#158 Kee gudde Start
Déi éischt offiziell Wahlkampfwoch huet verschiddene Kandidate scho Steng an de Wee geluecht. Ausserdeem: Wat ass am lëtzebuergesche Prisongssystem lass? An en Ausbléck op eis Wahl-Episoden.
On this page
pierre jans
Explore "pierre jans" with insightful episodes like "#158 Kee gudde Start", "#157 Staffel 4, Episod 1", "#156 De Problem mat der Onscholdsvermuddung", "#155 It's raining männlech Duebelspëtzten" and "#154 Roy ist raus?" from podcasts like ""HAM, FRITTEN & ZALDOT", "HAM, FRITTEN & ZALDOT", "HAM, FRITTEN & ZALDOT", "HAM, FRITTEN & ZALDOT" and "HAM, FRITTEN & ZALDOT"" and more!
Episodes (100)
#157 Staffel 4, Episod 1
D'Vakanz ass eriwwer, d'Jongen si nees do. De Chamberwahlkampf huet offiziell ugefaangen an de Staatsrot gëtt nees hannerfrot. A wéi vill Wieler kruten d'Parteien a Brasilien mobiliséiert?
#156 De Problem mat der Onscholdsvermuddung
Zu Lëtzebuerg gëtt géint véier Polizisten ermëttelt. De Virworf: Policegewalt. Ee vun de Polizisten soll e bekannte Sportler sinn. Doru knäppt och eng aner Debatt un, nämlech wéi Medien mat esou engem Fall ëmginn. Ausserdeem: e Bléck op "d'Affär" em d'Tatta Tom an dem Roy Reding seng Revanche.
#155 It's raining männlech Duebelspëtzten
No de Kongresser vun CSV an DP ass kloer, mat wéi engem Spëtzepersonal déi grouss Parteien an d'Chamberwahle ginn. Aus onerklärleche Grënn geet den Trend zu männlechen Duebelspëtzten. Ausserdeem: E Bléck op dem Premier seng Speserechnungen an eng lëtzebuergesch Nowuess-Basketspillerin, déi fir Rekorder suergt.
#154 Roy ist raus?
De Roy Reding an d'ADR trennen sech. A wéi dat bei laange Relatiounen oft kënnt, ass de Schluss kee schéinen. Traut eng aner Partei sech erun? Ausserdeem: E kuerze Bléck op d'lëtzebuergesch Cannabis-Politik an e musikalesche Sprong an d'Vergaangenheet.
#153 Vu neien an aalen Leit un der Muecht
E neie Member fir d'Regierung: Muss dat véier Méint virun de Chamberwahlen nach sinn? Ausserdeem: E Bléck op d'Zukunft vun der Stad Lëtzebuerg. A Fudder fir d'Playlist gëtt et och nach.
#152 D'Kräizer si gemaach - an elo?
Part 1 vum Wahljoer 2023 ass an der Këscht. Wien huet op nationalem Plang bei de Gemengewahlen d'Nues fir? wien huet enttäuscht? Wat sinn déi grouss Geschichten aus dëser Wahlnuecht? 93 Gemenge, nach vill méi Mandater an eng Partei, déi sech ze wäit aus de Fënster geluecht huet.
#151 Drëps um waarme Steen?
Nach eng Woch Dëppefester an dann ass et gepackt. De Gemengewahlkampf geet an déi final Phase a ganz éierlech: Et gëtt héich Zäit. Mir schwätzen iwwert e puer Gemenge, an deenen eis den Ausgang vun de Wahle besonnesch interesséiert. Ausserdeem: De Staat keeft Wunnengen. E Prezedenzfall oder just eng eemoleg Affär?
#150 Mam Bus op Ibiza
D'Luxair muss eng Réi Flich annuléieren - an direkt gi Stemmen haart, déi de Personalmangel bei der Airline kritiséieren. Ass eppes drun? Ausserdeem: d'Spiller vun de klenge Länner sinn amgaangen an d'Lëtzebuerger si nach ëmmer grouss Amateuren vun der Zigarett.
#149 Ciao Zweebrécken!
E klenge Suivi zur Affär Fayot, e stellvertriedende Bléck op eng Gemeng virun de Gemengewahlen an eng Gratulatioun an d'Futtballwelt – HAM, FRITTEN & ZALDOT, quick and dirty, well mir si nees ënnerwee.
#148 Lo gëtt et knaschteg
Tëscht der Inneministesch Taina Bofferding an der Stater Buergermeeschtesch Iron Lydie déit sech en Duell un. D'Heeschverbuet an der Stad Lëtzebuerg dierft wuel um Geriicht decidéiert ginn. Ausserdeem: Wat dierf eng Fläsch roude Wäin als Minister kaschten? De Franz Fayot ass no engem Mediebericht a Laberenten. Vill ze beschwätzen!
#147 D'Wäisheet vum Alter
An der Stad ginn d'Säbele gerëselt - an all Hisiicht. Mir schwätzen iwwer d'Sécherheetspolitik, déi am Superwaljoer en Dauerthema bléift. A mir kucken op den Europadag. Ausserdeem: en Bléck an d'Preparatioun vu groussen Interviews!
#146 Oops, I did it again..
Déi lëtzebuergesch Europadeputéiert Monica Semedo ass fir eng zweete Kéier innerhalb vun enger Legislaturperiod vum Europaparlament sanktionéiert ginn. Scho nees heescht d'Reproche: Harcèlement psychologique, oder och: Mobbing. Wat ass do scho nees lass? Ausserdeem: An der Affär em de Luxembourg Science Center deet sech eppes an déi rezentste Sonndesfro mécht der CSV e bësse Mutt.
#145 Op d'Lescht mat Iech!
Bei de Gemengewahlen gëtt et sou lues seriö. Mir schwätzen iwwert d'Proporzgemengen a wéi d'Parteien sech opstellen. Ausserdeem: E Bléck op d'Baukris zu Lëtzebuerg an e puer Recommandatiounen.
#144 Här Bettel, mir wëlle Suen
Huet sech de Wand um Immobiliëmarché zu Lëtzebuerg wierklech gedréit? D'Kafpräisser ginn erof, mee d'Loyer'en erop. Wat sinn d'Grënn? Ausserdeem: De Radio 100,7 kritt méi Suen. Wat heescht dat fir de Programm an d'Zukunft vum Radio?
#143 Iron Lydie strikes again
Am Wahljoer well d'Lydie Polfer gär déi beis Heescherten aus der Stad geheien. Ganz zur Freed vun hirer Stammwielerschaft, de Stater Geschäftsleit. Sozial Politik geet anescht. Ausserdeem: Zwee Traditiounsmedien feieren ronn Gebuertsdeeg an de lëtzebuergesche Bistro soll verschwannen, oh no!
#142 Ass d'Ländchen prett dofir?
D'Partei Fokus huet hire Wahlprogramm lancéiert - mat e puer duerchaus interessante Gedanken. Mir schwätzen iwwert hir Proposen an d'Anuerdnung vun der Partei an de letzebuergescher Parteielandschaft. Ausserdeem: D'Bankegewerkschaft Aleba huet Ambitiounen an d'Mediewelt setzt sech mam wichtegen Thema Aarmut zu Letzebuerg auseneen.
#141 Ground Control to Major Belval
Vu Lëtzebuerg bis an de Weltall a vun do bis un d'Front an der Ukrain: Wat huet et mat der chineesescher Firma Spacety Luxembourg op sech? Ausserdeem: de Stellungskrich an der Ukrain, de Verglach zu der europäescher Westfront am Éischte Weltkrich a wat d'Oscars 2023 domat ze dinn hunn.
#140 E Mëttelfanger fir d'Inflatioun?
Eng Episod, leider opgeholl virum neie berühmteste Mëttelfanger vum Land. Dofir mat dem Best-Of -Lëtzebuergesch Top-Begrëffer: Tripartite, Mëttelstandsbockel a Steierbarème. A Musek gëtt et och nach.
#139 Här Bausch, mat 273 Milliounen kann ee vill Wunnraum schafen
D'Kaz ass aus dem Sak: d'lëtzebuergesch Regierung keeft d'Hallschent vun HAM, FRITTEN & ZALDOT fir de Schnäppchepräis vun 273,5 Milliounen Euro. Ausserdeem: de Logementsminister Henri Kox invitéiert d'Bau-Branche an d'LSAP spillt a Saache Koalitioun 4D-Schach.