客家歌

2023 年應樂迷多年的熱烈期盼，發行出道 24 年來個人首張母語專輯《人公 仔》，邀請備受矚目的 Genre-Bending 怪物音樂製作人盧子翔擔任統籌製作， 主打客家音樂少見的 Trendy Pop 音樂風格，唱出客家音樂與現代風格融合的 多樣可能性，同時也向大眾展現了客家音樂獨有的潛力。「人公仔」在客語 裡指的是「娃娃」，專輯從芭比、Superman、丘比特，甚至 Hi-ya 計程車等不同的角色，來闡述人性的多樣性，強調不服輸和改變的核心價值觀。

**桃花過渡 **山歌古調 演唱：吳盛智、玉鳳 正月裡來是新年，走路婦人真賺錢；丈夫走無三步腳，風流阿哥帶滿間。 二月裡來人落秧1，孤盲絕代撐2船郎；河邊搭蓋茅草寮，無凳無桌無眠床。 三月裡來三月三，走路婦人路上行；每日食飽無在屋，敗宗敗祖敗名聲。 四月裡來日又長，身無一文撐船郎；日日來往河壩邊，看到婦人像發癲。 五月裡來是端陽，走路婦人無想撞；本莊阿哥賺無食，偷偷摸摸出外庄。 六月裡來人割禾，撐船剋妻死孤盲；撐船可比龜爬沙，頭搖尾搖背駝駝。 七月裡來是立秋，走路婦人毋知羞；日裡擎遮跈人走，老忒無人愛收留。 八月裡來是中秋，撐船老貨面皮皺；有時有日3水浸死，身屍骨頭水上流。 九月裡來是重陽，無妻莫討過路娘；走路婦人毋會降，絕了家中一盆香。 十月裡來小陽春4，無愛撐船做老公；有時有日水浸死，誤了老妹青春時。 十一月裡來又一冬，走路婦人愛威風，捱無想愛汝做餔娘，汝莫想捱做老公。 十二月裡來又一年，撐船老貨捱無緣，老妹連哥千千萬，撐船老貨捱無貪。 註釋： 1.落秧：插秧，然口語上客語慣稱蒔田【sii tienˇ（四）/ shi+ tien（海）】 2.cang （四）/ changˇ（海） 3.iuˊ siiˇ iuˊ ngidˋ（四）/ rhiuˋ shi rhiuˋ ngid（海）：某年某月；總有一天 4.seuˋ iongˇ cunˊ（四）/ siauˊrhong chunˋ（海）：農曆十月別稱小陽春

做吾餔娘好無 黃鎮炘 詞/曲 黃鎮炘 收著紅帖知有朋友愛結婚（偷偷想） 哪時1 正會換涯來做新郎 自家無緊張 世大2 問爺哀3 愁媒人月老 遽遽分涯 好姻緣 若4 無對象若無棄嫌5Line 看看（莫敗勢） 真心邀請你來做做朋友 了解吾個性 有誠意有準備有緣正過來做盡尾 人生重要个決定 靚細妹 啊靚細妹仔 涯有認真做事 乜有惜人个情 毋使分你洗衫 也毋使分你煮飯 毋知你有歡喜 做吾餔娘6 好無 靚細妹 啊靚細妹仔 涯係生來老實 乜有良善个心 陪你曬日頭賞月光 陪你到老 毋知你有合意7 做吾餔娘好無 註釋： [1] 【同義詞】哪久；幾時 [2]世大人 shiˋ(53)taiˋnginˇ(113)（大）/ sii tai nginˇ（四）/ shi+ tai+ ngin（海）：長輩 [3]rhaˇ(113) oi+(33)（大）/ iaˇoiˊ（四）/ rha oiˋ（海）：雙親 [4] na+（大）/ na（四）/ na+（海）：如果 [5] kiˋ(53) hiamˇ(113)（大）/ ki(hi) hiamˇ（四）/ kiˇ(hiˇ) hiam（海）：嫌棄 [6] bu+(33) ngiongˇ(113)（大）/ buˊngiongˇ（四）/ buˋngiong（海）：妻子 【註】六堆四縣妻子不稱餔娘，謂之姐仔jiaˋeˋ；然北部客語姐仔為「偏房、側室」之意 [7] gagˋ(21) rhiˋ(53)（大）/ gagˋ i （四）/ gag rhiˇ（海）：滿意

髻鬃花 -- 鄭朝方 詞 葉國居 / 曲 鄭朝方 在家鄉 開等一蕊白白靚靚个花 一蕊花 看起來就像人擎等一支遮1 打早2 在田園山崎3 暗晡頭又轉到吾个屋下 該蕊花 係阿婆頭林（那）頂个髻鬃4 花 髻鬃花 毋驚日頭烈烈天公轉風車 毋管到哪位5 心肝儘採 心頭暖 一支遮 髻鬃花 你看該 迷人花香毋會差 該蕊花 汗水香 囥6 等親情分麼儕 髻鬃花 係恁樣 勞勞碌碌7 朝晨做到日頭斜斜8 髻鬃花 你看該 阿婆越老越開花 該蕊花 白雪雪 青絲變白髮9 為了家 這蕊花 係恁樣形个永永遠遠 日日年年開等啊 註釋： [1]zhaˋ（海）/ zaˊ（四）：雨傘 [2]daˊzoˊ（海）/daˋ zoˋ（四）： 一大早 [3]sanˋgiaˇ（海）/sanˊgia（四）： 山坡 [4] giˇ zungˋ（海）/gi zungˊ（四）： 古代客家婦女的一種髮髻樣式 [5] nai+ vui+（海）/nai vi（四）：哪裡 [6] kongˇ（海）/ kong（四）：藏 [7] lo lug （海）/ loˇlugˋ（四） [8] cia（海）/ qiaˇ（四） [9]【易錯】 fad（海）/ fadˋ（四） 教學日期：2022.02.09

EP37. ✩ 明星來聊-夏以儷 Kate ✩ 客家創作細妹＊夏以儷Kate＊來跟大家打嘴鼓! 猶如電影海角七號般的跨時代戀愛故事在新專輯《貓裏細妹》真實上演! 國旅正夯的苗栗超chill一日遊行程讓在地經營餐廳的苗栗細妹報你知! 客家人都很小氣？客家婆婆都很心機？欸欸打破這些刻板印象好嗎？Kate夏以儷會用好聽的音樂和爽朗的笑聲讓你愛上客家愛上她! feat. 全新專輯《貓裏細妹》歌手 夏以儷Kate - 專輯以夏以儷外曾祖母的真實故事為創作靈感 宛如海角七號故事真實翻版— 「日治時期，一名從秋田被派駐到台灣的日本消防隊大隊長，因為鄰居遭逢變故無法養育剛出生的孩子，於是該名大隊長領養了這個襁褓中的女嬰，並與一位失婚的苗栗女子相戀結婚，無懼當時他人眼光，兩人定居在苗栗，盡心盡力共同養育這個與自己都沒有血緣關係的女孩。然而二戰後日軍撤台，該名消防隊長也被要求遣返離台。由於太思念妻子與沒有血緣關係的女兒，在日本苦心花了16年的努力，最後終於等到返台簽證，成功回到台灣與家人團聚，長居苗栗，直至終老長眠於台灣。」 『因著愛，超越一切種族和意識， 沒血緣的關係仍然相愛，且願意用一生承擔。』 該名被領養的女兒便是歌手夏以儷Kate的外婆，希望把這份歷史情懷及浪漫故事， 透過自己用客家母語的音樂創作保存下來， 因此有了這張《貓裏細妹》的誕生。 《貓裏細妹》— 夏以儷Kate首張客語創作專輯 以儷那如同自帶LOFI的聲線，相當迷人獨特。熱愛表演藝術的她，從華岡藝校表演藝術科到中國文化大學中國戲劇系，就學歷程就經常跟著學校老師到國外巡演，雖然有著豐富的舞蹈戲劇廣告等經歷，但是說到創作及歌唱，仍然害羞且戰戰兢兢; 她認為創作及歌唱對她而言，要超越肢體，還要能靈魂體自由又合一的玩出一首首好歌，才能感動自己也感動人。容易緊張，敏感又細膩的Kate，期許自己要學習享受著每一種跨領域的表演，這張專輯，她用歌聲說著母親家族的故事，也滿懷著對外曾祖父的感恩。 聽著《貓裏細妹》專輯，時而俏皮浪漫，時而空靈悲愴的歌曲， 一起回到那年代動盪的時空， 作為以儷外曾祖父母愛情故事中的旁觀者， 見證大時代下，在「貓裏」所發生的一段浪漫、辛酸喜淚的愛情與親情故事。 在那動盪不安的時空中， 因為愛，兩人克服種族、語言的不同 因為愛，克服沒血緣的關係， 就算被迫分開，相距兩千多公里，依然掛念著對方， 也都是因為愛，能克服所有阻礙。 《貓裏細妹》專輯是紀念大時代的 『悲. 愛. 歌』 戰亂中的傷害犧牲，直至現今，仍有人帶著過去歷史的種族情仇而含恨帶淚著。專輯創作的目的，更是希望體現任何關係中都能有接納不同、和平共融、成全尊重的態度，消泯對立，並讓愛得以延續。 《貓裏細妹》由流行跨界音樂製作人蘇通達操刀，帶領著年輕的編曲團隊與知名樂手老師，更邀請日本三味線演奏名人-小比田雅勝，共同參與錄製。專輯以1930年代為時空概念，並取樣當代日本傳統氣息並富涵節奏感的「東京音頭」曲風。使用現代的節奏與合成器，穿插傳統節奏的音色和技法，並以吉他維繫著西洋和聲的平衡基礎，搭配著三味線古樸的日式風情，激盪出意想不到的火花，同時讓聽覺穿梭在不同異域及古今的空間與年代感。 編曲、詞曲在在展現跨國音樂性及故事主題性的張力，整體表現顯露年代風情及當代創新，拋開舊世代混屯戰亂的民族糾葛，用新眼光，穿上當代客家流行音樂跨界的生命力彩衣，且讓我們一起聽這位來自苗栗的女孩-夏以儷，唱一段『貓裏細妹』的浪漫故事。 - 歡迎加入我的社群 Facebook：https://www.facebook.com/fly967/ Instagram：https://instagram.com/fly967?igshid=cbc9fb9ph0hk 夏以儷Kate FB 粉絲團: https://reurl.cc/L7glmL 夏以儷Kate IG: https://reurl.cc/q12vZN 乾爹乾媽認養區：https://pay.soundon.fm/podcasts/62c854ee-4394-4964-b42c-25f4947fc598 如果你喜歡我的內容，記得給我五星好評！

這集X分享了國中那年遇到的奇葩老師，每天都是上課睡覺，下課尿尿的她，老師究竟做了些什麼!? 而D在學生時期的榮譽又是什麼呢?

不管出了幾張專輯，一去到主持人全都是問這個問題，今天一次在Podcast中解答出來！ 各位聽眾朋友大家好，亻厓係客家創作歌手曾仲瑋，係新竹縣个竹東人，亻厓創作海陸腔个客家歌曲。開始客家音樂創作差毋多有12年，目前發行三張客語創作專輯。第一張《掌牛哥》、第二張專輯《仙哥》，舊年底發行咧第三張專輯《O nga O nga》，寫自家這下已經變做爺哀咧，愛㧡起自家个屋下，裡背个心路歷程。這張專輯乜入圍了第三十二屆金曲獎 - 最佳客語歌手獎喔。 一開始會創作客家歌曲，正經愛承蒙亻厓个小學同學 - 張慧君，一直有保持聯絡个亻恩俚，在佢讀中央大學客家文化研究所个時節，拍了一部摘茶阿婆个紀錄片，講一個摘茶阿婆子女當成功了，佢還係逐日恁煞猛做事無休息。 因為慧君知亻厓有在外背唱歌表演，尋亻厓創作一條客家歌曲，分佢个紀錄片做主題曲。該時節亻厓正經當愁慮！因為亻厓毋會講客，仰般做客家歌呢？好在摎亻厓姆討論紀錄片以後，佢試著頭擺个婦人家斯係恁樣形生活啊～細時節斯開始在外背做工換飯吃。嫁人以後為著子女奉獻一生，乜當會理家。子女大了飛出去以後，又係恁樣勞碌做事無停下來，乜係這部紀錄片想愛傳達”認真个阿婆最靚”个想法。 所以阿姆摎亻厓寫當多歌詞下來，斯開始亻厓个第一條客家創作“最靚个阿婆”，收錄在亻厓第一張專輯掌牛哥裡背。當承蒙客家委員會舉辦當多創作比賽，慢慢仔亻厓對寫客家歌乜寫出興趣，開始多了解客家文化、客家詞彙，客語認證。這下乜係新竹市摎新竹縣个國小客語先生喔～開始做還較多个傳承，希望這下个小朋友莫像自家共樣，細時節毋會講客，大了正來學，莫分客家話毋見忒！ 今晡日想愛介紹這條歌曲，安著”戀戀路邊花”。毋知路邊花个人可能會試著，路邊个花到底係麽个花呢？其實斯係”魯冰花”。講著”魯冰花”，大家定著會想著台灣文學之母”鍾肇政”先生，當有名个文學作品。有改編過電影，摎電影主題曲：”夜夜想起媽媽的話，閃閃的淚光魯冰花。”，因為鍾先生是龍潭人，龍潭當多茶園，茶園旁脣總會種路邊花來做綠肥，花開做得觀賞，花謝以後做肥草來委肥。所以滿哪係个路邊花這種無私、奉獻个精神，轉化為客家人心肝肚个母親花、阿姆花。 亻厓在一擺有機會參加路邊花節个活動，看著歸山黃淰淰个路邊花，隨風搖擺个樣仔當得人惜。又了解推廣路邊花無私个精神以後，試著當感動。在駛車轉屋當下，一有靈感斯停到路脣，摎副歌寫出來： ”戀戀路邊花，客家阿姆花。佢敢係在路脣，指點亻厓轉屋家。” ”戀戀路邊花，客家阿姆花。用佢个葉摎花，回養滿天下。” 主歌摎副歌中間加入客家山歌”平板”，希望恁樣个結合做得分後生人聽著，客家傳統歌曲乜當好聽！來聽看這條歌曲，戀戀路邊花。

各位聽眾朋友大家好，亻厓係客家創作歌手曾仲瑋，從細在新竹个竹東大欸，亻厓係創作海陸腔个客家音樂，開始客語歌曲創作个時間差毋多有12年，目前發行三張客語創作專輯，有入圍過兩擺金曲獎最佳客語歌手獎，今晡日想摎大家打嘴鼓，講亻厓自家創作个靈感到底對哪位來呢？ 其實一開始創作客家歌曲个時節亻厓毋會講客，聽乜聽有一點仔定定，所以正經當承蒙厓姆摎亻厓扌帣手當多，寫當多頭擺客家莊个故事，分亻厓這輩个人做得認識頭擺个生活，頭擺个情形係仰般形，亻厓斯根據摎亻厓聽著个故事去尋畫面感寫出歌曲，所以大體係先有詞正有曲。毋過後來自家開始摎母語拈轉來以後，慢慢仔自家做得用生活當中堵著个事情，用歌曲、歌詞記錄下來，算係這下當代个客家人生活个歌曲，斯無限制在客家傳統風俗咧。一開始寫追求細妹仔个歌”今晡日”、”草莓”，後來乜有寫毋想上班个心情，斯係”壞咧”這條歌曲，這擺第三張專輯《Onga Onga》主要斯講自家做爺哀咧，有麽个想法無共樣，有麽个成長个位所。 今晡日想愛摎大家介紹个這條歌曲”幸福兩公婆”，係講疫情恁嚴重个時節，雖然兩公婆在屋下逐日愁慮下一餐，煩惱倈仔當得人惜又當得人惱，毋過乜總係床頭打床尾和，不管外背發生麽个事情，只要兩儕人相知相惜，總做得共下撐起自家个家庭。所以這擺乜尋咧亻厓靚靚个餔娘曾怡玲摎亻厓扌帣手唱這條歌曲，大家共下來聽看喔～幸福兩公婆。

各位聽眾朋友大家好，亻厓係客家創作歌手曾仲瑋，來自新竹縣竹東鎮，亻厓係創作海陸腔个客家音樂，開始客語歌曲創作差毋多有12年咧，目前發行三張客語創作專輯，入圍兩擺金曲獎最佳客語歌手獎，這擺想愛摎大家介紹亻厓第三張專輯《Onga onga》裡背个一條歌曲「屙氵巴」。可能有人聽著歌名斯會笑出來，仰會有人用屙氵巴來做歌名？本來屙氵巴个意思斯係講人無責任感，大家會試著佢講个話聽毋得，毋會相信佢。在這位寫个其實係講頭擺个亻厓自家，因為亻厓頭擺在台北做頭路，該時節亻厓係一個電腦工程師，逐日試著自家囥在辦公室裡背，無法度追求自家好唱歌个夢想，一日又過一日，一年又過一年，毋知自家哪時節做得成功，有兜成就轉家鄉，所以寫咧這條歌曲，鼓勵大自家做得勇敢，往自家个夢想，自家想愛做个事情，大步向前行，莫緊企在原來个位所，越想越毋會做，斯像該時節个亻厓共樣。這條歌曲特別感謝編曲先生姜道，乜係專輯个製作人，佢聽忒這條歌曲个demo以後，摎這條歌曲打造無共樣个韓國舞曲風格，還分佢有記憶點，大家聽著歌曲斯會知有一段旋律緊出現，配合歌名屙氵巴，分客家屙氵巴搖身一變，變成韓國歐巴！ 這條歌曲在網路上乜有亻厓在鬧熱打擂台節目頂背一邊唱歌一邊跳舞个影片喔，承蒙編舞先生胡予欣摎亻厓扌帣手，第一擺做唱跳歌手，正經試著當緊張呢！希望自家个音樂風格做得越來越多元，越來越多風格，大家有閒做得尋來看喔！這下大家來聽這首歌曲～安著「屙氵巴」。

各位聽眾朋友大家好，亻厓係客家創作歌手曾仲瑋，來自新竹縣竹東鎮，聽亻厓講話斯知亻厓係創作海陸腔客家音樂个創作人，目前發行三張專輯。第一張係《掌牛哥》，講一個在客家庄摎人扌帣掌牛个細倈仔；第二張係《仙哥》，斯係掌牛哥大咧變成逐日樂線、無愁慮个仙哥；第三張專輯係《O nga O nga》，講自家有倈仔，做毋得樂線咧，肩頭愛㧡起責任咧。這擺第三張專輯入圍咧第32屆金曲獎，正經非常承蒙金曲獎評審先生个肯定，因為舊年有當多當多好聽个專輯，有亻厓欣賞个前輩，還有在餐廳唱歌時節个朋友，有出來比賽母語創作熟識个朋友，還有堵開始創作客家歌曲、大家試著當有發展性个新人。所以這擺做得入圍，一方面感謝專輯製作團隊个幫忙，製作人游鎮宇，姜道、配唱製作人樓羽軒，經紀人李東祐特別感謝。另外一方面乜係肯定咧亻厓自家這幾年个煞猛打拼，認真學習客話。熟識仲瑋个人定著會知，頭兩張專輯大體係亻厓媽媽-劉玉梅女士摎亻厓扌帣手寫歌詞，毋過這張專輯全部係自家作詞作曲，乜總算對得起自家這下國小客語先生个角色，乜係自家創作客家歌曲十年咧，總算有一息息成績出來。 第一條想愛介紹分大家个係主打歌曲O nga O nga，該時節因為亻厓倈仔堵降出來，細細个嬰兒佢逐日onga onga个聲噭分亻厓聽，亻厓雖然試著毋盼得，毋過係希望佢遽遽睡目正會遽遽大，乜毋使緊聽噭聲，聽著發火！所以寫咧一條搖籃曲分佢。第一段爸爸唱，爸爸唱忒換媽媽唱，斯尋亻厓餔娘曾怡玲摎亻厓扌帣手，佢乜係一個當會唱歌个細阿妹仔，從細斯開始唱客家山歌，乜算係亻厓客家个前輩喔！大家共下來聽看這條歌曲～O nga O nga～