បទសម្ភាសន៍ - វីអូអេ

បទសម្ភាសន៍វីអូអេ (VOA Interview) នាំមកជូននូវគំនិតថ្មីក៏ដូចជាទស្សនវិស័យជាច្រើនរបស់វាគ្មិនមកពីគ្រប់វិស័យ និងគ្រប់ដំណើរជីវិត។

km50 Episodes

Episodes (50)

បទសម្ភាសន៍ VOA៖ ច្បាប់ស្តីពីសិទ្ធិទទួលព័ត៌មានមានសារៈសំខាន់សម្រាប់ពលរដ្ឋ និងវិស័យសារព័ត៌មាន - មិថុនា ២៣, ២០២២

នាយកផ្នែកប្រព័ន្ធផ្សព្វផ្សាយនៃមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ (CCIM) លោក អ៊ិត សូធឿត ថ្លែងថា ច្បាប់ស្តីពីសិទ្ធិទទួលព័ត៌មានមានសារៈសំខាន់សម្រាប់ប្រជាពលរដ្ឋជាពិសេសអ្នកសារព័ត៌មានក្នុងការទទួលបានព័ត៌មាន ដើម្បីធ្វើសេចក្តីរាយការណ៍បែបស៊ីជម្រៅស្តីពីដំណើរការអភិវឌ្ឍ និងអភិបាលកិច្ចនៅក្នុងសង្គម។ តទៅនេះសូមស្តាប់កិច្ចសម្ភាសន៍រវាងលោក ណឹម សុភ័ក្រ្តបញ្ញា ដែលរាយការណ៍ឲ្យវីអូអេពីរាជធានីភ្នំពេញ ជាមួយលោក អ៊ិត សូធឿត នាយកផ្នែកប្រព័ន្ធផ្សព្វផ្សាយនៃមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យដូចតទៅ៖

បទសម្ភាសន៍ - វីអូអេ

kmJune 23, 2022

បទសម្ភាសន៍ VOA៖ ទាំងGSP និងEBA «មានលក្ខណៈផុយស្រួយដូចគ្នា» សម្រាប់កម្ពុជា - មិថុនា ២៣, ២០២២

នៅឆ្នាំ២០២១ កម្ពុជាបាននាំទំនិញទៅកាន់ទីផ្សារអាមេរិកក្នុងតម្លៃសរុបប្រមាណ ៨,៧ពាន់លានដុល្លារ ហើយនៅត្រីមាសទី១នៃឆ្នាំ២០២២នេះ ការនាំចេញកើនប្រមាណ៥០ភាគរយ បើធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមស្ថិតិរបស់សហរដ្ឋអាមេរិក។ ទោះជាយ៉ាងណា សហរដ្ឋអាមេរិកដែលបានផ្តល់ឲ្យកម្ពុជានូវឋានៈអនុគ្រោះពន្ធ GSP (Generalized System of Preferences) នៅមិនទាន់អនុម័តថានឹងបន្តផ្តល់ការអនុគ្រោះពន្ធនេះតទៅទៀតឬយ៉ាងណាទេ ក្រោយវាផុតកំណត់កាលពីចុងឆ្នាំ២០២០។ លោក អាត់ ធន់ ប្រធានសហភាពការងារកម្ពុជា ប្រាប់វីអូអេថាទាំង GSP របស់សហរដ្ឋអាមេរិក ទាំងប្រព័ន្ធអនុគ្រោះពន្ធ«គ្រប់មុខទំនិញ លើកលែងសព្វាវុធ» របស់អឺរ៉ុប EBA (Everything But Arms) សុទ្ធតែ«មានលក្ខណៈផុយស្រួយដូចគ្នា» សម្រាប់កម្ពុជា ខណៈការបង្ក្រាបនយោបាយ នៅតែបន្តនៅកម្ពុជា។ សូមលោកអ្នកនាងស្តាប់បទសម្ភាសន៍របស់អ្នកនាង ខាន់ សុគុំមនោ ដែលរាយការណ៍ឲ្យវីអូអេ ជាមួយលោក អាត់ ធន់ ដូចតទៅ៖

បទសម្ភាសន៍ - វីអូអេ

kmJune 22, 2022

លោក ឆាង ផល្លា ៖ ភាពជោគជ័យបានកើតឡើងក្រោយពេលជម្នះគ្រប់ឧបសគ្គ - មិថុនា ២២, ២០២២

ឃុំផ្តៅជុំ ស្រុកជើងព្រៃ ខេត្តកំពង់ចាម មាន ៤ ភូមិ មានអាសនៈចំនួន ៩ ហើយមានគណបក្សនយោបាយចំនួន ៣ បានចូលរួមការប្រកួតប្រជែងការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី ៥ នេះ។ ជាលទ្ធផលបឋម គណបក្សភ្លើងទៀនទទួលជោគជ័យបាន ៥ អាសនៈ គណបក្សប្រជាជនកម្ពុជាទទួលបាន ៤ អាសនៈ។អ្នកស្រី ធីតា វីន បានសម្ភាសន៍លោក ឆាង ផល្លា អាយុ៦០ឆ្នាំ បេក្ខជនឃុំផ្តៅជុំ ស្រុកជើងព្រៃ ខេត្តកំពង់ចាម នៃគណបក្សភ្លើងទៀន ដែលទទួលបានជោគជ័យក្នុងតំណែងជាមេឃុំនៅក្នុងបោះឆ្នោតនេះ។ លោក ឆាង ផល្លា បានឱ្យដឹងថា ការបណ្តុះបណ្តាលធនធានមនុស្សនៅក្នុងឃុំឱ្យបានល្អ គឺជាការរួមចំណែកដ៏សំខាន់ក្នុងការអភិវឌ្ឍមូលដ្ឋាន៕

បទសម្ភាសន៍ - វីអូអេ

kmJune 22, 2022

មហោស្រពអក្សរសិល្ប៍ខ្មែរលើកទី៥ នឹងប្រារព្ធក្នុងខេត្តពោធិ៍សាត់ដោយកម្មវិធីប្លែកជាងលើកមុនៗ - មិថុនា ២០, ២០២២

មហោស្រពអក្សរសិល្ប៍ខ្មែរលើកទី ៥ នឹងប្រារព្ធធ្វើឡើងនៅថ្ងៃទី ២១-២២-២៣ ខែតុលា ឆ្នាំ២០២២ ខាងមុខ នៅក្នុងខេត្តពោធិ៍សាត់ ក្រោមប្រធានបទ «ការពាំនាំចម្លងបន្តវេនអក្សរសិល្ប៍»។ មហោស្រពដែលត្រូវបានបង្កើតឡើងដំបូងនៅឆ្នាំ ២០១៧ នេះ នឹងដាក់បង្ហាញជូនសាធារណជននូវស្នាដៃនិពន្ធរឿងព្រេង កំណាព្យ ក៏ដូចជាការនិពន្ធសាច់រឿងផ្សេងៗរបស់អ្នកនិពន្ធជាតិ ព្រមជាមួយនឹងសកម្មភាពពាក់ព័ន្ធនឹងការអាននានា ដែលខុសពីមហោស្រពលើកមុនៗ។ អ្នកនាង កាន់ វិច្ឆិកា នៃវីអូអេ បានសម្ភាសន៍អ្នកស្រី សូ ភីណា អ្នកនិពន្ធ និងជាប្រធានក្រុមប្រឹក្សាភិបាលមហោស្រពអក្សរសិល្ប៍ខ្មែរ អំពីព័ត៌មានលម្អិតនៃការរៀបចំមហោស្រពអក្សរសិល្ប៍ខ្មែរលើកទី ៥ នេះឡើង។ អ្នកស្រី សូ ភីណា បានឲ្យដឹងថា ការរៀបចំមហោស្រពបែបនេះ បានជួយជំរុញលើកទឹកចិត្តឲ្យអ្នកនិពន្ធនៅកម្ពុជា ចាប់ផ្តើមនិពន្ធនិងបោះពុម្ពសៀវភៅនិងស្នាដៃនិពន្ធបែបផ្សេងៗរបស់ខ្លួន៕

បទសម្ភាសន៍ - វីអូអេ

kmJune 20, 2022

ខ្សែភាពយន្ត ១៤៤ ជុំវិញពិភពលោក នឹងចាក់បញ្ចាំងក្នុងមហោស្រពភាពយន្តអន្តរជាតិកម្ពុជាលើកទី១១ - មិថុនា ២០, ២០២២

មហោស្រពភាពយន្តអន្តរជាតិកម្ពុជាលើកទី ១១ ឆ្នាំ ២០២២ នឹងប្រារព្ធធ្វើឡើងនៅរាជធានីភ្នំពេញ ចាប់ពីថ្ងៃទី ២៨ ខែមិថុនា ដល់ថ្ងៃទី ៣ ខែកក្កដា។ មហោស្រពនេះនឹងដាក់បញ្ចាំងខ្សែភាពយន្តជាតិ និងអន្តរជាតិមកពីជុំវិញពិភពលោកចំនួន ១៤៤ ជូនសាធារណជនទស្សនាដោយសេរីភាពយន្តខ្នាតខ្លី ភាពយន្តឯកសារ និងគំនូរជីវចលទាំង ១៤៤ នោះ នឹងត្រូវដាក់បញ្ចាំងនៅទីតាំងធំៗក្នុងរាជធានីភ្នំពេញ រួមមានវិទ្យាស្ថានបារាំង មជ្ឈមណ្ឌលបុប្ផាណា មហោស្រពចតុមុខ សណ្ឋាគារ Rosewood ភ្នំពេញ ហាង Java Creative Café មជ្ឈមណ្ឌលThe Factory Phnom Penh និង រោងភាពយន្ត Legend, Major Cineplex និង Prime Cineplex ។ អ្នកនាង កាន់ វិច្ឆិកា នៃវីអូអេ បានសម្ភាសន៍លោក ជា សុភាព នាយកមជ្ឈមណ្ឌលបុប្ផាណា និងជាអ្នកសហការរៀបចំមហោស្រពភាពយន្តអន្តរជាតិកម្ពុជាលើកទី១១ អំពីព័ត៌មានលម្អិតនៃការរៀបចំមហោស្រពនេះឡើង។ លោក ជា សុភាព បានឲ្យដឹងថា គោលបំណងសំខាន់ៗនៃមហោស្រពនេះ រួមមានការផ្សារភ្ជាប់ទំនាក់ទំនងរវាងសមិទ្ធករភាពយន្តជាតិជាមួយសមិទ្ធករភាពយន្តអន្តរជាតិ និងលើកកម្ពស់វិស័យភាពយន្តនៅកម្ពុជាជាដើម៕

បទសម្ភាសន៍ - វីអូអេ

kmJune 20, 2022

អ្នកស្រី ចៅ រតនៈ៖ ទោះមិនជោគជ័យក្លាយជាចៅសង្កាត់ ក៏នៅតែប្រឹងបម្រើសហគមន៍ឲ្យអស់ពីលទ្ធភាព - មិថុនា ១៨, ២០២២

សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ មានភូមិចំនួន ៦ ដែលស្ថិតនៅក្រោមការដឹកនាំរបស់ក្រុមប្រឹក្សាឃុំសង្កាត់ចំនួន ១១ អាសនៈ។ នៅក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី ៥ កន្លងទៅនេះ គណបក្សនយោបាយចំនួន ៥ បានចូលរួមប្រកួតប្រជែងយកតំណែងជាមេឃុំចៅសង្កាត់នៅក្នុងសង្កាត់នេះ។ បើតាមលទ្ធផលបឋមនៃការបោះឆ្នោត គណបក្សប្រជាជនកម្ពុជាឈ្នះបាន ៨ អាសនៈ ហើយគណបក្សភ្លើងទៀត ឈ្នះបាន ៣ អាសនៈ។ អ្នកស្រី ធីតា វីន នៃវីអូអេ បានសម្ភាសន៍អ្នកស្រី ចៅ រតនៈ អាយុ ៣៥ ឆ្នាំ ដែលជាបេក្ខជនចៅសង្កាត់ប៉ោយប៉ែតម្នាក់ មកពីគណបក្សភ្លើងទៀន ដែលបានជាប់ជាជំទប់ទី ២ នៃក្រុមប្រឹក្សាសង្កាត់ប៉ោយប៉ែត។ អ្នកស្រី ចៅ រតនៈ បានឲ្យដឹងថា ទោះបីជាមិនទទួលបានជោគជ័យកាន់តំណែងជាចៅសង្កាត់ក្តី ក៏អ្នកស្រីនៅតែតាំងចិត្តបម្រើសហគមន៍របស់អ្នកស្រីឲ្យអស់ពីលទ្ធភាព៕

បទសម្ភាសន៍ - វីអូអេ

kmJune 18, 2022

លោក យី សីហា៖ ការប្តេជ្ញាចិត្តធ្វើជាពលរដ្ឋសកម្ម ទោះចាញ់ការបោះឆ្នោតធ្វើជាមេឃុំ - មិថុនា ១៦, ២០២២

ការប្រកួតប្រជែងដណ្តើមយកតំណែងមេឃុំឬចៅសង្កាត់ នៅក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី ៥ នេះ គណបក្សកម្ពុជានិយម មានបេក្ខជនឈរឈ្មោះ ៣០៦ អាសនៈក្នុងចំណោមអាសនៈសរុប ១១៦២២។ ជាលទ្ធផល គណបក្សនេះទទួលបាន ១ អាសនៈ។ សម្រាប់ឃុំសូភាស ស្រុកស្ទឹងត្រង់ ខេត្តកំពង់ចាម ក្រុមប្រឹក្សាឃុំសង្កាត់មានអាសនៈចំនួន ៩។ គណបក្សចំនួន ៤ បានចូលរួមការប្រកួតប្រជែងការបោះឆ្នោតឃុំសង្កាត់អាណត្តិទី ៥ ដើម្បីគ្រប់គ្រងអាសនៈទាំងនេះ។ ជាលទ្ធផល គណបក្សប្រជាជនកម្ពុជាទទួលបាន ៧ អាសនៈ គណបក្សភ្លើងទៀនទទួលបាន ២ អាសនៈ។ អ្នកស្រី ធីតា វីន បានសម្ភាសន៍លោក យី សីហា អាយុ ៣៦ ឆ្នាំ បេក្ខជនមេឃុំ សូភាស ស្រុកស្ទឹងត្រង់ ខេត្តកំពង់ចាម នៃគណបក្សកម្ពុជានិយម ស្តីអំពីជុំវិញដំណើរការបោះឆ្នោតជ្រើសរើសក្រុមបឹ្រក្សាឃុំសង្កាត់អាណត្តិទី ៥។ លោក យី សីហា ដែលមិនបានជាប់ឆ្នោតជាមេឃុំ បានឱ្យដឹងថា មិនមានបរិយាកាសល្អសម្រាប់គណបក្សនយោបាយក្រៅរដ្ឋាភិបាលនោះទេ ក្នុងការចូលរួមប្រកួតប្រជែងបោះឆ្នោតជ្រើសរើសក្រុមបឹ្រក្សាឃុំសង្កាត់អាណត្តិទី ៥ នេះ។ លោក យី សីហា បានសង្កត់ធ្ងន់ថា លោកនឹងបន្តបំពេញតួនាទីជាពលរដ្ឋសកម្មមួយរូបក្នុងឃុំរបស់លោក បើទោះបីជាលោកមិនបានជាប់ឆ្នោតជាមេឃុំក៏ដោយ៕

បទសម្ភាសន៍ - វីអូអេ

kmJune 16, 2022

លោក ឈិត សូផាត៖ ការបម្រើរាស្រ្តបានល្អនាំមកនូវភាពជោគជ័យ - មិថុនា ១៦, ២០២២

សង្កាត់លេខ ១ ក្រុងព្រះសីហនុ ខេត្តព្រះសីហនុ មាន ១១ អាសនៈសម្រាប់ក្រុមប្រឹក្សាឃុំសង្កាត់។ សម្រាប់ការបោះឆ្នោតឃុំសង្កាត់អាណត្តិទី ៥ គណបក្សនយោបាយចំនួន ៦ បានចូលរួមប្រកួតប្រជែងតំណែងជាក្រុមប្រឹក្សាសង្កាត់លេខ១ នេះ។ លទ្ធផលបឋមបង្ហាញថា គណបក្សតែ ២ ប៉ុណ្ណោះបានទទួលអាសនៈនៅក្នុងសង្កាត់នេះ នោះគឺគណបក្សប្រជាជនកម្ពុជាទទួលបាន ៩ អាសនៈ និងគណបក្សភ្លើងទៀនបាន ២ អាសនៈ។ អ្នកស្រី ធីតា វីន បានសម្ភាសន៍លោក ឈិត សូផាត ដែលបានជាប់ឆ្នោតបន្តជាចៅសង្កាត់លេខ ១ ក្រុងព្រះសីហនុ ខេត្តព្រះសីហនុ។ លោក ឈិត សូផាត បានឲ្យដឹងថា ទោះបីជាលទ្ធផលមិនបានទទួលជោគជ័យ ១០០ ភាគរយក៏ដោយ ក៏នេះនៅតែជាលទ្ធផលគួរជាទីគាប់ចិត្តដែរ៕

បទសម្ភាសន៍ - វីអូអេ

kmJune 15, 2022

គណបក្សប្រជាជនកម្ពុជា៖ គ្មានការបោះឆ្នោតណាដែលប្រព្រឹត្តឡើងដោយល្អឥតខ្ចោះនោះទេ - មិថុនា ១៦, ២០២២

សម្រាប់ការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី ៥ នេះ គណបក្សប្រជាជនកម្ពុជាទទួលលទ្ធផលនាំមុខគេយ៉ាងខ្លាំង បើទោះបីជាក្រុមអ្នកឃ្លាំមើលការបោះឆ្នោត និងគណបក្សនយោបាយមួយចំនួន បានចាត់ទុកថាការបោះឆ្នោតនេះមិនទាន់មានយុត្តិធម៌ និងតម្លាភាពនៅឡើយ។ អ្នកស្រី ធីតា វីន បានសម្ភាសន៍លោក សុខ ឥសាន អ្នកនាំពាក្យគណបក្សប្រជាជនកម្ពុជា ស្តីអំពីដំណើរការជុំវិញការបោះឆ្នោតជ្រើសរើសក្រុមបឹ្រក្សាឃុំសង្កាត់អាណត្តិទី ៥ នេះ។ លោក សុខ ឥសាន បានឲ្យដឹងថា ការថែរក្សាគោលនយោបាយ ជំរុញឱ្យមន្ត្រីរដ្ឋាភិបាលបម្រើប្រជាពលរដ្ឋកាន់តែល្អ និងអភិវឌ្ឍន៍សង្គមកាន់តែប្រសើរ គឺជាគោលការណ៍របស់គណបក្សប្រជាជនកម្ពុជា ដែលត្រូវធ្វើបន្តទៀត៕

បទសម្ភាសន៍ - វីអូអេ

kmJune 15, 2022

បទសម្ភាសន៍ VOA៖ គណបក្សកែទម្រង់កម្ពុជាថា ការបែកខ្ញែកសំឡេងក្រុមមន្ត្រីអតីតបក្សប្រឆាំង ធ្វើឱ្យប៉ះពាល់ដល់សំឡេងអ្នកគាំទ្រ - មិថុនា ០៩, ២០២២

ក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥នេះ គណបក្សកែទម្រង់កម្ពុជាបានដាក់បេក្ខជនឈរឈ្មោះក្នុងឃុំសង្កាត់ចំនួន ៥៩ ក្នុងចំណោមឃុំសង្កាត់ទាំង ១.៦៥២។ គណបក្សនេះត្រូវបានបង្កើតឡើងនៅខែកញ្ញាឆ្នាំ២០២១ ដោយក្រុមមន្ត្រីមួយចំនួនរបស់អតីតគណបក្សសង្គ្រោះជាតិ។ នាង ធីតា វីន បានសម្ភាសន៍លោក អ៊ូ ច័ន្ទរ័ត្ន ស្ថាបនិកគណបក្សកែទម្រង់កម្ពុជា ស្តីអំពីដំណើរការជុំវិញការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥នេះ។ លោក អ៊ូ ច័ន្ទរ័ត្ន បានឱ្យដឹងថា ការបែកខ្ញែកសំឡេងក្រុមមន្ត្រីអតីតគណបក្សប្រឆាំងបានជះឥទ្ធិពលមិនល្អដល់គណបក្សក្រៅរដ្ឋាភិបាលក្នុងការទទួលសំឡេងគាំទ្រក្នុងការបោះឆ្នោតលើកនេះ។ សូមលោកអ្នកនាងស្តាប់កិច្ចសម្ភាសន៍នេះដូចតទៅ៖

បទសម្ភាសន៍ - វីអូអេ

kmJune 08, 2022

Ask បទសម្ភាសន៍ - វីអូអេ Anything

What is the main theme of the podcast?

Who are some of the popular guests the podcast?

Were there any controversial topics discussed in the podcast?

Were any current trending topics addressed in the podcast?

What popular books were mentioned in the podcast?

បទ​សម្ភាសន៍ - វីអូអេ

People also ask

Episodes (50)

បទ​សម្ភាសន៍ VOA៖ ទាំង​GSP និង​EBA «មាន​លក្ខណៈ​ផុយ​ស្រួយ​ដូចគ្នា»​ សម្រាប់​កម្ពុជា - មិថុនា ២៣, ២០២២

លោក​ ឆាង ​ផល្លា​ ៖ ភាព​ជោគ​ជ័យ​បាន​កើត​ឡើង​ក្រោយ​ពេល​ជម្នះ​គ្រប់​ឧបសគ្គ - មិថុនា ២២, ២០២២

លោក ​ឈិត ​សូផាត៖ ការ​បម្រើ​រាស្រ្ត​បាន​ល្អ​នាំ​មក​នូវ​ភាព​ជោគ​ជ័យ - មិថុនា ១៦, ២០២២

បទសម្ភាសន៍ - វីអូអេ

បទសម្ភាសន៍ VOA៖ ទាំងGSP និងEBA «មានលក្ខណៈផុយស្រួយដូចគ្នា» សម្រាប់កម្ពុជា - មិថុនា ២៣, ២០២២

លោក ឆាង ផល្លា ៖ ភាពជោគជ័យបានកើតឡើងក្រោយពេលជម្នះគ្រប់ឧបសគ្គ - មិថុនា ២២, ២០២២

លោក ឈិត សូផាត៖ ការបម្រើរាស្រ្តបានល្អនាំមកនូវភាពជោគជ័យ - មិថុនា ១៦, ២០២២