madeinluxembourg

Dës Episod ass zwar ouni de Fred Keup dofir awer mat enger gudder Portioun vu griicheschem Jughurt, Schocki vun Nestlé an engem Abschid an der lokaler Podcastzeen. Ausserdeem huet den David finalement "Das Sommerhaus der Stars" gekuckt an de Ben stellt Uni-Diplomer a Fro. Vill Spaass beim leschte Lëtzebuerger Meedercherspodcast.

De selwechten Dag op enger Aarbecht ufänken an déi ganz Ekipp direkt mat Mëtschen aschleimen- dat trëfft voll a ganz op eis Talkpartnerinne vun dëser aktueller, nach wotlecher Episod zou. D'Project Managerin Jil an d'Grafikerin Selma schwätze mam Ben ënnert anerem iwwert déi (heiansdo) komplizéiert Balance tëscht Deadlines a kreativem Ausliewen.

Déi grouss Finall vun der epescher Feierstorch-Saga!

Och de Veräinssport an d'Sportler sinn Affer vun der aktueller Situatioun. De Sport zu Lëtzebuerg ass zwar nach net sou staark opgestallt wéi am Ausland, trotzdeem ginn et genuch Leit déi finanziell dovunner ofhängeg sinn an zum Beispill vu Veräiner oder Federatiounen agestallt sinn. Nieft dësen ginn et awer och vill éierenamtlech Mataarbechter, sou wéi den Thierry Wagner, Vizepresident vun der Lëtzebuerger Handballfederatioun (FLH). Hien erkläert ënnert anerem wéi wichteg de Benevolat a Sponsoren och grad an dësen Zäite sinn. Donieft schwätzt de Ben awer och mam Thierry iwwert de Marketing am Sport an nei Weeër déi een hei am Land soll goen an deelweis och scho geet - Stéchwuert #handballassméi.

Frësch aus eisem neie professionelle Kellerstudio déi 7. Episod vun HEI ELEI, dës Kéier mam Jill aus dem "Paus" Podcast. Funfact 1: D'Jill heescht net wierklech Vanilli mam Familljennumm. Funfact 2: Hatt huet nach keng vun eise Sendunge fäerdeg gelauschtert. Genau iwwert dës leschtgenannte Problematik hu mir mam Jill geschwat, awer och iwwer iwwerschate Bands wéi Nirvana oder d'Beatles, den Jamal Khashoggi, an den David (deen alt erëm) ze spéit koum huet brisant, perséinlech News vun der Tinderfront. Alles verpak an engem schlechten Audiomix well d'Jill säin Handy um Dësch leien hat. Dir wollt et jo sou, reegt iech also net op!

- Busfueren - Vlogging - Luxembourg Fashion Week - Gonçalo Case - Newschool vs Oldschool - Hip Hop - Mariah Carey