa entrevista a unha persoa que non precisa de presentación, Xosé Manuel Beirras Torrado. Playlist:  1. Mercedes Sosa - Alfonsina y el mar. 2. Miro Casabella: o meu país [De voces Ceibes a Milladoiro] 3. Luis Cília - "Meu país" 4. Lluis Llach: Nubol blanc 5. Luis Cília - "Asomar meu país"

En 1988, a Unión Sobiética lanza o espazo o primeiro transbordador Burán; Burán, que significa xistra, estaba chamado a ser unha das pezas máis importantes do programa espacial sobiético, pero a caída do muro de Berlín un ano despois, e a posterior disolución da URSS fan que o proxecto seña cancelado. Teóricamente, os transbordadores quedan avandonados sen celeiros polo territorio da nova república Rusa, pouca xente sabe que un deles, lanzado en colaboración coa Axencia Espacial Galega, ficou avandonado bagando polo cosmos, no seu interior catro cosmonautas que tras ver como desaparece o país que os mandou, seguen agardando que naza aquel que os ten que rescatar, no tempo longo, falan entre si.

Hoxe sométese ao sexto grao unha persoa que non precisa de presentación, Xosé Manuel Beirras Torrado.

Hoxe en Buran poñémonos un pouco máis serios do habitual para falar sobre o suicidio, perspectivas, medidas e filosóficas, pero tamén literarias e musicais...

Existen os superheroes? Neste episodio achegámonos a figuras con biografías incríbeis ou altamente improbábeis. Estrelas do rock e da astrofísica, aviadores que pilotaron a sorte, señores que mapearon un país a cabalo e actrices que deseñaban o sen fíos mentres triunfaban en Hollywood. Escoitando heroes como Caxade, Eric Clapton, Blood Filloas ou Leonardo da Vinci.

Que posibilidades hai de que deas con este capítulo de Burán por casualidade? Pois moitas máis das que parece, neste programa falamos de sincronicidades e de como a nosa mente constrúe fermosos edificios baseados en feitos illados. Cunha volta do destino de Bob Dylan, The Police, Ana Moura ou Os amigos dos músicos.

As cousas non son o que parecen. Case nunca. Neste programa a tripulación analiza unha boa presada de cancións que falan en realidade de cousas inesperadas. Inocentes temas sobre paxariños que son un canto á revolta social, óperas para iniciar unha revolta contra as forzas de ocupación ou músicas indie con subtexto LGBTQ. Sen esquecer todo o que a galeguidade oculta tras a auga e os muíños.

O transbordador Buran recolle un novo autoestopista chamado Juan D. Díaz para repasar con el a historia da arquitectura desaparecida da capital galega. Rúas que se salgaban e tiñan que ser pechadas para sempre, furias demoledoras de alcaldes franquistas e outras formas de crear edificios fantasmas. Soando The Homens, Aló Django, Muse e Hanz Zimmer.

Ao longo da historia varios grupos humanos tiveron a xenial idea de mesturar os seus proxectos políticos con posturas místico-relixiosas, algunhas veces aderezados tamén con drogas e complexos mesiánicos. Neste episodio analizamos os exemplos máis disparatados, descacharrantes e algúns dos máis tráxicos, escoitando música de Galician Army, os Beatles ou os Beach Boys.