pethe

Yn y podlediad yma, Lisa Gwilym a Gwion Hallam sy'n edrych ymlaen at gyfres newydd o 'Pethe'

Gwion Hallam sy’n holi Eirian (Palas Print) James a Rhian George am y nofel Blasu gan Manon Steffan Ros, y nofel Ras Olaf Harri Selwyn gan Tony Bianchi a’r nofel Cig a Gwaed gan Dewi Prysor.

Meg Elis a Non Tudur sy’n trafod y llyfrau ar y rhestr ffeithiol hefo Gwion Hallam. Beth fydd eu barn am Cofnodion gan Meic Stephens, Yr Erlid gan Heini Gruffudd, a Tuchan o Flaen Duw gan Aled Jones Williams?

Lisa Gwilym sy’n holi Gwion Hallam am raglen arbennig o Pethe y mae’n ei chyfarwyddo – ‘Lleisiau Ysbyty Dinbych’. Sut y mae Manon Steffan Ros, Aled Jones Williams a’r comediwr Eilir Jones am roi llais i gleifion a choridorau gwag yr hen ysbyty meddwl?

Yn y podlediad yma, mae Gwion Hallam yn holi Lisa Gwilym a'r cyfarwyddwr Heledd Lewis am eu profiadau wrth ymweld ag arddangosfa Bedwyr Williams yn yr Eidal ar gyfer 'La Biennale di Venezia'.

Ar ddiwrnod cyhoeddi rhestr fer gwobr llyfr y flwyddyn 2013 fe aeth Gwion Hallam draw i siop Palas Print, Caernarfon i gael ymateb dau sydd â diddordeb mawr yn y dewis o naw llyfr. Ym mhodlediad Pethe yr wythnos yma cawn ymateb perchennog y siop Eirian James i ddewis y beirniaid eleni, yn ogystal ag ymateb cynhyrchydd rhaglen arbennig ar y wobr eleni, Emyr Gruffudd.

Yn y bennod hon, Lisa Gwilym sydd yn trafod gwaith David Bowie gyda'r gitarydd bas Rheinallt ap Gwynedd.